Titos 1:2 - Dakota Wowapi Wakan Kin

² Qa owihanke wanin wiconi opapi kte cin, Wakantanka itonśni okitpani, in aka kagapi kin itokam iwahounyanpi qon he on;

Titos 1:2 ပူးပေါင်းရင်းမြစ်များ

Mattheos 25:34

Hehan Wicaśtayatapi kin tona etapa eciyatanhan unpi kin hena hewicakiye kta; U po, Ate eciyatanhan niyawaśtepi kin, wokiconze maka kagapi kin ehantanhan wiyeya niciyankapi kin he ito hduha po.

Mattheos 25:46

Unkan dena owihanke wanin wokakije kin en yapi kta; tuka wicaśta owotanna kin hena owihanke wanin wieoni kin en yapi kta.

Markos 10:17

Unkan canku kin ohna iyaye c̣ehan, wanji inyang u, qa en canpeśka makehde inajin, qa wiwanga; Waonspekiye waśte, wiconi owihanke wanice cin he ohimic̣iye kta e on taku ecamon kta he.

Markos 10:30

Nakaha wiconi kin de en opawinge akihde icu kta; tipi, qa hunkawanjitkupi, qa tawinoḣtin, qa hunkupi, qa cincapi, qa makoce ko, wośitkihdapi iyahna; qa wiconi u kte cin he en wiconi owihanke wanica yuhe kta.

Johannes 10:28

Qa owihanke wanin wiconi wicawaqu; qa icimana owihankepi kte śni, qa minape kin etanhan tuwedan wicayuśpe kte śni.

Johannes 17:2

Wicaceḣpi owasin on wowaśake yaqu qon, hecen tona yaqu kin owasin owihanke wanin wiconi wicaqu kta.

Johannes 17:24

Ate, tona mayaqu kin hena, tokiya waun kin hen mici unpi kta wacin; hecen wowitan mayaqu qon he wanyakapi kta, wicoicage kin de itokam waśtemayakida kin heon etanhan.

Johannes 5:39

Wowapi wakan kin en akita po; heciyatanhan wiconi owihanke wanica duhapi kecannipi; unkan omayake cin hena ee.

Johannes 6:54

Tuwe miceḣpi etanhan yute c̣a mawe yatke cinhan owihanke wanin wiconi yuha ece, qa anpetu ihankeya kin en piya icaḣwaye kta.

Johannes 6:68

Unkan Simon Inyan ayupte; Itancan, tuwe ekta unyanpi kta he; owihanke wanin wiconi wicoie duhe cin;

Olianyanpi kin 15:18

Otokaheya tanhan Wakantanka taku icaḣye cin owasin sdonkiya.

Roma 1:2

Ehanna wowapi wakan kin en wicaśta wokcan oyakapi qon hee;

Roma 16:25

Tuwe wootanin waśte mitawa qa Jesus Messiya woyake cin he eciyatanhan niyusutapi kta okihi, wowiyukcan nakaha yuotaninpi kin eciyatanhan, he maka icage cin ehantanhan wicoicage kin en anaḣmanpi qon;

Roma 2:7

Tona wicoḣan waśte en ape yukanpi, qa wowitan, woyuonihan, qa ṭepica śni kin akitapi ece kin hena wiconi owihanke wanice kta:

Roma 5:2

Qa he iye eciyatanhan en unhiyupi, wowaonśida en ahan naunjinpi kin en, wacinyanpi kin on etanhan, qa Wakantanka towitan kin ape unkiyuśkinpi ece.

Roma 5:21

Hecen wiconṭe en woaḣtani ounye ciqon he iyecen wiconi owinanke wanica en wowaonśida ounye kta, Jesus Messiya Itancan unkiyapi kin eciyatanhan.

Roma 5:4

Qa wacin tankapi kin he wiyukcanpi, qa wiyukcanpi kin he woape;

Roma 6:23

Woaḣtani wokajuju kin he wiconṭe ee; tuka Wakantanka taku ituwicakiḣan kin he, Jesus Messiya Itancan unkiyapi kin eciyatanhan, owiḣanke wanin wiconi kin hee.

Kolosse 1:27

Ikcewicaśta kin ekta taku otanin śni kin de wowitan woyuha kin tinskokeca kin, he Wakantanka hena sdonye wicakiye kta, he niyepi kin en Messiya wowitan woape kin hee.

