1 Korintobi 4:1 - Somi He Ɔ

¹ Bɔ pɛ nɛ sa nɛ nimli nɛ bu wɔ ji nɛ ɔ nɛ, kaa Kristo sɔmɔli kɛ Mawu laami sane ɔmɛ a nɔ sɔmɔli nikɔtɔmahi.

BAIBLO ALOO NGMAMI KLƆUKLƆU Ɔ

¹ Nyɛɛ bu wɔ kaa Kristo tsɔli nɛ Mawu ngɔ laami sɛ gbi ɔ ngɔ ha wɔ ke waa fiɛ.

1 Korintobi 4:1 ပူးပေါင်းရင်းမြစ်များ

1 Petro 4:10

Bɔ nɛ nɔ tsuaa nɔ na dloomi ke ni ɔ, nyɛ kɛ sɔmɔ nyɛ he, kaa Mawu dloomi nihi slɔɔto ɔmɛ a nɔ hyɛli kpakpahi.

Tito 1:7

Ejakaa nɔ hyɛlɔ ɔ, e sɛ kaa piami ko hii e he, akɛnɛ Mawu we mi sɔmɔlɔ nɔkɔtɔma ji lɛ he je ɔ; pi nɔ nɛ peɔ lɛ nitsɛ e tsui nya ni, pi mi mi latsɛ, pi da nulɔ, pi nine kpokpookpotsɛ, pi kpɛletsɛ,

1 Timoteo 3:9

se nihi nɛ hɛɛ hemi kɛ yemi ɔ laami sane ɔ ngɛ he nile nɛ he tsɔ mi.

2 Korintobi 4:5

Ejakaa pi wɔ nitsɛmɛ wa he nɛ wa ngɛ fiee, se mohu Kristo Yesu, kaa lɛ ji Nyɔmtsɛ, se wɔɔ lɛɛ, nyɛ sɔmɔli ji wɔ ngɛ Yesu he.

Efesobi 6:19

kɛ imi hulɔ, konɛ, ke i bli ye nya a, a ha mi munyu nɛ ma kɛ ka nɛ fiɛ sane kpakpa a mi laami sane ɔ,

Kolosebi 2:2

konɛ a na tsui, nɛ a pee kake ngɛ suɔmi mi kɛ pɛtɛ sisi numi nɛ mi kuɔ nɛ a ngɛ he wami ngɛ nɔ ɔ kulaa mi, nɛ a le Mawu kɛ Kristo laami sane ɔ,

Romabi 16:25

Se nɔ nɛ ma nyɛ ma ha nɛ nyɛ fi si wawɛɛ ngɛ Sane Kpakpa a kɛ Yesu Kristo fiɛmi ɔ nya, ngɛ laami sane nɛ a ngɔ laa kɛ je neneene lokoo ɔ kpo jemi nya a,

Kolosebi 4:3

nɛ jehanɛ snyɛɛ sɔle ha wɔ hulɔ, konɛ Mawu nɛ bli munyu ɔ sinya a ha wɔ nɛ wa kɛ fiɛ Kristo laami sane ɔ, nɔ́ he nɛ i fɔɔ si ngɛ kpa mi nɛ ɔ,

Efesobi 1:9

E ha wa le e yi mi tomi ɔ mi laami sane nɛ e to kaa e maa gbe nya ngɛ Kristo mi,

2 Korintobi 12:6

Ejakaa ke i ngɛ hlae nɛ ma fia a, i be kuasia ejakaa ma tu anɔkuale; se ye hɛ i ngɛ kue kɛ ngɛ nɔ fɔe, konɛ nɔ ko nɛ ko bu mi pe bɔ nɛ e naa mi ɔ aloo nɔ́ nɛ e ko ɔ e nuɔ ngɛ ye nya a.

2 Korintobi 11:23

Kristo sɔmɔli ji mɛ lo? — i ngɛ munyu tue kaa nɔ nɛ yi mi puɛ — i pe mɛ; ngɛ pɔtɔ ni tsumihi nɛ be nɔ mi, ngɛ ni fiamihi nɛ hiɛ tsɔ mi, ngɛ tsu mi womi babauu mi, ngɛ gbenɔ muɔ nya kpitikpiti.

Luka 12:42

Nyɔmtsɛ ɔ ha heto ke: “Se mɛnɔ mɔ ji tsɔlɔ nɔkɔtɔma anɔkualetsɛ kɛ ni lelɔ, nɛ e nyɔmtsɛ ɔ maa wo lɛ nɔkɔtɔma ngɛ e webihi a nɔ, konɛ e ha mɛ a niyeni ngɛ be nɛ sa mi ɔ?

