1 Korintobi 2:6 - Somi He Ɔ

⁶ Se kɛ ɔ, wa tuɔ nilemi munyu ngɛ ninɛmɛ nɛ a hi kɛ pi si ɔmɛ a kpɛti, se tsa pi je nɔ mi nilemi aloo je nɔ mi nikɔtɔmahi nɛ bee kɛ yaa amɛ a nɔ ʼi;

BAIBLO ALOO NGMAMI KLƆUKLƆU Ɔ

⁶ Se ni nɛmɛ nɛ wa ngɛ mumi mi ɔ, i fiɛɔ nile sɛ gbi ko kɛ̃ kɛ haa mɛ; pi nile nɛ adesa tsɔɔ, nɛ pi je nɛ ɔ mi nɔ yeli a nɔ́. Mɛɛ lɛɛ a maa be kɛ ho.

1 Korintobi 2:6 ပူးပေါင်းရင်းမြစ်များ

Hebribi 5:14

Se ninɛmɛ nɛ wa a, a nɔ ji niyeni nitsɛ, nihi nɛ tsɔse a he numi ni ɔmɛ le slɔɔto nɛ ngɛ kpakpa kɛ yayami kpɛti.

Yakobo 3:15

Kikɛmɛ a ni lemi nɛ ɔ, pi hiɔwe nɛ e je, se mohu zugba nɛ ɔ nɔ nɔ́ ʼi, he lo nya nɔ́ ʼi, mumi yayamihi a nɔ́ ʼi.

2 Korintobi 4:4

nihi a mi nɛ je nɛ ɔ mi mawu ɔ yu nihi nɛ he we yi ɔmɛ a hɛngmɛ ngɛ, konɛ Kristo, nɛ ji Mawu subai ɔ, hɛ mi nyami ɔ sane kpakpa a la nɛ ngɛ tsoe ɔ nɛ ko kpɛ ha mɛ.

1 Petro 5:10

Se dloomi tsuo kulaa Mawu nɛ tsɛ nyɛ kɛ ba e neneene hɛ mi nyami ɔ mi ngɛ Kristo Yesu mi ɔ, ke nyɛ na amanehlu bɔɔ nɔ tã a, lɛ nitsɛ e ma dla nyɛ pɛ, nɛ e maa waje nyɛ, nɛ e maa wo nyɛ he wami, nɛ e ma ha nyɛ maa pi si.

1 Korintobi 2:8

nɔ nɛ je nɔ mi nikɔtɔma amɛ a ti nɔ ko nɔ ko li ɔ; ejakaa a le jinɛ a be hɛminyami Nyɔmtsɛ ɔ sɛue.

1 Korintobi 1:28

Nɛ je nɛ ɔ mi nihi nɛ a bui kɛ nihi nɛ a gbe he guɛ ɔ Mawu hla, kɛ nihi nɛ pi nɔ́ ko nɔ́ ko ɔ tete, konɛ e ha nihi nɛ ji nɔ́ ko ɔmɛ nɛ pee yaka;

Kolosebi 4:12

Epafra nɛ je nyɛ kpɛti nɛ ji Kristo sɔmɔlɔ nɛ daa nɛ ɔ e kaii nyɛ ngɛ e sɔlemihi a mi, konɛ nyɛɛ da si nɛ nyɛɛ hi kɛ pi si nɛ nyɛ hyi tɔtɔɔtɔ ngɛ Mawu suɔmi nya nihi kulaa mi ɔ, ke e biɔ nyɛ.

Efesobi 2:2

Jamɛ a be ɔ mi ɔ, nyɛ nyɛɛ ngɛ je nɛ ɔ mi kɔɔhiɔ mi he wami ɔ nɔ yelɔ, nɛ ji mumi nɛ tsuɔ ni mwɔnɛmwɔnɛ ngɛ tuegbenɔ bihi a mi ɔ su ɔ nya;

Mateo 5:48

Lɔ ɔ he ɔ nyɛɛ hi kɛ pi si, kaa bɔ nɛ nyɛ tsɛ nɛ ngɛ hiɔwe ɔ hu hi kɛ pi si ɔ.”

2 Korintobi 1:12

Se wa fiami ji nɛ ɔ nɛ: wa he ni lemi odase nɛ e yeɔ wɔ, kaa Mawu klɔuklɔu peemi kɛ he tsɔmi mi wa ba wa je mi ngɛ ngɛ je nɛ ɔ mi, titli ɔ, ngɛ nyɛ kpɛti, nɛ pi he lo mi ni lemi nya, se mohu Mawu dloomi nya.

