Titos 3:3 - Dakota Wowapi Wakan Kin

³ Ehanna unkiś eya wacin untonpi śni, qa waanaungoptanpi śni, unhnayanpi, qa cantiheyapi śica ota, qa iyokipiic̣iyapi kin en wowidake unyakonpi, wocanniye, icekinpi ko en unnipi, waḣte śni unyakonpi, qa otoiyohi śiceunkicidakapi.

Titos 3:3 ပူးပေါင်းရင်းမြစ်များ

Mattheos 21:29

Unkan ayupte c̣a heya; Ecamon kte śni ye. Tuka iyohakam iyopeic̣iye c̣a iyaya.

Lukas 21:8

Unkan heya; Ihnuhan nihnayanpi kinhan; wicota micaje kin on upi qa, He miye ce, qa wanna ecadan iyehantu kta ce, eyapi kta: tuka wicihakam yapi sni po.

Johannes 8:34

Jesus awicayupte; Wowicake, wowicake on heciciyapi, Tuwe woaḣtani econ kin he woaḣtani en wowidake un ece.

Roma 11:30

Unkan niś niyepi kin ehanna Wakantanka anayagoptanpi śni, tuka nakaha hena wicadapi śni kin on wowaonśida nic̣upi.

Roma 6:12

Heon nitancan ṭe kte cin en woaḣtani ounye śni nunwe, hecen wocantiheye śice cin anayagoptanpi kte śni.

Roma 6:17

Tuka Wakantanka wopida kiciun nunwe, woaḣtani inidnkapi tuka qon; tuka woonspe ecedan en yeniyanpi qon he cante eciyatanhan oyapapi.

Roma 6:22

Tuka nakaha woaḣtani etanhan enihdakupi, qa Wakantanka wowidake niyanpi, heon wicayuecedan on waskuyeca duhapi, qa he ihanke kin owihanke wanin wiconi kin hee.

Roma 6:6

Qa wicaśta tanina unhapi kin he iye kici icipaweḣ okatanpi kin he sdonunkiyapi, hecen woaḣtani tancan kin he ihangyapi kta, qa hetanhan woaḣtani wowidag unyanpi kte śni.

II. Korinth 12:20

Ekta ciupi kinhan, niyepi token wacin kin hececa iyeciyapi kte śni, qa miye nakun token yacinpi śni kin hecen iyemayayapi kta kowakipa. Wakinicapi kin, winawizipi, canniyekici yapi, wicokicize, waaiapi, waajijipi, waḣanicidapi qa owodutaton kin henakiya en un kta kowakipa.

Galatia 6:3

Tuwe taku śni un eśta, taku ic̣ida kinhan, he icihnayan.

Kolosse 1:21

Qa niś niyepi, ehanna oyate nitokecapi, qa nitawacinpi kin en toka kin henicapi, wicoḣan śice cin on, tuka nakaha he kici wokiyeniyan nicagapi;

Kolosse 3:7

Ehanna hena ehna yanipi qehan, opeya mayanipi.

II. Timotheos 3:13

Tuka wicaśta śica, wicahnayanpi sa ko, hena sanpa śicapi kta, wicahnayanpi qa nakun hnayanpi kta.

II. Timotheos 3:6

Hena hececapi kin tipi naḣmana tin ipi, qa winoḣinca wacintonpi śni, woaḣtani hduśakapi, qa śicaya wacin yuzapi on icunonpa ayapi;

Titos 1:16

Hena iś Wakantanka sdonyapi keyapi, tuka wicoḣan on aktapi śni, waḣtepi śni, wanaḣonpi śni, qa wicoḣan waśte owasin en wacintonpi śni.

Titos 2:12

Wakantanka aktapi śni, qa wicoicage cantiheyapi kin hena eḣpeunyanpi kta, qa nakaha wiconi kin en, wacinksamya, owotanna, wakanyan unnipi kta e onspeunkiyapi.

Jakob 1:26

Tuwe niyepi kin etanhan woohodapi kin en opa se ececa hecinhan, qa ceji hdaśke śni, tuka iye cante ic̣ihnaye cinhan, he woohodapi ope cin he taku śni.

I. Inyan 1:14

Wicacinca waanagoptanpi kin iyenicecapi kta, qa ehanna wasdonye śni yaunpi qehan cantiheyayapi śica ake iyecen nic̣icagapi kte śni.

Wayuotanin 12:9

Unkan wamduśka tanka kin, wamduśka wanakaja tanhan un kin hee, Wakanśica qa Satan eciyapi, wicaśta hiyeye cin owasin wicahnaye cin hee, makata eḣpeyapi, qa tona ookiye wicaye cin hena nakun kici tankan iyewicayapi.

Wayuotanin 13:14

Qa tona maka akan unpi kin wicahnayan, wowapetokeca wamanica kin itokam econ kta e qupi qon hena on. Qa tona maka akan unpi kin wamanica maza sagye on capapi tuka kini qon he iyacinpi wan kagapi kta e iwahokonwicakiya.

Wayuotanin 18:2

Unkan he waśagya hotankakiya hotanin, qa heya, Hinḣpaya ce, Babulon tanka kin he hinḣpaya; qa taku wakan śicapi en ounyanpi, qa wanagi aśape cin owasin he otipi, qa zitkadan śice cin śicedapi kin owasin he hoḣpi yapi ce.