1 Korintobi 4:6 - Somi He Ɔ

⁶ Mamimɛ, nyɛ he nɛ i kɛ kikɛmɛ a ni nɔmɛ ngɛ i kɛ Apolo he toeɔ nɛ, konɛ nyɛɛ kase wɔ nɛ nɔ ko ko susu pe nɔ nɛ a ngma a, konɛ nyɛ ti nɔ ko kɛ he nɔ womi ko bu nɔ ko pe nɔ ko.

BAIBLO ALOO NGMAMI KLƆUKLƆU Ɔ

⁶ Ye nyɛmimɛ, nyɛ he ɔ, i ngɔ imi, kɛ Apolo ngɔ pee nɔ hyɛmi nɔ́ ha nyɛ, konɛ nyɛɛ kase wɔ, nɛ nyɛ ko je nɔ́ nɛ a ngma a se ya pee nɔ́ kpa ko. Nyɛ ti nɔ ko nɔ ko kó wó e he nɔ; nɔ ko kó bu nɔ ko nɔmlɔ ngua pe nɔ ko.

1 Korintobi 4:6 ပူးပေါင်းရင်းမြစ်များ

2 Korintobi 11:4

Ejakaa ke nɔ nɛ ma a ba fiɛɛ yesu kpã nɛ wa fiɛ we, aloo mumi kpa ko nɛ nyɛ na we sa, aloo sane kpakpa kpã ko nɛ nyɛ he we ɔ, nyɛ heɔ lɛ saminya.

2 Korintobi 12:19

Nyɛ susuu kaa wa nya sɔuu wa ngɛ jee kɛ ngɛ nyɛ hae nɛ ɔ lo? Pi ja, Mawu hɛ mi wa ngɛ dee ngɛ, ngɛ Kristo mi, se, mamimɛ, ni nɛ ɔmɛ kulaa a, nyɛ nane si numi he je nɛ wa ngɛ dee.

2 Korintobi 12:6

Ejakaa ke i ngɛ hlae nɛ ma fia a, i be kuasia ejakaa ma tu anɔkuale; se ye hɛ i ngɛ kue kɛ ngɛ nɔ fɔe, konɛ nɔ ko nɛ ko bu mi pe bɔ nɛ e naa mi ɔ aloo nɔ́ nɛ e ko ɔ e nuɔ ngɛ ye nya a.

Kolosebi 2:18

Nyɛ ko ha nɛ nɔ ko nɛ buu e he kaa e pe nihi kulaa ngɛ ni nami ko he ɔ nɛ bu nyɛ fɔ nɛ e fi nɔ ngɛ lɛ nitsɛ e hlami nya kaa a kɛ he si bami juɛmi nɛ ja hiɔwe bɔfohi; e he lo juɛmi ɔ hãa e woɔ e he nɔ yakatsuaa;

1 Tesalonikabi 1:5

kaa wa sane kpakpa a bɛ́ nyɛ ngɔ ngɛ munyu tumi mi kɛkɛ, se mohu ngɛ Mumi Klɔuklɔu ɔ he wami kɛ nɔ mi mami babauu mi, kaa bɔ nɛ nyɛ le, bɔ nɛ wa plɛ ba wa je mi ngɛ nyɛ kpɛti ngɛ nyɛ he ɔ.

Romabi 12:3

Se i kɛ dloomi nɛ a kɛ dloo mi ɔ ngɛ nyɛ ti nɔ tsuaa nɔ dee ke e ko bu lɛ nitsɛ e he babauu tsɔ pe bɔ nɛ sa kaa e buu e he, se mohu e susu hɛ si kami susumi, nɔ tsuaa nɔ ɔ, kaa bɔ nɛ Mawu kale hemi kɛ yemi kalemi ɔ ngɔ ha lɛ ɔ.

2 Korintobi 10:7

Nyɛ ngɛ nihi hyɛe kaa bɔ nɛ a ngɛ ngɛ kpo nɔ. Ke nɔ ko ngɔɔ e hɛ fɔɔ lɛ nitsɛ e he nɔ kaa Kristo nɔ ji lɛ ɔ, e susu he ekohu, kaa bɔ nɛ lɛ nitsɛ e ji Kristo nɔ ɔ, ja nɔuu kɛ wɔ hu wa ji Kristo nihi.

2 Korintobi 4:15

Ejakaa nyɛ he nɛ a ngɛ enɛ ɔ kulaa pee, konɛ dloomi nɛ hiɛ babauu nɛ gu nihi fuu a sina nɔ kɛ be nɔ kɛ ha Mawu hɛ mi nyami womi.