I. Thessalonike 2:15

Hena e qe Jesus Itancan kin ktepi, qa wicaśta wokcan wicayuhapi qon hena nakun, qa unkiye śicaya unkuwapi, Wakantanka iyokipiyapi śni, qa wicaśta owasin kaśewicayapi:

I. Thessalonike 5:8

Tuka unkiye anpetu kin unketanhanpi, qa heon witko śni unyakonpi kta, wowacinye wacantkiyapi ko maku akaḣpe kin unkic̣unpi kta, qa wiconi apepi kin he maza wapaha unyanpi kta.

I. Timotheos 6:12

Wowacinye okicize waśte kin he en econ wo, owihanke wanin wiconi kin he icu wo, he en nicopi qa waayataninpi ota itokam wohdakapi waśte ecen oyahdake ciqon.

I. Timotheos 6:19

Taku tokata ihe cin he ekta ahehde waśte wan ic̣ihnakapi kta, hecen wiconi owihanke wanica yuhapi kta.

II. Timotheos 1:1

Palos, Wakantanka tawacin kin on, Jesus Messiya yeśi qon, Jesus Messiya wiconi iwahounyanpi qon he eciyatanhaq,

II. Timotheos 1:9

He iye ni unyanpi, qa wicakicopi wakan kin on unkicopi, unkoḣanpi kin eciyatanhan śni, tuka iye tawacin, qa towaonśida, maka icage cin itokam Jesus Messiya on unqupi qon he eciyatanhan:

II. Timotheos 2:10

He etanhan tona wicakaḣnigapi qon hena on taku owasin iyowinwaya, hena e wiconi Jesus Messiya en un kin he yuhapi kta, qa nakun owihanke wanin wowitan kin.

II. Timotheos 2:13

Qa wacinunyanpi śni eśta, iye wacinyepica un, ihduecinśniyan kta okihi śni ce.

II. Timotheos 2:15

Wakantanka iyokipiyaye kta, wicaśta wakage cin iśtece kta iyecece śni kin heca e nihdutanin kta, qa wowicake wicoie kin owotanna yapamni kta e aic̣iciya wo.

Titos 2:13

Qa wacinyanpi waśte ape unyakonpi kta, Wakantanka iyotan tanka, qa Jesus Messiya Wanikiya unhapi kin he wowitan hduna taniniciye kte cin hee.

Titos 2:7

Qa taku owasin on wicoḣan waśte kin en waonspekiya nihdutanin kta; woonspe kin en wayuśice śni, wacinksapa, owotanna;

Titos 3:7

Hecen iye towaonśida kin on etanhan unyaowotanpidan kinhan, wiconi owihanke wanica unkapepi kin eciyatanhan, taku iye tawa kin he tawaunyanpi kta.

I. Johannes 2:25

Unkan wahoyapi qon taku iwahounyanpi kin, owihanke wanin wiconi kin hee.

I. Johannes 5:20

Unkan Wakantanka Cinhintku kin he hi, qa wicoksape unqupi, on tuwe wicake cin iyeunkiyapi kta e sdonunyanpi; unkan tuwe wicake cin he en unyakonpi, iye Cinhintku Jesus Messiya hee. Wowicake Wakantanka qa owihanke wanin wiconi kin hee.

Judas 1:21

Wakantanka waśtedakapi kin en ihduha po; qa Jesus Messiya Itancan unyanpi towaonśida wiconi owihanke wanica iyahde kte cin he ape yukan po.

Wayuotanin 13:8

Unkan tona maka akan unpi cajepi kin wiconi wowapi Amnos, maka kagapi kin hehantanhan wośnapi qon, he tawa kin en ewapi śni kin hena owasin wamanica kin ohodapi.

Wayuotanin 17:8

Wamanica wandake cin he un qon, qa un śni kin; qa wośbe cetete wanica etanhan hiyu kta, qa wicotakuni śni ekta hde kta. Qa tona maka akan unpi, maka kagapi kin ehantanhan, cajepi kin wiconi wowapi kin en owapi śni, hena wamanica kin wanyakapi kinhan yuśinyayapi kta, he un qon, qa un śni, qa hinaḣin un kin heon etanhan.