1 Korintobi 4:5 - Somi He Ɔ

⁵ Lɔ ɔ he ɔ nyɛ ko kojo nɔ ko loko e su be ɔ, kɛ yaa su be nɛ Nyɔmtsɛ ɔ maa ba, nɔ nɛ kɛ diblii mi nihi nɛ a kɛ laa a tete maa ba la hɛ mi nɛ e ma je tsuihi a mi juɛmi ɔmɛ a si ɔ. Lɔ ɔ mi ɔ, nɔ tsuaa nɔ ma na e yi jemi kɛ maa je Mawu dɛ mi.

BAIBLO ALOO NGMAMI KLƆUKLƆU Ɔ

⁵ Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

1 Korintobi 4:5 ပူးပေါင်းရင်းမြစ်များ

Yakobo 5:7

Lɔ ɔ he ɔ mamimɛ, nyɛɛ to nyɛ tsui si, kɛ ya su Nyɔmtsɛ ɔ bami be ɔ. Nyɛɛ hyɛ bɔ nɛ hulɔ ɔ mlɛɔ zugba a ni bami nɛ he jua wa, nɛ e toɔ e tsui si ngɛ he kɛ ya suu be nɛ gbo kɛ gbiɛ nyu nɛɛ ɔ;

2 Korintobi 5:10

Ejakaa ja wɔ kulaa wa pue paa ngɛ Kristo kojomi sɛ ɔ hɛ mi, konɛ nɔ tsuaa nɔ nɛ na nihi nɛ e pee ngɛ nɔmlɔ tso mi ɔ he hiɔwo, bɔ nɛ e pee ɔ, kpakpa ʼi jio, yaya ʼi jio.

1 Korintobi 3:13

a maa na nɔ tsuaa nɔ ni tsumi ɔ paa, ejakaa ligbi ɔ ma je lɛ kpo, ejakaa la mi e maa je kpo ngɛ, nɛ bɔ tsuaa bɔ nɛ nɔ ni tsumi ngɛ ɔ, la a nɔuu ma je lɛ si.

Hebribi 4:13

A laa we bɔ nɔ́ ko ngɛ e hɛ mi, se nihi kulaa ngɛ paa nɛ a bli nɔ ngɛ lɛ nɔ nɛ waa kɛ ngɛ sane ɔ hɛngmɛ mi.

2 Korintobi 10:18

Ejakaa pi nɔ nɛ jeɔ e he yi ɔ ji nɔ nɛ sa, se mohu nɔ nɛ Nyɔmtsɛ ɔ jeɔ e yi ɔ.

Romabi 2:16

ngɛ ligbi nɛ Mawu maa gu Yesu Kristo nɔ kɛ kojo nimli a laami mi ni ɔmɛ ngɛ ye Sane Kpakpa a nya a.

Romabi 2:1

Lɔ ɔ he ɔ mo, nɔ tsuaa nɔ nɛ o kojoɔ ɔ, o be nya jemi ko; ejakaa nɔ he nɛ o kojoɔ nɔ kpa ngɛ ɔ, o kɛ buu mo nitsɛ o he fɔ; ejakaa mo nɛ o kojoɔ nihi ɔ, jamɛ a ni ɔmɛ nɔuu o tsuɔ.

Kpojemi 20:12

Nɛ i na ni gbogboe ɔmɛ, ni tsɔwi kɛ ni nguahi nɛ a daa si ngɛ matsɛ sɛ ɔ hɛ mi. A bli womihi a nya, nɛ a bli womi kpa ko nɛ ji wami womi ɔ hu nya. Nɛ akojo ni gbogboe ɔmɛ, ni tsɔwi kɛ ni nguahi, ngɛ nihi nɛ a ngma ngɛ womi ɔmɛ a mi ɔ nya, bɔ nɛ sa a ni tsumi ɔmɛ.

1 Petro 1:7

konɛ a na nyɛ hemi kɛ yemi sami ɔ kaa e he jua wa babauu. Sika tsu po nɛ puɛɛ ɔ, a kaa ngɛ la mi; nɛ lɔ ɔ he ɔ nyɛ hemi kɛ yemi nɛ he jua wa pe sika tsu ɔ hu sa nɛ a ka lɛ konɛ e nyɛ nɛ e hi si. Lɛɛ, nyɛ nine maa su yi jemi kɛ hɛ mi nyami kɛ bu nɔ ngɛ Yesu Kristo kpo jemi ɔ mi,

Romabi 2:29

se mohu nɔ nɛ ji Yudafo no ngɛ mi mi je ɔ lɛ ji Yuda no; nɛ tsui mi nɔ pomi nɛ ngɛ mumi mi, nɛ pi ngmami okadi mi ɔ, ji nɔ pomi nɛ e yi jemi ɔ ji nimli a ngɔ, se mohu Mawu ngɔ e jee.

