1 Korintobi 3:3 - Somi He Ɔ

³ ejakaa he lo mi nimli ji nyɛ kɛ mwɔɔ. Se be abɔ nɛ hungajemi kɛ pɛ ngɛ nyɛ kpɛti kɛ mwɔɔ nɛ ɔ, anɛ pi he lo mi nimli ji nyɛ nɛ nimli a je mi nyɛ ngɛ bae ɔ lo?

BAIBLO ALOO NGMAMI KLƆUKLƆU Ɔ

³ Nyɛ ngɛ he lo nya kɛ mwɔɔ, ejakaa nɔ́ nɛ je mi bi peeɔ ɔ, lɔ ɔ nyɛ hu nyɛ peeɔ. Be abɔ nɛ hunga jemi, kɛ pɛ ngɛ nyɛ kpɛti kɛ mwɔɔ ɔ, anɛ enɛ ɔ tsɔɔ we kaa je mi bi ji nyɛ lo? Nɔ́ nɛ nɔ tsuaa nɔ peeɔ ɔ, anɛ pi lɔ ɔ nɔuu nɛ nyɛ hu nyɛ ngɛ pee ɔ lo?

1 Korintobi 3:3 ပူးပေါင်းရင်းမြစ်များ

Yakobo 3:16

Ejakaa he nɛ hunga jemi kɛ pɛ ngɛ ɔ, lejɛ ɔ sakasaka peemi kɛ ni yayahi kulaa ngɛ.

Tito 3:3

Ejakaa sa a wɔ hu wa li nɔ́ ko, tue gboli, blɔ dali, nihi nɛ sɔmɔɔ akɔnɔ ni kɛ helo se di ni slɔɔtohi fuu, nɛ wa baa wa je mi ngɛ ni yayahi kɛ he tsɛmi mi, wa he ngɛ tai, nɛ wa nyɛɛ wa he.

Galatabi 5:15

Se ke nyɛ kɔɔ nyɛ he nɛ nyɛ plaa nyɛ he ɔ, nyɛɛ hyɛ nɛ nyɛ ko puɛ nyɛ he!

2 Korintobi 12:20

Ejakaa i ngɛ gbeye yee kaa alinɔ ke i ba a, i ba be nyɛ nae bɔ nɛ i ko suɔ, nɛ nyɛ hu nyɛ be mi nae bɔ nɛ nyɛ ko suɔ; kaa eko ɔ pɛ, hunga jemi, mi mi la, huhui, sieku yemi, munyu huitihuiti tumi, he nɔ womi, basabasa peemi ngɛ nyɛ kpɛti.

1 Korintobi 11:18

Se kekleekle ɔ, i nuɔ kaa ke nyɛ ya bua nyɛ he nyɛ ngɛ asafo ɔ mi ɔ, mi gbamihi ngɛ nyɛ kpɛti, nɛ i heɔ yeɔ fã kɛ fã;

1 Korintobi 1:11

Ejakaa mamimɛ, Kloe we mi bi ɔmɛ ba wo ye tue nɔ ke pɛ ngɛ nyɛ kpɛti.

Romabi 13:13

Nyɛ ha nɛ waa ba wa je mi saminya bɔ nɛ sa piani, pi ngɛ yakayaka fiɛmi kɛ da demi mi; pi ngɛ ajuama bɔmi kɛ ya homi mi; pi ngɛ pɛ kɛ hunga jemi mi;

1 Petro 4:2

konɛ be nɛ piɛ ha lɛ ngɛ he lo mi si himi nɛ ɔ mi ɔ, e ko hi si ngɛ nimli a kɔnɔhi a nya, se mohu ngɛ Mawu suɔmi nya nihi a nya.

1 Korintobi 1:10

Se, mamimɛ, i kpa nyɛ pɛɛ ngɛ wa Nyɔmtsɛ Yesu Kristo biɛ mi, kaa nyɛ nya nɛ pee kake nɛ mi gbami ko ba nyɛ kpɛti, se mohu nyɛ kulaa nyɛ yi mi kɛ nyɛ juɛmi nɛ pee kake.

1 Korintobi 3:4

Ejakaa benɛ nɔ ko ke: “Ami lɛɛ, Paulo nɔ ji mi; nɛ nɔ ko hu ke: Ami lɛɛ, Apolo nɔ ji mi” ɔ, anɛ pi he lo mi nimli ji nyɛ lo?