Titos 1:4 - Dakota Wowapi Wakan Kin

⁴ Titos, witaya wacinyanpi kin he eciyatanhan cinkśiwaye cin; Wowaśte, wowaonśida, wookiye ko, Wakantanka Ateyapi kin etanhan, qa Jesus Messiya Itancan Wanikiya unhapi kin eciyatanhan kiciun nunwe.

Titos 1:4 ပူးပေါင်းရင်းမြစ်များ

Lukas 2:11

Anpe dehan Dawid totonwe kin en Wanikiya wan nicitonpi, Messiya Itancan kin he hee.

Johannes 4:42

Qa, Taku odake cin he etanhan wicaundapi kin hee śni, unkiś eya naunḣonpi, Messiya hee qa oyate wanikiye kte cin hee e sdonunyanpi, winoḣinca kin eciyapi.

Roma 1:12

Niyepi kin on iyuśkinmayanpi kte cin he waka, niś niye qa miś miye napin wacinunyanpi kin on etanhan.

Roma 1:7

Tona Roma ekta un kin owasin, Wakantanka waśte wicakida, yaowotanpidan kte cin on wicakico kin hena, wowapi cicagapi. Wowaonśida, wookiye ku, Wakantanka ateunyanpi, qa Jesus Messiya Itancan kin etanhan, nicipi un nunwe.

II. Korinth 12:18

Titos cewakiye c̣a kici hunkawanjitku wan ekta ye waśi. Niyepi etanhan Titos taku kamna he. Wicoksape okonwanjidan en maunnipi śni he; oye okonwanjidan ohna maunnipi śni he.

II. Korinth 2:13

Hehan minagi ekta cante waśteya waun śni, Titos mihunkawanji kin hen iyewaye śni kin heon; hecen hena nape wicamduze c̣a, hetanhan Makedonia ekta imdarada.

II. Korinth 4:13

Unkiye wowacinye woniya kin de unhapi, wowapi en kagapi qon iyececa; Wicawada kin heon iwaa ce; unkiś eya wicaundapi kin heon unkiapi ece.

II. Korinth 7:6

Tuka Wakantanka tona iyokiśicapi iwicakiye cin he cantohnag mayan, Titos hen hdi kin heon:

II. Korinth 8:16

Tuka Wakantanka wopida uha nunwe, he niyepi on Titos hecen cante yuskiya.

II. Korinth 8:23

Hecen Titos he kapi hecinhan, he mitawaśi qa niyepi on omakiye cin hee; qa hunkawanjinwicunyanpi kin hena eepi kinhan, okodakiciye yewicaśipi qa Messiya towitan kin hena eepi ce.

II. Korinth 8:6

Hecen Titos ceunkiyapi, niyepi en wanna tokaheya hecon kin, he iyecen wowaonśida kin de nakun niciyuśtanpi kta.

Galatia 2:3

Tuka Titos mici un kin he Helenes heca keś bakiḣdayapi kta keyapi śni.

Galatia 3:26

Jesus Messiya wacinyanpi kin eciyatanhan owasin Wakantanka cinca kin heuncapi.

Galatia 3:28

He en Juda qa Helenes wicaśta ko wanica; wowidake un tawaic̣iya ko wanica; wica winyan ko wanica; tuka Jesus Messiya ekta owasin okonniwanjipidan.

Ephesos 1:2

Wowaonśida, wookiye ko, Wakantanka Ateunyanpi kin etanhan, qa Jesus Messiya Itancan unkiyapi kin etanhan niyepi en nicipi un nunwe.

Kolosse 1:2

Kolosse ekta tona owotanna un, qa hunkawanjin kiciyapi Messiya wacinyanpi kin hena, wowapi cicagapi. Wowaonśida wookiye ko, Wakantanka Ate unyanpi, qa Jesus Messiya Itancan kin etanhan, niyepi kin en nicipi un nunwe.

I. Timotheos 1:12

Unkan Jesus Messiya Itancan unkiyapi he okihimaye c̣a, wacinyepica madake c̣a, wicoḣtani kin de en opemaye ciqon he wopida ewakiya ece.

II. Timotheos 1:1

Palos, Wakantanka tawacin kin on, Jesus Messiya yeśi qon, Jesus Messiya wiconi iwahounyanpi qon he eciyatanhaq,

II. Timotheos 1:2

Timotheos, hokśincantkiyapi mitawa kin, wowapi cicaga. Wowaonśida, wowaśte, wookiye ko, Wakantanka Ateyapi kin etanhan, qa Jesus Messiya Itancan unkiyapi kin etanhan.

II. Timotheos 4:10

Demas he amayuśtan, wiconi kin de waśtedake c̣a Thessalonike ekta kihda, Kreskes Galatia ekta, qa Titos Dalmatia ekta.

Titos 1:3

Tuka wanna iyehantu qehan, eyanpahapi kin on oie kin hdaotanin, he miye maqupi, Wakantanka Wanikiya unkitawapi kin he eciyatanhan;

Titos 2:13

Qa wacinyanpi waśte ape unyakonpi kta, Wakantanka iyotan tanka, qa Jesus Messiya Wanikiya unhapi kin he wowitan hduna taniniciye kte cin hee.

II. Inyan 1:1

Simon Inyan, Jesus Messiya tawowidake qa yeśi qon he, tona Wakantanka unkitawapi toowotanna kin on, qa Jesus Messiya Wanikiye cin eciyatanhan, unkiye unhapi kin iyecen wowacinye teḣika yuhapi kin hena wowapi wicakicaga.

II. Inyan 1:11

Qa nakun heon Jesus Messiya Itancan qa Wanikiya unkitawapi tokiconze owihanke wanice cin en yaipi kte cin wijinya nic̣upi kta.

II. Inyan 2:20

Itancan qa Wanikiya Jesus Messiya sdonyapi kin eciyatanhan, wicoicage kin de en woaśape kin nakipapi eśta, ake hena on iyakapeyapi qa en ihdaśkapi kinhan, hena otokahe ekta waśte qa owihankepi kin he śica ece.

II. Inyan 3:18

Tuka wowaśte kin en, qa nakun Itancan unyanpi Wanikiya Jesus Messiya sdonyapi kin en icaga po. Iye kin wowitan nakaha qa owihanke wanica kiciun nunwe. Amen.

II. Inyan 3:2

Hecen wicaśta wokcan wakan token oieyapi qon, qa nakun unkiye Itancan qa Wanikiya yeunśipi qon token econ unniśipi kin hena yeksuyapi kta.

I. Johannes 5:14

Unkan iye ekta wowaditake unhapi kin he dee, Iye tawacin kin eciyatanhan taku unkidapi eca naunkiḣonpi ece:

Judas 1:3

Waśtecicidapi kin, wiconi ptaya unhapi kin on aic̣iciya wowapi cicagapi eca, wowacinye ehanna wicaśta wakan wicaqupi qon he nina yakitanpi kta e un wowapi cicagapi, qa wahokonciciyapi kta iyececa.