2 Korintobi 4:2

Wa kua zo nihi nɛ a kɛ laa a, nɛ wa bɛ wa je mi ngɛ kutupɔ mi, nɛ jehanɛ hu wa futuu we Mawu munyu ɔ, se mohu waa kɛ anɔkuale ɔ kpo jemi ɔ jeɔ wa he yi ngɔ tsɔɔ ni mli a he nilemi tsuo ngɛ Mawu hɛ mi.

Romabi 14:4

Moo lɛɛ mɛnɔ ji mo nɛ o kojoɔ nɔ kpa sɔmɔlɔ? Lɛ nitsɛ e nyɔmtsɛ ɔ e daa si aloo e nɔɔ si haa; se a ma ha e maa da si, ejakaa Mawu ngɛ he wami nɛ e ma ha e da si.

Yohane 5:44

Nyɛ nɛ nyɛ ngɛ hɛ mi nyɛmi he hae ngɛ nyɛ kpɛti, se hɛ mi nyami nɛ jee Mawu kake too ɔ ngɔ ɔ lɛɛ nyɛ di se ɔ, kɛ maa pee kɛɛ nɛ nyɛ ma nyɛ he ye mɔ?

Yakobo 4:11

Nyɛ ko ye nyɛ sibi a he sieku, mamimɛ. Nɔ nɛ tuɔ e nyɛmi he munyu aloo e kojoɔ e nyɛmi ɔ, Mlaa a e ngɛ munyu tue kɛ ngɛ sie, nɛ Mlaa a e ngɛ kojoe ɔ nɛ. Ke o ngɛ Mlaa a kojoe, ɔ pi Mlaa a nɔ yelɔ ji mo, se Mlaa a kojolɔ mohu ji mo.

Luka 6:37

“Nyɛ ko kojo konɛ a ko kojo nyɛ; nyɛ ko bu fɔ, konɛ a ko bu nyɛ fɔ; nyɛ kɛ pa, nɛ a kɛ maa pa nyɛ.

Mateo 24:46

A gbaa jamɛ ɛ tsɔlɔ ɔ, nɔ nɛ benɛ e nyɔmtsɛ ɔ ba a, nɛ e ma ba na lɛ kaa e ngɛ jã pee ɔ.

Kpojemi 1:7

Oʼɛ, e ma kɛ bɔku ɔmɛ, nɛ hɛngmɛ tsuaa hɛngmɛ maa na lɛ kɛ nihi nɛ gbɔɔ lɛ ni ɔ hulɔ, nɛ zugba a nɔ weku ɔmɛ kulaa maa wo ya ngɛ e he. Ee, Amen.

1 Petro 5:4

Nɛ benɛ to hyɛlɔ nɔkɔtɔma a ma je e he kpo ɔ, nyɛ nine maa su hɛ mi nyami jlasi nɛ ngla we ɔ nɔ.

1 Tesalonikabi 5:2

Ejakaa nyɛ nitsɛmɛ nyɛ le tutuutu kaa Nyɔmtsɛ ɔ ligbi ɔ maa ba kaa juɔ baa nyɔ mi ɔ.

Yohane 21:22

Yesu de lɛ ke: “Ke i suɔ kaa e hi si kɛ ya su ye bami be ɔ, o he sane mɛni ji kɔlɔ ɔ? Moo lɛɛ nyɛɛ ye se!”

2 Petro 3:4

nɛ a ma de ke: “Jije e bami ɔ he si womi ɔ ngɛ? Ejakaa kɛ je be nɛ tsɛmɛ ɔmɛ gbo nɛ ɔ ɔ, bɔ nɛ nihi ngɛ kɛ je je ɔ bɔmi sisije mi ɔ, ja nɔuu a ngɛ nɛ ɔ nɛ.”

Mateo 25:23

E nyɔmtsɛ ɔ de lɛ ke: Ayekoo, sɔmɔlɔ kpakpa kɛ anɔkualetsɛ, o ye anɔkuale ngɛ nihi bɔɔ mi, ma ha o pee nihi fuu a nyatsɛ: sɛ o nyɔmtsɛ bua jɔmi ɔ mi.’

