Titos 2:7 - Dakota Wowapi Wakan Kin

⁷ Qa taku owasin on wicoḣan waśte kin en waonspekiya nihdutanin kta; woonspe kin en wayuśice śni, wacinksapa, owotanna;

Titos 2:7 ပူးပေါင်းရင်းမြစ်များ

I. Inyan 5:3

Wakantanka taku tawa ḣince cin en itancanpi kin iyenicecapi kte śni, tuka optaye kin en waonspekiya yaunpi kta.

I. Timotheos 4:12

Koniśka yaun kin heon tuwedan iwaḣtenida kte śni; tuka tona wicadapi kin hena waonspewicakiya wo, wicoie kin en, wicoḣan kin en, wacantkiyapi kin en, woksape kin en, wacinyanpi kin en, woyuecedan kin en.

Philippi 1:10

Kinhan, taku waśte kin hena idukcanpi kta, hecen okonwanjidan ḣicahe śni yaunpi kta, Messiya anpetu tawa kin en;

II. Korinth 4:2

Tuka taku wowiśtece naḣmana un kin hena eḣpeunyanpi, qa wicahnayanpi kin en maunnipi śni, qa wohnaye yuha Wakantanka oie kin unkiciyuhapi śni, tuka wowicake yaotaninpi kin on wicaśta owasin wiyukcanpi kin ekta unhdaotaninpi, Wakantanka itokam.

II. Korinth 1:12

Unkiyuśkinpi kin he unnagipi hdaotanin kin hee, wowicake wowakan ko en okonwanjidan, wicaceḣpi woksape yuhe śni, tuka Wakantanka towaonśida yuha, wicoicage kin ehna unnipi, qa niyepi kin ekta iyotan hececa.

II. Thessalonike 3:9

Unkokihipi śni kin heon etanhan śni; tuka unkiye waonspekiya yuheunniciyapi, qa unitoyapapi kte cin heon.

Ephesos 6:24

Tona awicakehan Jesus Messiya Itancan unkiyapi waśte dakapi kin hena owasin en, wowaonśida wicakici un nunwe. Amen.

II. Korinth 2:17

Wicota Wakantanka oie kin hnayan kuwapi kin hena iyeuncecapi śni; tuka wowicake eciyatanhan, tuka Wakantanka eciyatanhan, qa Wakantanka itokam, Messiya unkoyakapi ece.

II. Korinth 8:8

Wicoope eciyatanhan hena hepe śni, tuka wicaśta tokeca aic̣iciyapi kin heon; qa wacanyakiyapi kin he wowicake kinhan imdute kta.

I. Timotheos 5:10

Wicoḣan waśte on tanyan oyakapi, cinca icaḣwicakiya, oicimani kin wonwicaya, tona owotanna un siha wicakiyujaja, tona kakijapi kin owicakiya, qa wicoḣan waśte owasin amniheic̣iya en opa hecinhan.

Titos 3:8

Iapi kin he wowicake; qa heon hena taku kin ohinniyan yasutaya iyae kta wacin; tona Wakantanka wicadapi kin hena wicoḣan waśte wacin ksamya opapi kta. Hena taku waśte, qa wicaśta kin en wawokihi.