1 Korintobi 8:1

Jehanɛ ngɛ wɔhi a nya bɔ sami niyeni ɔmɛ a he ɔ, wa le kaa “wɔ kulaa wa le ni.” Ni lemi haa nɔ woɔ e he nɔ, se suɔmi haa nɔ nane nuu si.

1 Korintobi 5:6

Nyɛ fiami ɔ be fɛu. Nyɛ li kaa ma sasɛ nyafii saa ma mluku ɔ kulaa lo?

1 Korintobi 3:19

Ejakaa je nɛ ɔ mi ni lemi ɔ ji kuasiahi a sane ngɛ Mawu hɛ mi. Ejakaa a ngma ke: “Enuu ni leli ɔmɛ ngɛ mɛ nitsɛmɛ a hɛ mi temi ɔ mi.”

2 Timoteo 2:10

Enɛ ɔ he je ɔ i miaa ye hɛ mi ngɛ sanehi kulaa mi ngɛ nihi nɛ ahla mɛ ɔ a he, konɛ mɛ hu a nine nɛ su yi wami hemi nɛ ngɛ Kristo Yesu mi ɔ kɛ neneene hɛ mi nyami ɔ nɔ.

2 Korintobi 10:15

Wa fiɛ pe nine ngɛ ni kpahi a nitsumihi a he; se wa hɛ ngɛ nɔ kaa, ke nyɛ hemi kɛ yemi ɔ ngɛ wae ɔ, wa ma plɛ nimli nguahi ngɛ wɔ nitsɛmɛ wa ni tsumi nya, nɛ wa maa be nɔ tete,

2 Korintobi 10:12

Wa kɛ́ kaa wa maa bu wa he ngɔ si ni komɛ a nɔ, aloo waa kɛ wa he maa to ni komɛ nɛ jeɔ mɛ nitsɛmɛ a he yi ɔmɛ a he; mɛɛ lɛɛ, akɛnɛ a kɛ mɛ nitsɛmɛ a he kaleɔ mɛ nitsɛmɛ a he, nɛ a kɛ mɛ nitsɛmɛ a he toɔ mɛ nitsɛmɛ a he he je ɔ, a be juɛmi.

1 Korintobi 13:4

Suɔmi toɔ e tsui si, e mi mi hi; suɔmi ji hunga; suɔmi fiɛ̃, e pee we pupuupu,

1 Korintobi 9:23

Sane Kpakpa a he nɛ i peɔ enɛ ɔmɛ kulaa ngɛ, benɛ pee nɛ imi hu ma na e mi ni ɔmɛ eko.

1 Korintobi 5:2

Se nyɛɛ lɛɛ, mɛni he je nyɛ woɔ nyɛ he? Sa nɛ nyɛɛ ye kɔmɔ benɛ pee nɛ a je nɔ nɛ tsu kikɛmɛ a ni nɛ ɔmɛ kɛ je nyɛ kpɛti.

1 Korintobi 3:21

Lɔ ɔ he ɔ nɔ ko nɔ ko ko fia ngɔ fɔ nimli a nɔ: se nihi kulaa a nyɛ nɔ ʼi,

1 Korintobi 1:31

konɛ: “Nɔ nɛ ngɛ fiae ɔ, e fia ngɔ fɔ Nyɔmtsɛ ɔ nɔ,” kaa bɔ nɛ a ngma a.

1 Korintobi 1:19

Ejakaa fa ngma ke: “Ma puɛ ni leli a ni lemi, Nɛ ga leli a ga a hu ma ha e pee yaka.”

1 Korintobi 1:12

Nɔ́ nɛ i ngɛ dee nɛ ɔ ji kaa nyɛ ti nɔ tsuaa nɔ deɔ ke: “Ami lɛɛ, Paulo nɔ ji mi; ami lɛɛ, Apolo nɔ ji mi; ami lɛɛ, Kefa nɔ ji mi, ami lɛɛ Kristo nɔ ji mi.”

Ni Tsumi 18:24

Yudano ko nɛ a tsɛɛ lɛ Apolo nɛ e se je Aleksandria nɛ ji nyumu nya mi tsɔlɔ nɛ ngɛ he wami ngɛ ngmami ɔmɛ a mi hulɔ ɔ ba Efeso.

Ni Tsumi 19:1

Benɛ Apolo ngɛ Korinto ɔ, Paulo ya kpa mahi nɛ ngɛ yo ɔmɛ a ɔ nɔ mi kɛ ba je Efeso. Nɛ e ba na kaseli komɛ,

2 Korintobi 12:20

Ejakaa i ngɛ gbeye yee kaa alinɔ ke i ba a, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ; kaa eko ɔ pɛ, hunga jemi, mi mi la, huhui, sieku yemi, munyu huitihuiti tumi, he nɔ womi, basabasa peemi ngɛ nyɛ kpɛti.