1 Korintobi 14:3 - Somi He Ɔ

³ Nɔ nɛ gbaa a, nimli e gbaa ngɔ tsɔɔ konɛ e kɛ ha a nane nɛ nu si nɛ e bɔ mɛ kɔkɔ nɛ e jɔɔ a bua.

BAIBLO ALOO NGMAMI KLƆUKLƆU Ɔ

³ Se nɔ nɛ ngɛ Mawu sɛ gbi ɔ fiɛe ɔ lɛɛ nimli nɛ e kɛ ngɛ munyu tue; e piɛɔ a he, e woɔ mɛ he wami, nɛ e haa mɛ bua jɔmi.

1 Korintobi 14:3 ပူးပေါင်းရင်းမြစ်များ

1 Korintobi 14:12

Be abɔ nɛ nyɛ hɛ dɔɔ ngɛ mumi mi nihi a he ɔ, ja nɔuu hu nyɛɛ bɔ mɔde konɛ nyɛɛ be nɔ ngɛ nihi nɛ ma ha asafo ɔ maa wa a mi.

1 Timoteo 4:13

Hii womi kanee kɛ ga womi kɛ ni tsɔɔmi kɛ ya su be nɛ ma ba.

Yuda 1:20

Se, mamimɛ, nyɛɛ lɛɛ, nyɛ ha nyɛ nane nɛ pi si ngɛ hemi kɛ yemi nɛ ngɛ klɔuklɔu pe kulaa a mi, nɛ nyɛɛ sɔle ngɛ Mumi Klɔuklɔu ɔ mi,

Tito 1:9

nɔ nɛ hɛɛ anɔkuale tsɔɔmi ɔ mi, konɛ e nyɛ nɛ e tu munyu ngɔ tsɔɔ nihi ngɛ ni tsɔɔmi nɛ tsaa nɔ ɔ mi, nɛ ninɛmɛ nɛ tee si siɔ munyu ɔ hu, e ka a hɛ mi.

Efesobi 6:22

ejakaa enɛ ɔ nɔuu he nɛ i tsɔ lɛ nyɛ ngɔ ɔ nɛ, benɛ pee nɛ nyɛɛ le bɔ nɛ wa ngɛ ha, nɛ e wo nyɛ bua.

2 Timoteo 4:2

Fiɛ munyu ɔ, koo jɔɔ, deka ngɛ jio, deka be jio, ka hɛ mi, wo ga, bɔɔ kɔkɔ ngɛ tsui si tomi kɛ ni tsɔɔmi kulaa mi.

Tito 2:6

Nihewi hu ja nɔuu, tu munyu tsɔɔ mɛ konɛ a juɛmi nɛ ka si.

1 Korintobi 14:31

Ejakaa nyɛ tsuo nyɛ maa gba, kakaaka, konɛ nɔ tsuaa nɔ nɛ kase nɔ ko nɛ a tu munyu ngɔ tsɔɔ nihi kulaa kɛ wo mɛ he wami.

1 Korintobi 14:26

Lɛɛ mɛni mɔ, mamimɛ? Ke nyɛ nya ba bua, nɛ nyɛ ti nɔ ko ngɛ la ko, nɔ ko hu ngɛ tsɔɔmi ko, nɔ ko ngɛ gbi slɔɔto ko, nɔ ko ngɛ kpo jemi ko, nɔ ko ngɛ sisi tsɔɔmi ko ɔ, a pee kulaa bɔ nɛ e maa ye bua nihi.

Romabi 14:19

Lɔ ɔ he ɔ jeha nɛ, nyɛ ha waa di he jɔmi nihi kɛ nihi nɛ waa kɛ ma ha wa nyɛmimɛ a nane maa nu si ɔ mohu a se.

Ni Tsumi 13:15

Nɛ benɛ a kane a Mlaa a kɛ gbali ɔmɛ a womi ɔ se ɔ, kpe he ɔ nikɔtɔma amɛ tsɔ ba de mɛ ke: “Tsaatsɛmɛ kɛ mamimɛ, ke nyɛ ngɛ munyu kɛ tsɔɔmi ko nɛ nyɛ maa tu ngɔ tsɔɔ ni ɔmɛ ɔ, nyɛɛ tu.”

