1 Korintobi 3:8 - Somi He Ɔ

⁸ Se nɔ nɛ ma kɛ nɔ nɛ pue nɔ nyu ɔ tsuo ɔ kake ʼi; nɔ tsuaa nɔ ma na lɛ nitsɛ e hiɔwo ngɛ lɛ nitsɛ e ni tsumi nya.

BAIBLO ALOO NGMAMI KLƆUKLƆU Ɔ

⁸ Nɔ nɛ duɔ tso, kɛ nɔ nɛ pueɔ nɔ nyu ɔ, slɔɔto be a kpɛti; Mawu maa wo a ti nɔ tsuaa nɔ hiɔ kpakpa ngɛ ní tsumi nɛ e tsu ɔ he.

1 Korintobi 3:8 ပူးပေါင်းရင်းမြစ်များ

Romabi 2:6

Ejakaa e maa wo nɔ tsuaa nɔ hiɔ bɔ nɛ sa e ni tsumi ɔmɛ:

2 Yohane 1:8

Nyɛɛ hyɛ nyɛ he saminya, konɛ nyɛ ko laa nihi nɛ wa tsu ɔ, se mohu nyɛ na hiɔwo nɛ sa.

Mateo 16:27

Ejakaa nɔmlɔ Bi ɔ maa ba ngɛ e tsɛ nyami ɔ mi kɛ e bɔfo ɔmɛ; nɛ lɛ be ɔ mi ɔ, e maa wo nɔ tsuaa nɔ hiɔ ngɛ e ni tsumi nya.

Kpojemi 22:12

“Oʼɛ, i ma nɔuu, nɛ i hɛɛ ye hiɔwo ɔ kɛ ma, nɛ ma wo nɔ tsuaa nɔ hiɔ ngɛ e ni tsumi ɔ nya.

1 Korintobi 15:58

Lɔ ɔ he ɔ, mamimɛ nɛ i suɔ, nyɛ fi si nɛ nyɛ ko gbɔle, nɛ nyɛɛ ya nɔ ngɛ Nyɔmtsɛ ɔ ni tsumi ɔ mi daa nɛ ɔ, ejakaa nyɛ le kaa nyɛ dengme gbomi ɔ be yaka pee ngɛ Nyɔmtsɛ ɔ mi.

1 Petro 5:4

Nɛ benɛ to hyɛlɔ nɔkɔtɔma a ma je e he kpo ɔ, nyɛ nine maa su hɛ mi nyami jlasi nɛ ngla we ɔ nɔ.

Hebribi 6:10

Ejakaa Mawu pi nɔ nɛ yeɔ sane nɛ dɛ́ nɛ e hɛ maa je nyɛ ni tsumi ɔ nɔ kɛ suɔmi he dengme nɛ nyɛ gbo ngɛ e biɛ ɔ he, nɛ nyɛɛ kɛ sɔmɔ ni klɔuklɔu ɔmɛ, nɛ nyɛ pa kɛ ngɛ mɛ sɔmɔe kɛ mwɔ ɔ.

Galatabi 6:4

Nɔ tsuaa nɔ nɛ ka lɛ nitsɛ e ni tsumi nɛ e hyɛ, nɛ lɔ ɔ loko e maa na nɔ́ ko ngɛ lɛ nitsɛ e mi nɛ e fia ngɔ fɔ nɔ, se pi nɔ kpa nɔ́ ɔ nɔ.

1 Korintobi 3:14

Ke nɔ ko ni tsumi nɛ e fia ngɔ ma nɔ ɔ maa da si ɔ, e ma na hiɔwo;

1 Korintobi 3:9

Ejakaa Mawu he piɛli ni tsuli ji wɔ; Mawu cngmɔ, Mawu tsu ji nyɛ.

Kpojemi 2:23

Ma gbe e bimɛ ɔmɛ, nɛ asafo ɔmɛ kulaa ma na maa le kaa imi ji nɔ nɛ leɔ juɛmi kɛ tsui mi susumihi, nɛ ma wo nyɛ ti nɔ tsuaa nɔ hiɔ bɔ nɛ e ni tsumi ɔmɛ ngɛ ɔ.

1 Korintobi 3:7

Blɔɔ jeha nɛ tsa pi nɔ nɛ ma a ji nɔ ko, nɛ pi nɔ nɛ pue nɔ nyu ɔ hulɔ, se mohu nɔ nɛ ha e wa nɛ ji Mawu ɔ.

1 Korintobi 4:15

Ejakaa ke nyɛ ngɛ nɔ hyɛli akpe-nyɔngma tete ngɛ Kristo mi ɔ, kɛ ɔ pi tsɛmɛ fuu nɛ nyɛ ngɛ. Ejakaa i gu Sane Kpakpa a nɔ kɛ fɔ nyɛ ngɛ Kristo Yesu mi.

1 Korintobi 9:7

Aslaafono te nɛɛ nɛ bɔ lɛ nitsɛ e he apaa kɛ ya ta hyɛ? Mɛnɔ lɛ peɔ wai ngmɔ nɛ e yi e mi yiblii ɔ eko? Aloo mɛnɔ lɛ lɛɛ lohwehi a kuu nɛ e nui a nyɔ nyu ɔ eko?

Galatabi 6:5

Ejakaa nɔ tsuaa nɔ maa tloo lɛ nitsɛ e tlomi.

Luka 19:19

Nɛ lɛ hu e de lɛ ke: ‘Mo hu ye ma enuɔ nɔ.’