Titos 2:2 - Dakota Wowapi Wakan Kin

² Wicaśta tankapi kin hena waktaya unpi kta, mdesahan wacin ksamya unpi kta, wacin rawacantkiyapi, wacintano en ecedan unpi kta.

Titos 2:2 ပူးပေါင်းရင်းမြစ်များ

Markos 5:15

Qa Jesus en hipi, qa wicaśta wakan śica yuhnaśkinyan, qa wicota yuhe ciqon, wanna ogekiton qa tawacin ecetu iyotankehan yanka he wanyakapi; unkan yuśinyayapi.

Lukas 8:35

Unkan taku econpi qon he wanyag ai, qa Jesus ekta ahi, qa wicaśta wakanśica etanhan hinapapi qon he ogeton, qa tawacin ekicetu, qa Jesus siha kin en iyotankahan yanka wanyakapi; unkan wikopapi.

Olianyanpi kin 24:25

Unkan Palos wicoowotanna, qa iyatahde ic̣iyapi śni, qa woyaco u kte cin hena oyake cin, he icunhan Phelika cancan, qa, Nakaha ekta hda wo, tohan tanyan iyomakipi kinhan ake cico kta ce, eya.

Roma 12:3

Wowaonśida maqupi kin he eciyatanhan, tona niyepi ekta un kinotoiyohi hecen eciciyapi; Tuwedan token ihdukcan kte cin he isanpa ihdawa kte śni, tuka wacinksamya ihdukcan kta, Wakantanka otoiyohi wacinyanpi iyuta wicaqu kin he eciyatanhan.

I. Korinth 15:34

Wicoḣan owotanna on ihduhicapi, qa waḣtanipi śni po. Wanjikji Wakantanka sdonyapi śni. Winiśtecapi kte cin heon hena hecen epe.

I. Korinth 9:25

Tuwe kaśta kici econ kte cinhan taku owasin iyatahde ic̣iye śni un. Hena wateśdake atakuni kte śni kin yekiyapi kta, tuka unkiye wateśdake ohinniyan un kte cin he unkakitapi.

II. Korinth 5:13

Wacinunhnunipi hecinhan, he Wakantanka on etanhan; qa wacinunksapapi hecinhan, he niyepi kin on etanhan.

Galatia 5:23

Wicotawacin waśte, qa iyatahde ic̣iyapi śni hena ee; qa taku hecece cin woope kin tuktedan iyamya un śni.

Philippi 4:8

Unkan ehake mihunkawanji, taku wicakapi kin, taku yuonihanpi kin, taku owotanna kin, taku wakan kin, taku waśte dapica kin, taku waśte eyapi kin, wowaśte qa wowitan yuke cinhan, hena awacin po.

I. Thessalonike 5:6

Heon etanhan wicaśta tokeca iyecen unkiśtinmapi kte śni; tuka kiktahan witko śni unyakonpi kta.

I. Thessalonike 5:8

Tuka unkiye anpetu kin unketanhanpi, qa heon witko śni unyakonpi kta, wowacinye wacantkiyapi ko maku akaḣpe kin unkic̣unpi kta, qa wiconi apepi kin he maza wapaha unyanpi kta.

I. Timotheos 1:10

Wawiciḣaḣapi econpi, waihuhupi sa, wicaśta wiyopewicaye cin hena, itonpiśni qa woope kicaksapi kin hena on woope kagapi ece; qa taku tokeca woonspe zani kin kaśeye cinhan he nakun:

I. Timotheos 1:14

Qa Itancan unkiyapi towaonśida kin he wacinyanpi qa wacantkiyapi Jesus Messiya en nina yuotapi.

I. Timotheos 1:2

Timotheos, wacinyanpi kin eciyatanhan micinkśi kin hee, wowaśte, wowaonśida, wookiye ko, Wakantanka Ateunyanpi, qa Jesus Messiya Itancan unkiyapi kin hena etanhan kiciun nunwe.

I. Timotheos 1:5

Wicacante ecedan, wicanagi waśte, qa wacinyanpi wicakapi kin etanhan wacantkiyapi kin he woahope ecetuyapi kin hee.

I. Timotheos 3:11

Nakun iś tawicupi kin waḣbapidan kta, waaie śni unpi kta, waktaya unpi kta, taku owasin on owotanpidan.

I. Timotheos 3:2

Tuka waawanhdake cin he iyaonpepica śni un kta, winoḣinea wanjidan yuze kta, waktaya un kta, wacinksapa, waḣbayedan, oḣanpi, wowicakiyaka;

I. Timotheos 3:4

Iye tiyohnaka kin tanyan hduhe kta, qa wicowaḣbadan owasin on cinca kin anagoptan wicakiye kta.

I. Timotheos 3:8

Iś eya hunkayapi un kin hena nakun wacinksapapi kta, ceji jatapi śni, miniśa en iyeiciyapi śni, qa mazaska nina akitapi kte śni:

I. Timotheos 5:1

Hunkayapi wan iyopeye śni wo, tuka ateyapi un kin iyecen wahokonkiya wo, qa tona hakaktapi kin hena nihunkawanji iyececapi kta;

Titos 1:13

Wayaotanin kin he wowicake. He etanhan nina iyopewicaya wo, hecen wacinyanpi kin en ecedan unpi kta:

Titos 1:8

Tuka oicimani kin onśiwicada kta, qa taku waśte kin waśtedake kta, wacin ksapa un kta, qa owotanna, wacantkiya, qa iyatahdeic̣iye śni un kta;

Titos 2:7

Qa taku owasin on wicoḣan waśte kin en waonspekiya nihdutanin kta; woonspe kin en wayuśice śni, wacinksapa, owotanna;

Philemon 1:9

Tuka wacantkiyapi kin eciyatanhan ceciciya ce, Palos he miye, wanna wimacaḣinca, qa nakaha Jesus Messiya on kaśka mahnakapi waun.

I. Inyan 1:13

Heon etanhan, nitawacin nisehu kin opta ipiyagkiton po, waktaya un po, qa Jesus Messiya ihdutanin kinhan wowaśte nicaupi kte cin he ape yukan po, owihanke kin hehanyan.

I. Inyan 4:7

Tuka taku owasin ecadan owihanke kta. Heon etanhan wacinksapa po, qa wocekiye on waktaya un po.

I. Inyan 5:8

Witkopi śni po, waktaya un po; Wakanśica tokaniyanpi kin he mnaja hoton ece kin iyecen omani un, tuwe yapote kte cin he akita ece.

II. Inyan 1:6

Qa wosdonye kin en iyatahdeic̣iyapi śni; qa iyatahdeic̣iyapi śni kin en wacintankapi; qa wacintankapi kin en taku wakan iyececapi;