Mateo 24:45

“Lɛɛ mɛnɔ ji tsɔlɔ anɔkualetsɛ kɛ ni lelɔ mɔ nɛ e nyɔmtsɛ ngɔ lɛ ngɔ to e webi ɔmɛ a nya konɛ e ha mɛ a nya mi ngma ngɛ be nɛ sa mi ɔ?

1 Timoteo 3:16

Nɔ jemi be he kaa Mawu jami laami sane ɔ, e mi kuɔ. Mawu je e he si paa ngɛ he lo mi, E ye nguɔ ngɛ mumi mi, E je e he kpo ngɔ tsɔɔ bɔfohi, A fiɛ lɛ ngɛ majeli a kpɛti, A he e nɔ ye ngɛ je mi, A ngɔ lɛ kɛ ho hiɔwe ya ngɛ nyami mi.

1 Timoteo 3:6

Jehanɛ pi nɔ nɛ sɛ Mawu jami mi kɛ we, konɛ e ko wo e he nɔ nɛ e nɔ abosiami kojomi mi.

2 Korintobi 6:4

se mohu nɔ́ tsuaa nɔ́ mi ɔ, waa kɛ wa he nɛ tsɔɔ kaa Mawu sɔmɔli ngɛ tsui si tomi babauu mi, ngɛ nɔ namihi a mi, ngɛ fimihi a mi, ngɛ he hiamihi a mi,

1 Korintobi 4:13

benɛ a ngɛ wa biɛ puee ɔ, wa ngɛ pɛɛ kpae. Wa plɛ kaa je ɔ kuku nɔ nihi, nihi kulaa a dwɔmi kɛ ba su be nɛ ɔ.

1 Korintobi 3:5

Jeha nɛ Apolo ji mɛnɔ? Paulo ji mɛnɔ? Mɛ ji sɔmɔli nɛ nyɛ gu a nɔ he ye, nɛ nɔ tsuaa nɔ ɔ, bɔ nɛ Nyɔmtsɛ ɔ kɛ ha lɛ ɔ.

1 Korintobi 2:7

se mohu Mawu nilemi nɛ a kɛ laa ngɛ laami sane mi ɔ wa deɔ, nɔ nɛ Mawu dla to ha wa hɛminyamiwomi loko a bɔ je ɔ,

Marko 4:11

E de mɛ ke: “Nyɛɛ lɛɛ a kɛ Mawu matsɛ yemi ɔ he laami sane ɔ ha nyɛ kaa nyɛɛ le; se ninɛmɛ nɛ ngɛ se ɔ, abɛhi a mi a kɛ mɛ maa tu munyu ɔmɛ tsuo ngɛ,

Mateo 13:11

Se e he nɔ nɛ e de mɛ ke: “Ejakaa nyɛɛ lɛɛ a ngɔ hiɔwe matsɛ yemi ɔ mi laami sane ɔmɛ ngɔ ha nyɛ ke nyɛɛ le, se mɛɛ lɛɛ a kɛ hi me.

Luka 8:10

E de mɛ ke: “Nyɛɛ lɛɛ a ha nyɛ he blɔ kaa nyɛɛ le Mawu matsɛ yemi ɔ mi laami sane ɔmɛ, se ni kpa amɛ lɛɛ ngɛ abɛhi a mi, konɛ a hyɛ, se a ko na, nɛ a nu, se a ko nu sisi.”

Luka 1:2

kaa bɔ nɛ nihi nɛ na kɛ a hɛngmɛ kɛ je sisije nɛ a ji munyu ɔ he sɔmɔli ɔmɛ fie tsɔɔ wɔ ɔ,

Romabi 11:25

I sume kaa ma laa nyɛ kikɛmɛ a sane nɛ ɔ nɔ, mamimɛ, konɛ nyɛ ko bu nyɛ he ni leli, ke: Pe a wlua Israel tsui fa kɛ fa kɛ yaa si be nɛ majemajeli ɔmɛ a hiɛmi ɔ maa su,

1 Korintobi 4:2

Nɔ nɛ piɛ nɛ a hlaa ngɛ sɔmɔli nikɔtɔma amɛ a dɛ ji kaa, a na a ti nɔ tsuaa nɔ kaa anɔkualetsɛ.