Yakobo 3:2

Ejakaa wɔ tsuo kulaa wa tɔɔ fuu. Ke nɔ ko tɔ we ngɛ munyu mi ɔ, lɛɛ nɔmlɔ nɛ hi kɛ pi si ji lɛ, nɛ e ngɛ he wami nɛ e kɛ maa ye e nɔmlɔ tso mluku ɔ kulaa nɔ.

2 Korintobi 13:11

Nyagbe ɔ, mamimɛ, nyɛ bua nɛ jɔ, nyɛɛ hi kɛ pi si, nyɛɛ wo nyɛ sibi ga, nyɛ juɛmi nɛ pee kake, nyɛɛ hi si ngɛ he jɔmi mi, nɛ suɔmi kɛ he jɔmi Mawu ɔ kɛ nyɛ maa hi si.

1 Korintobi 14:20

Mamimɛ, nyɛ ko pee nyɛ he jokuɛwi ngɛ juɛmi blɔfami, se yayami blɔfami ɔ, nyɛɛ pee nyɛ he bimwɔwi, se juɛmi blɔfami ɔ, nyɛɛ pee nyɛ he nihi nɛ a wa.

1 Korintobi 2:13

Kɔlɔɔmɛ hu wa deɔ, pi nimli a nilemi munyuhi nɛ waa kɛ deɔ, se mohu munyuhi nɛ Mumi ɔ tsɔɔ ɔ, nɛ waa kɛ mumi mi nihi toɔ mumi mi nihi a he.

1 Korintobi 2:1

Imi hu, mamimɛ, benɛ i ba nyɛ ngɔ ɔ, pi nyamitsɔmi loo nilemi fuu nɛ i kɛ ba ba jaje Mawu laami sane ɔ tsɔɔ nyɛ;

Luka 16:8

Nɛ nyɔmtsɛ ɔ je tsɔlɔ nɔkɔtɔma kutupɔtsɛ ɔ yi kaa e ye sane ɔ ga mi. Ejakaa je nɛ ɔ mi bi ɔmɛ le a nɔ ɔ mi ga pe la bi ɔmɛ.

Mateo 19:21

Yesu de lɛ ke: “Ke o ngɛ hlae kaa o hii kɛ pii si ɔ, yaa nɛ o ya jua nihi nɛ o ngɛ ɔ, nɛ o ngɔ ha ohiafohi, nɛ o ma na juetli ngɛ hiɔwe; nɛ o ba nɛ o ba nyɛɛ ye se.”

Mateo 13:22

Se nɔ́ nɛ a du ngɛ miohi a kpɛti ɔ, lɛ ji nɔ nɛ nuɔ munyu ɔ, se je nɛ ɔ mi he nya gbami kɛ nihi fuu a he mlɔɔmi ɔ gbee munyu ɔ, nɛ e wui yiblii.

1 Korintobi 3:1

Mamimɛ, i be nyɛe nɛ i kɛ nyɛ maa tu munyu kaa mumi mi nimli, se mohu kaa he lo mi nimli, kaa bimwɔwi ngɛ Kristo mi.

1 Korintobi 12:8

Mumi ɔ haa nɔ ko ni lemi munyu; nɛ nɔ ko hu jamɛ a Mumi ɔ nɔuu haa lɛ nihi a sisi nami he ni lemi.

2 Korintobi 4:3

Se ke pe a ha wa Sane Kpakpa a nɔ tete po ɔ, nihi nɛ a hɛ mi ngɛ kpatae ɔmɛ a mi kɛkɛ a ha nɔ ngɛ,

Kolosebi 1:28

Lɛ e he sane wa fiɛɔ, nɛ wa woɔ nɔmlɔ tsuaa nɔmlɔ ga, nɛ wa tsɔɔ nɔmlɔ ni ngɛ ni lemi tsuaa ni lemi mi, konɛ waa kɛ nɔmlɔ tsuaa nɔmlɔ nɛ da si kaa nɔ́ nɛ hi kɛ pi si ngɛ Kristo Yesu mi.

Hebribi 6:1

Lɔ ɔ he ɔ nyɛ ha wa si Kristo he sisije ni tsɔɔmi ɔmɛ, nɛ waa po mi kɛ ya tsɔɔmihi nɛ sa kɛ ha nikɔtɔmahi a he; nɛ wa ko kpale to nitsumihi nɛ gbo a he tsui tsakemi kɛ Mawu nɔ hemi kɛ yemi,