Roma 8:9 - Dakota Wowapi Wakan Kin

⁹ Tuka niyepi wicaceḣpi kin en yaunpi śni, Woniya kin en yaunpi, Wakantanka Taniya kin niyepi kin en ounye cinhan, Qa tuwe Messiya Taniya kin yuhe śni kinhan he tawa śni.,

Roma 8:9 ပူးပေါင်းရင်းမြစ်များ

Lukas 11:13

Hecen niś niśicapi kin, nicincapi taku waśteśte wicayaqupi kte cin he onnispepi ehantanhan, iś iyotan maḣpiya Ateyayapi kin tona Woniya Wakan kidapi kinhan wicaqu kta ce, eya.

Johannes 14:17

Wowicake Woniya kin hee, oyate kin he icu okihipi śni, tohinni wanyakapi śni qa sdonyapi śni; tuka niye he sdonyayapi, he nicipi un qa en niunpi kta.

Johannes 14:23

Jesus waayupte c̣a heciya; Tuwe waśtemadake cinhan mioie kin yuhe kta; qa Atewaye cin waśtedake kta, qa tukten un kinhan en unhipi kta, qa ti kin en kici unyakonpi kta.

Johannes 3:34

Wakantanka tuwe u śi kin he Wakantanka oie oyaka; Wakantanka Taniya kin iyuta qu śni, ocowasin qu.

Johannes 3:6

Tuwe wicaceḣpi on tonpi kin he wicaceḣpi, qa tuwe Woniya kin eciyatanhan tonpi kin he woniya.

Olianyanpi kin 16:7

Hehan Musia ekta ipi, qa hetanhan Bithunia ekta ye wacinpi, tuka Woniya kin iyowicaki śni.

Roma 7:5

Wicaceḣpi kin en unyakonpi qehan, woaḣtani wocantiheye kin, woope kin eciyatanhan un kin, hena waskuyeca wiconṭe icaḣkiciciye kta e heon unhuhapi kin en oḣanyan.

Roma 8:1

Heon etanhan, nakaha tona Jesus Messiya en un kin, hena wiconṭe iwicayacopi wanin unpi, wicaceḣpi eciyatanhan manipi śni tuka Woniya kin eciyatanhan.

Roma 8:11

Tuwe Jesus wicaṭe cin etanhan najin kiye ciqon he Taniya kin niyepi en ounye cinhan, tuwe Messiya wicaṭe cin etanhan najin kiye ciqon hee nitancan ṭapi kte cin ekicetu ye kta, iye Taniya Wakan niyepi en ounye cin he eciyatanhan.

Roma 8:2

Wiconi Woniya toope kin Jesus Messiya en un kin, he woaḣtani wiconṭe ko woope kin etanhan makiyuśka.

I. Korinth 15:23

Tuka otoiyohi tohan iyeitantu kinhan; Messiya e tokaheya, qa hehan tona tawa kin hena, Messiya ake hi kinhan.

I. Korinth 3:16

Wakantanka tipi tawa kin he niyepi, qa Wakantanka Taniya kin onitipi kin he sdonyakiyapi śni he.

I. Korinth 6:17

Tuka tuwe Itancan kin en kici iyaihdaśke cinhan he iye kici woniya wanjidan.

I. Korinth 6:19

Tokeca, nitancanpi kin hena Woniya Wakan Wakantanka nic̣upi, qa niyepi en un kin he tipi tawa kin hee, qa hecen tawa nihdawapi śni e sdonyayapi śni he.

II. Korinth 10:7

Wicaśta itohnake kin hecedan iwandakapi he. Tuwe Messiya tawa kecanic̣in kinhan, he ake kaken awacin kta: is iye Messiya tawa kin heca he iyecen unkiś unkiyepi Messiya tawa unyanpi.

II. Korinth 6:16

Qa tipi wakan Wakantanka tawa kin he wakagapi kin kici token un kta he. Wakantanka ni un tipi wakan tawa kin he niyepi. Wakantanka heye ciqon he iyececa; Hena om wati kta, qa om mawani kta. Hena Wakantanka mayanpi kta, qa mitaoyate kin hena eepi kta ce.

Galatia 4:6

Unkan cinkśiniyanpi kin heon Wakantanka iye Cinhintku Taniya kin nicantepi kin en niu śipi, he, Abba, Ate, eya howaya ece.

Galatia 5:24

Unkan tona Messiya tawa wicaye cin hena wicaceḣpi kin icipaweḣ okatanpi, qa wacinyuzapi cantiheyapi koya.

Ephesos 1:13

He niś niyepi nakun, wowicake oie kin nayaḣonpi qehan, wotanin waśte on ni niyanpi kte cin hee, he iye wacinyayapi, unkan Woniya wahoyapi kin he on wapetognitonpi:

Ephesos 2:22

He ohna niyepi nakun ptaya tinicagapi, Woniya kin eciyatanhan, Wakantanka tipi ye kte cin heon.

Ephesos 3:17

Hecen wacinyanpi onnicantepi kin mahen Messiya ounye kta;

Philippi 1:19

Nitawocekiyepi, qa Jesus Messiya Taniya wawokiye cin on, he wiconi emicicetu kta sdonwaya.

II. Timotheos 1:14

Woniya Wakan unkicipi un kin eciyatanhan, wicoḣan waśte nic̣upi qon he tanyan yuha wo.

I. Inyan 1:11

Messiya Taniya iyepi en un kin, tohantuqa anpetu kin tukte e ka e iwangapi, Messiya kakije kte c̣a wowitan ihakam un kte cin henaitokamoyake ciqon he ehan.

I. Johannes 3:24

Tuwe tawoahope kin opecinhan, he Wakantanka kici un, qa iś iye kin en un; unkan Woniya unqupi kin he eciyatanhan iye unkicipi un kin he sdonunyanpi ece.

I. Johannes 4:13

Heciyatanhan unkiye kici unyakonpi, qa iye unkicipi un kin sdonunyanpi ece, iye Taniya unqupi kin heon.

I. Johannes 4:4

Kokśiyopa cikcistinpidan, Wakantanka eciyatanhan yaunpi, qa hena ohiwicayayapi; tuwe en niunpi kin he tuwe wicoicage en un kin isanpa tanka.

Wayuotanin 13:8

Unkan tona maka akan unpi cajepi kin wiconi wowapi Amnos, maka kagapi kin hehantanhan wośnapi qon, he tawa kin en ewapi śni kin hena owasin wamanica kin ohodapi.

Wayuotanin 20:15

Unkan tuwe wiconi wowapi kin en owapi iyeyapi śni kin he peta mde kin en iyoḣpeyapi ece.