Tito 2:9

Sɔmɔli ɔmɛ ɔ, de mɛ ke a ba a he si ngɔ ha a nyɔmtsɛmɛ ɔmɛ, a sa a hɛ mi ngɛ nihi tsuo mi, a ko je munyu nya,

1 Tesalonikabi 2:3

Ejakaa wa munyu tumi kɛ tsɔɔmi ɔ, pi sisimi loo mu ni tsumi loo lakpa mi nɛ e je;

1 Korintobi 10:23

“Wa ngɛ nihi tsuo he blɔ,” se pi nihi tsuo nɛ hi. “Wa ngɛ nihi tsuo he blɔ,” se pi nihi tsuo nɛ haa nɔ nane nuu si.

1 Petro 5:12

I gu wa nyɛmi Silvano nɛ ji anɔkualetsɛ kaa bɔ nɛ i buu lɛ ɔ nɔ ngma nyɛ bɔɔ nɛ ɔ i kɛ ngɛ munyu tue kɛ ngɛ nyɛ tsɔɔe, nɛ i ngɛ odase yee kɛ ngɛ se fiee kaa enɛ ɔ ji Mawu anɔkuale dloomi ɔ nɛ; nyɛɛ da si ngɛ mi.

Hebribi 13:22

Se, mamimɛ, i kpa nyɛ pɛɛ nɛ nyɛɛ pɛtɛ munyu tumi kɛ tsɔɔmi nɛ ɔ he, ejakaa munyu kpiti i ngma mane nyɛ nɛ ɔ nɛ.

Hebribi 10:25

Nyɛ ko ha waa jɔɔ wa he nya buami, kaa bɔ nɛ ni komɛ pɔɔ peemi ɔ, se mohu waa wo wa he ga, nɛ titli ɔ, akɛnɛ nyɛ na kaa Ligbi ɔ ngɛ sue nɛ ɔ.

Tito 2:15

De mɛ ni nɛ ɔmɛ, nɛ o wo mɛ ga ngɛ he, nɛ o kã a hɛ mi ngɛ he kɛ he wami tsuo. Ko ha nɔ ko nɛ ngɔ mo kaa nɔ nɛ sɛ bumi.

1 Timoteo 6:2

Se nyɔguɛhi nɛ ngɛ nyɔmtsɛmɛ nɛ he ye ɔ, a ko gbe a he guɛ, se mohu a sɔmɔ mɛ saminya akɛnɛ nyɛmimɛ ji mɛ he je ɔ, ejakaa ninɛmɛ nɛ naa ni tsumi ɔ mi nihi ɔ, nihi nɛ he ye kɛ suɔli ʼi. Tsɔɔ mɛ enɛ ɔmɛ nɛ o wo mɛ ga ngɛ he.

1 Timoteo 1:4

nɛ jehanɛ hu a ko di nyaziahi kɛ weku sisi tsɔɔmi tslalaa se, ejakaa enɛ ɔmɛ kɛ nɔ jemi baa mohu pe Mawu blɔ nya tomi nɛ ngɛ hemi kɛ yemi mi ɔ, jamɛ a pɛɛ ɔ i ngɛ mo kpae ekohu.

2 Tesalonikabi 3:12

Kikɛmɛ a nimli nɛ ɔmɛ ɔ, wa ngɛ mɛ fae nɛ wa ngɛ mɛ ga woe ngɛ wa Mawetsɛ Yesu Kristo mi kaa a tsu ni kpoo nɛ a ye mɛ nitsɛmɛ a dɛ mi ngma.

1 Tesalonikabi 4:18

Lɔ ɔ he ɔ nyɛɛ kɛ kikɛmɛ a munyu nɛ ɔmɛ nɛ wo nyɛ bua.

1 Tesalonikabi 4:1

Nyagbe ɔ, mamimɛ, wa kpa nyɛ pɛɛ, nɛ wa ngɛ nyɛ ga woe ngɛ Mawetsɛ Yesu mi, kaa bɔ nɛ nyɛ kase kɛ je wa ngɔ ɔ, bɔ nɛ sa kaa nyɛɛ ba nyɛ je mi ha ngɛ Mawu hɛ mi kaa bɔ nɛ nyɛ ngɛ pee hulɔ ɔ, nyɛɛ ya nɔ ja.

1 Tesalonikabi 3:2

nɛ wa tsɔ wa nyɛmi Timoteo, nɛ ji Mawu sɔmɔlɔ kɛ wa huɛ ni tsulɔ ngɛ Kristo sane kpakpa a mi ɔ, konɛ e ba wo nyɛ he wami nɛ e ha nyɛ fi si ngɛ nyɛ hemi kɛ yemi ɔ mi,

1 Tesalonikabi 2:11

Nyɛ le bɔ nɛ wa hɛɛ nyɛ ti nɔ tsuaa nɔ, kaa bɔ nɛ tsɛ ko hɛɛ e bimɛ.