Yuda 1:14

Nimli nɛ ɔmɛ a he nɛ Henok nɔ nɛ ji nɔ kapaago kɛ je Adam nɔ ɔ gba ngɛ ke: “Oʼɛ, Nyɔmtsɛ ɔ ma kɛ e klɔuklɔu bihi akpe nyɔngma nyɔngmahi abɔ,

2 Petro 3:12

Sa nɛ nyɛɛ pee nihi nɛ hyɛɛ Mawu ligbi ɔ bami ɔ blɔ, lɛ be ɔ mi nɛ hiɔwe ma mle kɛ la nɛ e maa sã, nɛ je mi sisije nihi hu maa sle ngɛ la mi.

1 Korintobi 15:23

Nɔ tsuaa nɔ ngɛ lɛ nitsɛ e blɔ he: Kekleekle nɔ ji Kristo, lɔ ɔ se ɔ nihi nɛ ji Kristo ni ɔmɛ ngɛ e bami ɔ mi.

1 Korintobi 11:26

Ejakaa si abɔ nɛ nyɛ yeɔ kikɛmɛ a bolo nɛ ɔ, nɛ nyɛ nuu kikɛmɛ a kplu nɛ ɔ hulɔ ɔ, nyɛ ngɛ Nyɔmtsɛ ɔ gbenɔ ɔ jajee kɛ ngɛ tsɔɔe kɛ maa su be nɛ e maa ba.

1 Korintobi 1:7

nɛ e piɛ́ nyɛ dloomi ke nɔ ko, nyɛ nɛ nyɛ hyɛɛ wa Nyɔmtsɛ Yesu Kristo kpojemi ɔ blɔ ɔ,

Romabi 2:7

Nihi nɛ kɛ kpakpa peemi kɛ tsui si tomi hlaa hɛ mi nyami kɛ bu kɛ si himi nɛ puɛ we ɔ, Mawu ma ha mɛ neneene wami.

Mateo 24:30

Kɛkɛ ɔ, Nɔmlɔ Bi ɔ okadi ɔ maa je kpo ngɛ hiɔwe, nɛ lɔ ɔ lɛɛ zugba a nɔ wetso ɔmɛ tsuo maa wo ya, nɛ a maa na Nɔmlɔ Bi ɔ kaa we ma ngɛ hiɔwe bɔku ɔmɛ a nɔ kɛ he wami dɛ hɛ mi nyami babauu.

1 Korintobi 3:8

Se nɔ nɛ ma kɛ nɔ nɛ pue nɔ nyu ɔ tsuo ɔ kake ʼi; nɔ tsuaa nɔ ma na lɛ nitsɛ e hiɔwo ngɛ lɛ nitsɛ e ni tsumi nya.

Mateo 25:21

E nyɔmtsɛ ɔ de lɛ ke: ‘Ayekoo, sɔmɔlɔ kpakpa kɛ anɔkualetsɛ, o ye anɔkuale ngɛ nihi bɔɔ mi, ma ha o pee nihi fuu a nyatsɛ: sɛ o nyɔmtsɛ ɔ bua jɔmi ɔ mi.’

Mateo 10:26

“Lɔ ɔ he ɔ nyɛ ko ye mɛ gbeye; ejakaa nɔ́ ko nɔ́ ko be nɛ a bu nɔ nɛ a be nɔ tlee nɛ a laa we nɔ́ ko nɛ a be lee.

Yohane 21:23

Kɛkɛ nɛ munyu nɛ ɔ gbɛ fia ngɛ nyɛmimɛ ɔmɛ a kpɛti ke jamɛ a kaselɔ ɔ be gboe. Kpahu Yesu de we ke e be gboe, se mohu e ke: “Ke i suɔ kaa e hi si kɛ ya su ye bami be ɔ, o he sane mɛni ji kɔlɔ ɔ?”

1 Korintobi 3:14

Ke nɔ ko ni tsumi nɛ e fia ngɔ ma nɔ ɔ maa da si ɔ, e ma na hiɔwo;

1 Korintobi 11:16

Se ke nɔ ko suɔ kaa e pee e he nya sãlɔ ngɛ enɛ ɔ he ɔ, wɔɔ lɛɛ wa pee we ja, nɛ Mawu asafo ɔmɛ hu pee we ja.

Yakobo 5:9

Mamimɛ, nyɛ ko pia nyɛ sibi konɛ Mawu ko kojo nyɛ. Oʼɛ, kojolɔ ɔ daa si ngɛ sinya a nya.

2 Korintobi 10:9

konɛ ma ko pee kaa nɔ ko nɛ woɔ nyɛ he gbeye ngɛ womihi a mi kɛkɛ.