Roma 8:3 - Dakota Wowapi Wakan Kin

³ Woope kin wicaceḣpi eciyatanhan waśake śni un qon he taku okihi śni kin hee Wakantanka econ, iye Cinhintku wicaceḣpi waḣtani ouncage kin en hiyuya, woaḣtani on, qa wicaceḣpi kin en woaḣtani yaco.

Roma 8:3 ပူးပေါင်းရင်းမြစ်များ

Markos 15:27

Unkan kici wamanon sa nom icipaweḣ owicakatanpi, wanji etapa eciyatanhan, qa unma catka eciyatanhan.

Johannes 1:14

Unkan Wicoie kin he wic̣a. ceḣpi kagapi, qa unkiyepi kin en ounyan; qa wootanin tawa kin wanunyakapi, wootanin kin he Atkuku eciyatanhan iśnana icaga tawa kin he iyececa; wowaonśida wowicake ko ojudan.

Johannes 9:24

Hehan ake icinonpa wicaśta iśtagonge ciqon ho wiwangapi qa heciyapi; Wakantanka woyatan qu wo; wicaśta kin he waḣtani sa sdonunyanpi ce.

Olianyanpi kin 13:39

Qa taku owasin, Moses tawoahope kin niyuowotanpidan kta e okitpani kin hena ee kaeś etanhan, tuwe wicada kinhan iye on owotanna kagapi kta.

Roma 3:20

Heon etanhan iye itokam, woope wicoḣan kin on, wicaceḣpi takudan yaowotanpi kte śni; woope kin eciyatanhan woaḣtani sdonkiyapi ece.

Roma 6:6

Qa wicaśta tanina unhapi kin he iye kici icipaweḣ okatanpi kin he sdonunkiyapi, hecen woaḣtani tancan kin he ihangyapi kta, qa hetanhan woaḣtani wowidag unyanpi kte śni.

Roma 7:18

Miye en, miceḣpi kin he waka, taku waśte en maun śni e sdonwakiya Ic̣iconzapi kin he iyemicihantu, tuka token taku waśte ecamon kte cin iyewakiye śni.

Roma 8:32

Tuwe iye Cinhintku kin kpatan śni, tuka unkiyepi owasin on kpagan qon, he iye kici taku owasin iyakicuya unqupi kte śni he.

Roma 9:3

Mihunkawanji qa tona wicaceḣpi eciyatanhan takuwicawaye cin hena on, Messiya etanhan rnayacopi tawaṭenwaya owakihi tuka.

II. Korinth 5:21

Tuwe woaḣtani sdonkiye śni un qon he, unkiyepi on woaḣtani kagapi; hecen iye en Wakantanka toowotanna unkicagapi kta.

Galatia 3:13

Woope woyaco kin etanhan Messiya eunhdakupi, unkiyepi on iye woyaco ikicaga. Wowapi en hecen kagapi, Tona can en otkeyapi kin hena owasin yacopi ce.

Galatia 3:21

Heon woope kin he Wakantanka taku iwahowicaye cin he kaśeya he. Hiya hecetu śni. Woope wiconi kaga okihi unkanś, awicakehan woope kin eciyatanhan wicoowotanna u kta tuka.

Philippi 2:7

Tuka ihduśdoke c̣a wowidake un kin ouncage kin iou, qa wicaśta kin iyecen ihdus icaga;

Hebrew 10:12

Tuka wicaśta kin de, woaḣtani on wośna wanjidan wahduśna, hehan Wakantanka etapa kin eciyatanhan owihanke wanin kiyotanka;

Hebrew 10:14

Wośnapi wanjidan on etanhan tona wicayuecepidan kin hena owihanke wanin wicahduśtan.

Hebrew 2:14

Cinca kin hena wicaceḣpi, qa wicawe kin en opapi kin heon iś iye hena en opa; hecen tuwe wiconṭe wowaśake yuhe cin, Wakanśica hec, e ihangye kta;

Hebrew 2:17

Heon etanhan taku owasin en, iye hunawanjinwicaye cin iyecen ikicage kte cin he hecetu; hecen taku Wakantanka tawa kin en, Wawayuśna Itancan waonśida, qa wicake kta, qa oyate waḣtanipi kin on wookiye wicakicage kta.

Hebrew 4:15

Wawajuśna itancan kin, unkiye unkakijapi kin en unkicanptapikta okihi śni kin heca unhapi śni, tuka iye taku owasin on iyutanyanpi, unkiye iyeuncecapi, tuka woaḣtani codan un.

I. Inyan 2:24

Iye ḣinca can akan un qehan, iye tancan kin en waunḣtanipi kin yuha; hecen unkiye woaḣtani eḣpeunyanpi woowotanna en unnipi kta: Iye apapi qon on asniniyanpi ce