1 Korintobi 13:1 - Somi He Ɔ

¹ Ke i kɛ nimli kɛ hiɔwe bɔfohi a lilɛ tuɔ munyu se be suɔmi ɔ, lɛɛ i ngɛ kaa ayawa nɛ jijeɔ loo ngmlɛ nɛ pɛɛ.

BAIBLO ALOO NGMAMI KLƆUKLƆU Ɔ

¹ Ke i nyɛɔ nɛ i tuɔ adesahi a gbihi, loo hiɔwe bɔfohi po a gbihi, se i be suɔmi ɔ, lɛɛ i ngɛ kaa gɔ̃gɔ̃, loo ngmlɛ nɛ ngɛ pɛe gegeege kɛkɛ.

1 Korintobi 13:1 ပူးပေါင်းရင်းမြစ်များ

1 Timoteo 1:5

Kita a nya gbemi ji suɔmi nɛ je tsui nɛ mi tsɔ kɛ he nile kpakpa kɛ hemi kɛ yemi nɛ lakpa ko be mi ɔ mi,

1 Petro 4:8

Se titli ɔ, suɔmi nɛ nyɛɛ kɛ suɔ nyɛ he ɔ mi nɛ wa, ejakaa suɔmi haa yayamihi babauu nɔ.

Galatabi 5:22

Se Mumi ɔ yiblii ji suɔmi, bua jɔmi, he jɔmi, tsui si tomi, mi mi himi, kpakpa peemi, hemi kɛ yemi,

1 Korintobi 13:8

Suɔmi se pui gblegbleegblee. Se ke gbamihi ʼi ɔ, a se maa po; ke munyuhi slɔɔtohi a tumi ʼi ɔ, a maa jɔɔ; ke ni lemi ʼi ɔ, e se maa po.

Galatabi 5:6

Ejakaa Kristo Yesu mi ɔ, pi nɔ pomi nɛ nyɛɔ nɔ́ ko peɔ, nɛ pi mɔmlɔtɔ hulɔ, se mohu hemi kɛ yemi nɛ guu suɔmi nɔ tsuɔ ni ɔ ʼi.

1 Korintobi 8:1

Jehanɛ ngɛ wɔhi a nya bɔ sami niyeni ɔmɛ a he ɔ, wa le kaa “wɔ kulaa wa le ni.” Ni lemi haa nɔ woɔ e he nɔ, se suɔmi haa nɔ nane nuu si.

2 Petro 2:18

Akɛnɛ nya puu munyu nguahi jee a nya mi he je ɔ, a guu he lo akɔnɔhi a nɔ nɛ a kɛ ya homi mlɔɔ ninɛmɛ nɛ je wɔ jami mi kɛ we ɔ.

Romabi 14:15

Se ke niyeni ko he je nɛ o haa o nyɛmi yeɔ kɔmɔ ɔɔ lɛɛ tsa pi suɔmi nya nɛ o ngɛ o je mi bae ngɛ ɔ hu. O kɛ o niyeni ɔ ko kpata nɔ nɛ Kristo ba gbo ha lɛ ɔ hɛ mi.

Mateo 25:45

Kɛkɛ ɔ, e ma he nɔ nɛ e ma de mɛ ke: ‘Niinɛ, i ngɛ nyɛ dee ke: Ligbi abɔ kɛ̃ nɛ nyɛ pee we ngɔ hi nihi tsɔwi kulaa nɛ ɔmɛ a kpɛti nɔ kake ɔ, nyɛ pee we ngɔ hi mi hulɔ!’

1 Korintobi 12:8

Mumi ɔ haa nɔ ko ni lemi munyu; nɛ nɔ ko hu jamɛ a Mumi ɔ nɔuu haa lɛ nihi a sisi nami he ni lemi.

1 Korintobi 12:16

Nɛ ke tue hu ma de ke: “Akɛnɛ i pi hɛngmɛ he je ɔ, i pi nɔmlɔ tso ɔ he ni ɔmɛ eko” ɔ, anɛ enɛ ɔ he je ɔ, e pi nɔmlɔ tso ɔ he ni ɔmɛ eko lo?

2 Korintobi 12:4

kaa a sa lɛ kɛ ho Paradeiso ya nɛ e ya nu munyuhi nɛ a be nyɛe maa tu nɛ nɔmlɔ ko be he blɔ kaa e woɔ ta.

Marko 16:17

Se okadihi nɛ maa nyɛɛ ninɛmɛ nɛ heɔ yeɔ ɔmɛ a se ji nɛ ɔmɛ nɛ: Ye biɛ mi ɔ, sa maa hia mumi yayamihi; a maa tu munyu hehi;

1 Korintobi 12:10

Nɔ ko ɔ, he wami nihi a tsumi; nɔ ko ɔ gbami; nɔ ko hu mumihi a si kpami; nɔ ko hu gbi slɔɔtohi a tumi; nɛ nɔ kpa hu munyuhi a sisi tsɔɔmi.

1 Korintobi 14:2

Ejakaa nɔ nɛ tuɔ munyu kɛ lilɛ slɔɔto ko ɔ, pi nimli nɛ e kɛ ngɛ tue, se Mawu mohu, ejakaa nɔ ko nɔ ko nui, se mumi mi e ngɛ laami munyu ɔmɛ tue ngɛ.

1 Korintobi 14:4

Nɔ nɛ tuɔ munyu kɛ lilɛ slɔɔto ko ɔ, yeɔ buaa lɛ nitsɛ e he, se nɔ nɛ gbaa a, e yeɔ buaa asafo ɔ.

1 Korintobi 14:5

Se i ko suɔ nɛ nyɛ tsuo nyɛ ko tu munyu kɛ lilɛ slɔɔtohi Se nɔ́ nɛ i ko suɔ titli ji kaa nyɛɛ gba, ejakaa nɔ nɛ gbaa a, e pe nɔ nɛ tuɔ munyu kɛ lilɛ slɔɔtohi, ja e tsɔɔ sisi hulɔ konɛ e ye bua asafo ɔ kulaa.

Kpojemi 14:2

Nɛ i nu gbi ko kɛ je hiɔwe kaa nyu babauu pɛmi, nɛ jehanɛ hu kaa hiɔwe simi wawɛɛ pɛmi. Gbi nɛ i nu ɔ ngɛ kaa sakufiali nɛ hɛɛ a sakuhi nɛ a ngɛ fiae ɔ a gbi.