Roma 8:2 - Dakota Wowapi Wakan Kin

² Wiconi Woniya toope kin Jesus Messiya en un kin, he woaḣtani wiconṭe ko woope kin etanhan makiyuśka.

Roma 8:2 ပူးပေါင်းရင်းမြစ်များ

Johannes 4:10

Jesus ayupte c̣a heciya; Wakantanka taku wicaqu kin he, qa, Mini maqu wo, eniciye cin he time kin sdonyaya unkanś, niye yakida kta, kinhan mini wiconi kin nic̣u kta tuka ce.

Johannes 4:14

Qa tuwe mini waqu kte cin etanhan yatke cin icimana ipuza kte śni. Tuka mini waqu kte cin he owihanke wanin wiconi iyahdeya kaduze kta, eya.

Johannes 6:63

Woniya kin he wiconi kaga ece, wicaceḣpi kin takudan okihi śni. Wicoie eciciyapi kin hena woniya qa wiconi kin hee.

Johannes 8:32

Kinhan wowicake kin sdonyayapi kta; qa wowicake kin he niciyuśkapi kta ce.

Johannes 8:36

Heon Cinhintkuyapi kin niciyuśkapi hecinhan, awicakehan tawanic̣iyapi kta.

Roma 16:3

Priskula Akula kici, Jesus Messiya en mitawasipi kin hena napewicayuza po.

Roma 3:27

Hehan ihdatanpi kin toki un he. He anaptapi. Woope kin tukte e on; wicoḣan kin hee he. Hiya, wacinyanpi woope kin hee on etanhan.

Roma 5:21

Hecen wiconṭe en woaḣtani ounye ciqon he iyecen wiconi owinanke wanica en wowaonśida ounye kta, Jesus Messiya Itancan unkiyapi kin eciyatanhan.

Roma 6:14

Woaḣtani icimana inidakapi kte śni. Woope kin ihukuya yaunpi śni tuka wowaonśida kin ihukuya.

Roma 6:18

Qa woaḣtani etanhan enihdakupi kin, heon Wicoowotanna wowidake niyan yaunpi.

Roma 6:22

Tuka nakaha woaḣtani etanhan enihdakupi, qa Wakantanka wowidake niyanpi, heon wicayuecedan on waskuyeca duhapi, qa he ihanke kin owihanke wanin wiconi kin hee.

Roma 7:21

Hecen woope wanji iyewakiya, taku waśte ecamon wacin eca, taku śica miye en miciun ece.

Roma 7:23

Tuka mihuha kin en woope tokeca wan wanmdaka, he mitawacin toope kin kici kicize c̣a, woaḣtani woope mihuha kin en un kin he en wayaka amahda.

Roma 7:4

Heon etanhan, mihunkawanji, niś eya Messiya tancan kin eciyatanhan woope kin ekta niṭapi kin; hecen tuwe tokeca hihnayayapi kta, tuwe wicaṭe cin etanhan ekicetuyapi qon he hee; hecen Wakantanka on waskuyeca icaḣunyanpi kta.

Roma 8:1

Heon etanhan, nakaha tona Jesus Messiya en un kin, hena wiconṭe iwicayacopi wanin unpi, wicaceḣpi eciyatanhan manipi śni tuka Woniya kin eciyatanhan.

I. Korinth 15:45

Kaken wowapi en kagapi qon, Adam wicaśta tokaheya kin he wicanagi ni un kin heca kagapi, qa Adam ehake un kin he Woniya Wanikiye cin hee.

II. Korinth 3:17

Woniya kin he Itancan kin ee, qa tukten Itancan taniyakin un kin, hen tawa ic̣iyapi yukan.

II. Korinth 3:6

Iye wicotakuye teca kin en ookiye wawokihika unkagapi, oowa kin he en un śni, woniya kin hee en; oowa kin he waṭeya, tuka woniya kin he waniya ece.

Galatia 2:19

Wakantanka on wani kta e heon, woope eciyatanhan, woope kin ekta mata ce.

Galatia 5:1

Hecen tawaic̣iyapi kin on Messiya tawaic̣iye unyanpi kin he en ṭinsadan un po, qa ake wowidake yapi wanapin kin on iyaihdaśkapi śni po.

Galatia 6:2

Otoiyohi waqinpi kin kicic̣in po, hecen Messiya toope kin tanyan eoetu yayapi kta.

Jakob 1:25

Tuka tuwe wicoope on tawaic̣iyapi yuśtanpi kin he opaḣta yanke c̣a, en un kinhan, tuwe naḣon qa akiktonje cin heca śni, tuka wicoḣan econ kin heca, hee e taku econ kin en yawaśtepi kta.

Wayuotanin 11:11

Unkan anpetu yamni qa wanji hanke iyohakam, wiconi oniya kin Wakantanka eciyatanhan hena mahen iwicayaya; qa siha on najinpi, unkan tona wanwicayakapi kin nina yuśinyayapi.

Wayuotanin 22:1

Hehan wakpa wan wiconi mini ska kin, caḣtowata iyecen ska, he makipazo, he Wakantanka qa Amnos oiyotanke tawa kin etanhan kaduza.