Kolosebi 4:8

Enɛ ɔ he nɔuu nɛ i tsɔ lɛ nyɛ ngɔ, konɛ ma nu nyɛ he, nɛ e wo nyɛ bua,

Efesobi 4:29

Munyu yaya ko nɛ ko je nyɛ nya kulaa; se mohu munyu nɛ hi nɛ e hia, konɛ e ha nɔ nane nɛ pi si, konɛ a kɛ dloo nihi nɛ nuɔ ɔ.

2 Korintobi 2:7

lɔ ɔ he ɔ, jehanɛ nyɛ kɛ pa lɛ, nɛ nyɛɛ jɔɔ e bua mohu, konɛ kɔmɔ yemi fuu tsɔ ɔ ko ba ha e nine mi nɛ wo nyu.

2 Korintobi 1:4

nɔ nɛ jɔɔ wa bua ngɛ wa nɔ nami ɔmɛ kulaa mi, konɛ wɔ hu wa nyɛ nɛ waa kɛ bua womi nɛ Mawu kɛ woɔ wa bua a nɛ wo nihi nɛ naa amanehlu tsuaa amanehlu ɔmɛ a bua.

1 Korintobi 14:17

Moo lɛɛ, o ngɛ si nae saminya mohu, se kɛ ɔ, o yi bua we nɔ kpa a kulaa.

1 Korintobi 8:1

Jehanɛ ngɛ wɔhi a nya bɔ sami niyeni ɔmɛ a he ɔ, wa le kaa “wɔ kulaa wa le ni.” Ni lemi haa nɔ woɔ e he nɔ, se suɔmi haa nɔ nane nuu si.

Romabi 15:2

Wa ti nɔ tsuaa nɔ nɛ sa e nyɛmi hɛ mi, konɛ e hi ha lɛ nɛ e nane nɛ nu si.

Romabi 12:8

nɔ nɛ tuɔ munyu tsɔɔ nihi ɔ, e hɛɛ munyu tumi kɛ tsɔɔmi ɔ mi; nɔ nɛ dlaa ni ngɔ haa nihi ɔ, e pee kɛ tsui jɔjɔɛ. Nɔ nɛ yeɔ nɔkɔtɔma a, e bɔ mɔde. Nɔ nɛ naa mɔbɔ ɔ, e pee kɛ tsui mi jɔmi.

Ni Tsumi 15:32

Se Yuda kɛ Sila a, akɛnɛ mɛ nitsɛmɛ hu gbali ji mɛ he je ɔ, a kɛ munyuhi babauu jɔɔ nyɛmimɛ ɔmɛ a bua nɛ a wo mɛ he wami.

Ni Tsumi 14:22

A kpale wo kaseli ɔmɛ a mumi mi wami ɔ he wami, nɛ a tu munyu tsɔɔ mɛ ke a hɛɛ hemi kɛ yemi ɔ mi, nɛ jeha nɛ ɔ hu e sa kaa wa guu dengme fuu mi kɛ sɛɛ Mawu matsɛ yemi ɔ mi.

Ni Tsumi 9:31

Jeha nɛ ɔ asafo ɔ na he jɔmi ngɛ Yudea kɛ Galilea kɛ Samaria tsuo, nɛ a nane nu si, nɛ a nyɛɛ ngɛ Nyɔmtsɛ ɔ gbeye yemi mi, nɛ a he sange mɛ ngɛ Mumi Klɔuklɔu ɔ bua womi mi.

Luka 3:18

Nɛ e de ni kpa komɛ fuu hu kɛ wo mɛ ga, kɛ fiɛ Sane Kpakpa a tsɔɔ mɛ,

Hebribi 3:13

se mohu nyɛɛ tu munyu ngɔ tsɔɔ nyɛ he ligbi tsuaa ligbi nɛ a tsɛɛ lɛ “mwɔnɛ” ɔ, konɛ yayami ko sisi nyɛ nɛ nyɛ wlua nyɛ tsui.

Ni Tsumi 4:36

Nɛ Yose, nɔ nɛ bɔfo ɔmɛ wo Barnaba (e sisi ji “Buawomibi”) ɔ, nɛ ji Levi no nɛ e se je Kipro ɔ,