Titos 2:3 - Dakota Wowapi Wakan Kin

³ Qa winoḣinca tankapi kin iś eya winoḣinca waśte iyecen oḣanyanpi kta, waaiapi kte śni, miniśa ota en iyeic̣iyapi kte śni, qa taku waśte onspe wicakiyapi kta:

Titos 2:3 ပူးပေါင်းရင်းမြစ်များ

Roma 1:29

Hena e woaḣtani owasin, wiinaḣmanpi, wicośice, waicucupi kte cin, qa oḣinyanpi on iyatahdepi; winawizipi, tin wicaktepi, wakinicapi, wohnaye, qa wocanniye on ojupidan.

Roma 16:2

He Itancan kin on iyowinyakiyapi kta, tona owotanna un kin iyececa, qa taku on i kin he en token ecayeconpi cin kinhan ecen okiya po. Iye kin wicota owicakiye c̣a miye nakun omakiya ece.

Ephesos 5:3

Tuka wiinaḣmanpi, qa waaśapapi, qa waicucupikte cin, niyepi ekta caje yatapi śni nunwe, tuka tona owotanna un taku iyokipi wicaye cin hena.

I. Timotheos 3:11

Nakun iś tawicupi kin waḣbapidan kta, waaie śni unpi kta, waktaya unpi kta, taku owasin on owotanpidan.

I. Timotheos 3:8

Iś eya hunkayapi un kin hena nakun wacinksapapi kta, ceji jatapi śni, miniśa en iyeiciyapi śni, qa mazaska nina akitapi kte śni:

I. Timotheos 5:23

Tokata mini ecedan yatke śni wo, nitezi kin on, qa waniyazan sa kin heon, miniśa waniqadan yatkan wo.

Titos 1:7

Waawanhdake cin he takudan iyaonpepica śni un kta, he Wakantanka taokiye kin ee; iśnana wacin en ihduze śni, wacinko śni, miniśa en iyeic̣iye śni, ohitiic̣ida śni, qa mazaska nina akite kte śni;

Titos 2:4

Hecen wikośka kin ksamwicayapi kta, wicaśta yuhapi cinca ko waśte wicakidapi kta;

Hebrew 5:12

Hinnakaha waonspekiya henicapi kta, tuka nahaḣin tuwe Wakantanka oie oowa tokaheya kin hena akta onspeniciyapi kta e iyenihantupi, qa tona asanpi ece cinpi, qa waconica yun okihipi śni kin hee en iyoniptapi.

Wayuotanin 2:20

Tuka taku tonana iyacionpa, winoḣinca wan Jezebel eciyapi, winoḣinca wokcanka keic̣iye cin he mitaokiye kin wicahnaye c̣a, wiinaḣmanpi econpi, qa taku wakagapi wakiyuśnapi kin yutapi kta e onspe wicakiye cin hee iyowinyakiya.