1 Korintobi 13:2 - Somi He Ɔ

² Nɛ ke i ngɛ gbami, nɛ i naa laami mi nihi kulaa nya, nɛ i le nihi kulaa, nɛ ke i ngɛ hemi kɛ yemi kulaa hulɔ, bɔ nɛ ma nyɛ yokuhi ma hia, se i be suɔmi ɔ, lɛɛ i pi nɔ́ ko?

BAIBLO ALOO NGMAMI KLƆUKLƆU Ɔ

² Ke a dloo mi he wami nɛ a kɛ fiɛɔ Mawu sɛ gbi ɔ, ke i le nɔ́ tsuaa nɔ́, nɛ i nuɔ laami sanehi tsuo a sisi, ke i ngɛ hemi kɛ yemi nɛ nya wa ngɛ Mawu mi, nɛ ma nyɛ ma hia yohi, se i be suɔmi ɔ, ye he be se nami ko kulaa.

1 Korintobi 13:2 ပူးပေါင်းရင်းမြစ်များ

1 Yohane 4:8

Nɔ nɛ sume nɔ ɔ, e li Mawu; ejakaa Mawu ɔ suɔmi ji lɛ.

1 Korintobi 13:3

Nɛ ke i ngɔ ye nihi kulaa ngɔ ke nihi, nɛ ke i ngɔ ye nɔmlɔ tso ngɔ ha nɛ a sa mi, se i be suɔmi ɔ, i na we se ko.

Mateo 17:20

Se Yesu de mɛ ke: “Nyɛ hemi kɛ yemi nɛ pi ɔ he je. Ejakaa niinɛ, i ngɛ nyɛ dee ke: Ke nyɛ ngɛ hemi kɛ yemi nɛ ngɛ kaa sinapi wu ɔ, nyɛ ma de yoku nɛ ɔ ke: ‘Hia ngɛ hiɛ ɔ kɛ ya lejɛ ɔ.’ Nɛ e maa hia; nɛ nɔ ko be nɛ nyɛ be nyɛe maa pee. [

1 Korintobi 16:22

Ke nɔ ko sume Nyɔmtsɛ Yesu Kristo sane ɔ, jamɛ a nɔ ɔ e plɛ musutsɛ! Wa Nyɔmtsɛ, ba! (Maran ata.)

Mateo 21:21

Se Yesu he nɔ nɛ e de mɛ ke: “Niinɛ, i ngɛ nyɛ dee ke: ke nyɛ ngɛ hemi kɛ yemi nɛ nyɛ ji nguane ɔ, pi nɔ́ nɛ a pee ngmɔkɔ tso nɛ ɔ kɛkɛ nɛ nyɛ maa pee; se ke nyɛ de yoku nɛ ɔ tete ke: ‘Hia nɛ o ya nɔ wo mi’ ɔ, e maa ba mi ja.

Efesobi 3:4

nɔ́ nɛ ke nyɛ kane ɔ, nyɛ ma nyɛ nyɛ kɛ na bɔ nɛ i nu Kristo laami sane ɔ sisi ha.

1 Korintobi 13:1

Ke i kɛ nimli kɛ hiɔwe bɔfohi a lilɛ tuɔ munyu se be suɔmi ɔ, lɛɛ i ngɛ kaa ayawa nɛ jijeɔ loo ngmlɛ nɛ pɛɛ.

Galatabi 5:16

Se i ke: Ke nyɛ nyɛɛ ngɛ mumi nya a, nyɛ be he lo akɔnɔ ɔmɛ a nya ni pee.

Kolosebi 1:26

nɔ́ nɛ ji laami sane nɛ a ngɔ laa kɛ je blema lokoo kɛ yi nɔ ɔmɛ a nɔ, se jehanɛ a je kpo ngɔ tsɔɔ e ni klɔuklɔu ɔmɛ,

Galatabi 6:3

Ejakaa ke e peɔ nɔ ko kaa nɔ ko ji lɛ nɛ e pi nɔ ko ɔ, lɛ nitsɛ e he e ngɛ sisie.

Galatabi 5:22

Se Mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

1 Korintobi 12:28

Nɛ kekleekle ɔ, Mawu wo ni komɛ bɔfohi ngɛ asafo ɔ mi, nɔ́ nɛ ji enyɔ ɔ, gbali, nɔ́ nɛ ji etɛ ɔ, tsɔɔli; kɔlɔ ɔ se ɔ he wami ni tsuli, kɔlɔ ɔ se ɔ, hiɔhi a tsami dloomi nike nihi, yemi kɛ buami, nɔyemihi, gbi slɔɔtohi a tumi.

1 Korintobi 7:19

Nɔpomi pi nɔ́ ko, nɛ mɔmlɔtɔ hu pi nɔ́ ko, se Mawu kita amɛ a nɔ yemi mohu ji nɔ́ nɛ he hia.

1 Timoteo 3:16

Nɔ jemi be he kaa Mawu jami laami sane ɔ, e mi kuɔ. Mawu je e he si paa ngɛ he lo mi, E ye nguɔ ngɛ mumi mi, E je e he kpo ngɔ tsɔɔ bɔfohi, A fiɛ lɛ ngɛ majeli a kpɛti, A he e nɔ ye ngɛ je mi, A ngɔ lɛ kɛ ho hiɔwe ya ngɛ nyami mi.

