Titos 3:2 - Dakota Wowapi Wakan Kin

² Tuwedan yaśicapi kte śni, qa wicakizapi kte śni, tuka waḣbayedan unpi, qa wicaśta owasin on wacin tankapi kta.

Titos 3:2 ပူးပေါင်းရင်းမြစ်များ

Mattheos 11:29

Can nap̣inpi mitawa kin he icu po, qa miye eciyatanhan onspeic̣iciya po, cante ekta onśimic̣ida qa waḣbayedan waun; hecen ninagipi en woozikiye duhapi kta.

Olianyanpi kin 23:5

Unkan Palos, Hunkawanjinciyapi, he wawayuśna itancan kin ee sdonwaye śni, eya; Wowapien kaken kagapi, Nitaoyate kin en wicaśta itancan kin daśice kte śni ce.

I. Korinth 6:10

Qa wamanonpi sa, qa waicucukte cin, qa witkopi sa, qa wawicakipi sa, henakiya Wakantanka tokiconze kin tawapi kte śni.

I. Korinth 9:19

Wicasśta owasin ekta wowidake śni waun tuka owasin wowidake mayuhe wicawakiya, wanjikśi okihiwicawaye kte cin heon hecamon.

II. Korinth 10:1

Palos he miye, Messiya waḣbayedan qa wacintanka heon ceciciyapi ce, niyepi ekta onśiḣanyan waun, tuka en waun śni ehantanhan, niyepi on wadimataka;

II. Korinth 12:20

Ekta ciupi kinhan, niyepi token wacin kin hececa iyeciyapi kte śni, qa miye nakun token yacinpi śni kin hecen iyemayayapi kta kowakipa. Wakinicapi kin, winawizipi, canniyekici yapi, wicokicize, waaiapi, waajijipi, waḣanicidapi qa owodutaton kin henakiya en un kta kowakipa.

Galatia 5:22

Tuka Woniya kin waskuyeca tawa kin he, wowaśtedake, wowiyuśkin, wookiye, wacintankapi, wicowaḣbayedan, wowaśte, wowacinye;

Galatia 6:1

Mihunkawanji, wicaśta wan ihnuhanna taku śica en iyoḣpaye cinhan, niye tona owotanna yannpi kin woksape wowaḣbayedan yuha wicaśta kin he ake piya opeya maniya po; qa awanihdaka wo, okinni taku wawiyutanyan un kin en niu nun ce.

Galatia 6:10

Heon tohanyan unkokihipi kinhan, wicaśta owasin taku waśte ecawicunkiconpi kta, qa wacinyanpi tiyohnaka kin hena iyotan.

Ephesos 4:2

Wicotawacin waśte ocowasin qa wicowaḣbadan, wacin tankapi ko yuha, wowaśtedake en otoiyohi iyowinyeciciyapi kta:

Ephesos 4:31

Wicokige owasin, qa wocantiyahde, qa wośihda, qa iwaśicunpi, qa waaiapi canniyekiciyapi ko owasin eḣpeyayapi nunwe.

Philippi 4:5

Niwaḣbapidan kin he wicaśta owasin sdonyapi kta. Itancan kin kiyadan un.

I. Thessalonike 2:7

Tuka niyepi cokaya waḣbadan unkanpi, azinkiya wan cinca icaḣwicakiye cin he iyecen.

I. Timotheos 3:11

Nakun iś tawicupi kin waḣbapidan kta, waaie śni unpi kta, waktaya unpi kta, taku owasin on owotanpidan.

I. Timotheos 3:3

Miniśa en iyeiciye śni, waawicape śni, mazaska nina akite śni; tuka wacintanka, wacinko śni, waicucu wacin śni;

Jakob 3:17

Tuka woksape wankantanhan un kin he tokaheya ecedan, hehan wokiyapi kaga, waḣbadan, waanagoptan, wowaonśida qa waskuyeca waśte on ojudan, owotanna wiyukcan qa owotanna wohdaka ece.

Jakob 4:11

Mihunkawanji, otoiyohi akiciiapi śni po. Tuwe hunkawanjitku aie c̣a hunkawanjitku hdaco kinhan, he woope kin aie c̣a woope kin yaco; tuka woope kin daco kinhan, woope kin ecen econpi kin henica śni, tuka wayaco kin henica.

I. Inyan 2:1

Heon etanhan, wocanniye owasin, qa wohnaye ocowasin, qa woanakiḣbe, qa wowinawizi, qa iapi śica iyuḣpa eḣpeya po;

I. Inyan 3:10

Tuwe wiconi waśtedake c̣a anpetu waśte wanyaka cin kinhan, iye ceji kin taku śica en yeye kte śni, qa iha kin wohnaye takudan ie kte śni.

I. Inyan 3:8

Ehake, owasin cante wanjidan hduwitaya onśikicida po; hunkawanjinkiciyapi kin iyecen waśtekicida po, waonśidapi qa wacantkiya po.

I. Inyan 4:4

He en iś iye witkoya śkanpi kin on iyecen iyatahdenic̣iyapi śni kin heon tognihdapi qa niyaśicapi ece;

II. Inyan 2:10

Tuka tona woaśamye cantiheyapi kin en wicaceḣpi eciyatanhan manipi, qa wokiconze waḣtedapi śni kin hena iyotan: hena waḣanic̣idapi qa wamnaic̣idapi ece; qa tona tankapi kin wicayaśicapi kokipapi śni.

Judas 1:10

Tuka dena e qe taku sdonyapi śni kin hena yaśicapi ece: tuka iye icagapi kin eciyatanhan taku sdonyapi kin hena on ihduśicapi, woteca ia okitpanipi kin iyececa.

Judas 1:8

He iyececa, wihamnanpi sa kin dena wicaceḣpi kin aśamyapi, qa wokiconze waḣtedapi śni, qa taku tanka yaśicapi ece.