1 Korintobi 3:1 - Somi He Ɔ

¹ Mamimɛ, i be nyɛe nɛ i kɛ nyɛ maa tu munyu kaa mumi mi nimli, se mohu kaa he lo mi nimli, kaa bimwɔwi ngɛ Kristo mi.

BAIBLO ALOO NGMAMI KLƆUKLƆU Ɔ

¹ Nyɛmimɛ, anɔkuale mi ɔ, i nyɛ we nɛ i kɛ nyɛ nɛ tu munyu kaa bɔ nɛ i kɛ nihi nɛ mumi ɔ ngɛ a mi ɔ tuɔ munyu. Se mohu, i kɛ nyɛ tu munyu kaa je mi bi, aloo bimwɔwi ngɛ Kristo jami mi.

1 Korintobi 3:1 ပူးပေါင်းရင်းမြစ်များ

Hebribi 5:13

Ejakaa nɔ tsuaa nɔ nɛ pupɔɔ nyɔ ɔ li nɔ́ nɛ da kɛ nɔ́ nɛ dɛ, ejakaa bimwɔyo ji lɛ.

1 Korintobi 2:6

Se kɛ ɔ, wa tuɔ nilemi munyu ngɛ ninɛmɛ nɛ a hi kɛ pi si ɔmɛ a kpɛti, se tsa pi je nɔ mi nilemi aloo je nɔ mi nikɔtɔmahi nɛ bee kɛ yaa amɛ a nɔ ʼi;

1 Korintobi 14:20

Mamimɛ, nyɛ ko pee nyɛ he jokuɛwi ngɛ juɛmi blɔfami, se yayami blɔfami ɔ, nyɛɛ pee nyɛ he bimwɔwi, se juɛmi blɔfami ɔ, nyɛɛ pee nyɛ he nihi nɛ a wa.

Romabi 7:14

Wa le kaa Mlaa a mumi mi nɔ́ ʼi; se imi lɛɛ he lo nɔmlɔ ji mi, nɛ a jua mi ngɔ ha yayami.

1 Yohane 2:12

I ngɛ nyɛ ngmae, bimɛ tsɔwi, ejakaa a ngɔ nyɛ he yayami ɔmɛ ngɔ pa nyɛ ngɛ Kristo biɛ ɔ he.

Galatabi 6:1

Mamimɛ, ke tlukaa nɛ nɔ ko tɔ ɔ, nyɛ nihi nɛ nyɛ ji mumi mi nimli ɔmɛ ɔ, nyɛ dla jamɛ a nɔ ɔ ekohu ngɛ mi mi jɔmi mumi mi; nɛ o le o he nɔ hyemi konɛ mo hu a ko ka mo.

Mateo 16:23

Se Yesu plɛ e he nɛ e de lɛ ke: “Jee ye nɔ, Satan! O ngɛ ye nane kpatae; ejakaa o susuu we Mawu nihi a he, se nimli a nihi a he mohu o susuu.”

1 Korintobi 14:37

Ke e peɔ nɔ ko kaa gbalɔ loo mumi mi nɔmlɔ ji lɛ ɔ, e sa nɛ e le kaa nɔ nɛ i ngma nyɛ nɛ ɔ, Nyɔmtsɛ ɔ kita ʼi;