Efesobi 6:19

kɛ imi hulɔ, konɛ, ke i bli ye nya a, a ha mi munyu nɛ ma kɛ ka nɛ fiɛ sane kpakpa a mi laami sane ɔ,

1 Korintobi 4:1

Bɔ pɛ nɛ sa nɛ nimli nɛ bu wɔ ji nɛ ɔ nɛ, kaa Kristo sɔmɔli kɛ Mawu laami sane ɔmɛ a nɔ sɔmɔli nikɔtɔmahi.

Romabi 16:25

Se nɔ nɛ ma nyɛ ma ha nɛ nyɛ fi si wawɛɛ ngɛ Sane Kpakpa a kɛ Yesu Kristo fiɛmi ɔ nya, ngɛ laami sane nɛ a ngɔ laa kɛ je neneene lokoo ɔ kpo jemi nya a,

Romabi 11:25

I sume kaa ma laa nyɛ kikɛmɛ a sane nɛ ɔ nɔ, mamimɛ, konɛ nyɛ ko bu nyɛ he ni leli, ke: Pe a wlua Israel tsui fa kɛ fa kɛ yaa si be nɛ majemajeli ɔmɛ a hiɛmi ɔ maa su,

Mateo 21:19

Nɛ e na ngmɔkɔ tso ko ngɛ blɔ ɔ he, nɛ e gba kɛ ya he, se e nɛ nɔ́ ko ngɛ nɔ kaa ja bahi kɛkɛ; nɛ e de ngmɔkɔ tso ɔ ke: “Kɛ je be nɛ ɔ kɛ yaa a, o be yiblii ko woe gblegblee hu!” Nɛ ngmɔkɔ tso ɔ ngla amlɔ ɔ nɔuu.

Mateo 13:11

Se e he nɔ nɛ e de mɛ ke: “Ejakaa nyɛɛ lɛɛ a ngɔ hiɔwe matsɛ yemi ɔ mi laami sane ɔmɛ ngɔ ha nyɛ ke nyɛɛ le, se mɛɛ lɛɛ a kɛ hi me.

2 Korintobi 12:11

I ye kuasiahi a sane kɛ fiami nɛ ɔ; nyɛ lɛ nyɛ nyɛ ye nɔ kikɛ nɛ ɔ nɛ. Ejakaa sa nɛ nyɛ mohu lɛ nyɛ jeɔ ye yi; ejakaa e piɛ́ mi nɔ́ ko nɔ́ ko nɛ i kɛ bɔfo ngua amɛ nɛ sɔ, pohu i pi nɔ ko tete.

1 Korintobi 14:39

Lɔ ɔ he ɔ, mamimɛ, nyɛ hɛ nɛ dɔ ngɛ gbami he, nɛ gbi slɔɔtohi a tumi hu nyɛ ko tsi nya.

1 Korintobi 8:4

Jehanɛ ngɛ wɔhi a nya bɔ sami niyeni a yemi he ɔ, wa le kaa wɔ ko wɔ ko pi nɔ́ ko ngɛ je nɛ ɔ mi, nɛ jehanɛ mawu ko mawu ko be ja Mawu kake kɛkɛ.

Ni Tsumi 13:1

Gbali kɛ tsɔɔli komɛ ngɛ Antiokia asafo ɔ mi, mɛ ji Barnaba kɛ Simeon, nɔ nɛ a tsɛɛ lɛ Niger ɔ, kɛ Lukio Kireene no ɔ, kɛ Manahen, nɔ nɛ a lɛ lɛ kɛ amlalo Herode ɔ, kɛ Saulo.

Romabi 15:14

Se mamimɛ, imi nitsɛ hu i ngɛ he wami ngɛ nɔ ngɛ nyɛ he kaa nyɛ nitsɛmɛ tete nyɛ hyi tɔtɔɔtɔ kɛ mi mi himi, nɛ ni lemi kulaa hyi nyɛ tɔ, nɛ nyɛ nyɛɔ tuɔ munyu tsɔɔ nyɛ he hulɔ.

1 Korintobi 11:4

Nyumu nɛ sɔlee aloo e gbaa nɛ e kɛ nɔ́ ko haa e yi ɔ nɔ ɔ, e ngɛ e yi ɔ he guɛ gbee.

1 Korintobi 13:8

Suɔmi se pui gblegbleegblee. Se ke gbamihi ʼi ɔ, a se maa po; ke munyuhi slɔɔtohi a tumi ʼi ɔ, a maa jɔɔ; ke ni lemi ʼi ɔ, e se maa po.

1 Korintobi 14:4

Nɔ nɛ tuɔ munyu kɛ lilɛ slɔɔto ko ɔ, yeɔ buaa lɛ nitsɛ e he, se nɔ nɛ gbaa a, e yeɔ buaa asafo ɔ.

1 Korintobi 14:29

Se gbali ɔmɛ ɔ, ni enyɔ loo ni etɛ nɛ tu munyu, nɛ nihi nɛ piɛ ɔ a susu he.

1 Korintobi 15:51

Oʼɛ, laami sane i ngɛ nyɛ dee nɛ ɔ nɛ: Tsa pi wɔ tsuo kulaa nɛ wa ma gbo ɔ, se a ma tsake wɔ tsuo,