Roma 7:8 - Dakota Wowapi Wakan Kin

⁸ Hehan woaḣtani woahope kin wowinyunye c̣a, miye mahen wocantiheye śice cin owasin micaga. Woope codan woaḣtani ṭa wanka.

Roma 7:8 ပူးပေါင်းရင်းမြစ်များ

Markos 7:22

Wamanonpi, waicucupikte, wośice, wohnaye, wowiḣaḣa, iśtaśica, wayaśicapi, wahanicidapi, witkotkokapi;

Johannes 15:22

Wahi śni qa owicawakiye śni kinhan, woaḣtani nicapi kta tuka; tuka detanhan woaḣtani woakaḣpe nicapi.

Johannes 15:24

Wicoḣan tuwedan hecen econ śni iyecen ecawicawecon śni unkanś, woaḣtani nicapi kta tuka; tuka wanna Atewaye cin kici wanmayakapi, qa napin śice undakapi.

Roma 3:20

Heon etanhan iye itokam, woope wicoḣan kin on, wicaceḣpi takudan yaowotanpi kte śni; woope kin eciyatanhan woaḣtani sdonkiyapi ece.

Roma 4:15

Woope kin he wocanniye kaga; tukten woope wanica hecinhan hen woaḣtani nakun wanica.

Roma 5:20

Woaḣtani ihduota kte cin heon woope kin hi, tuka tukten woaḣtani yuota ikicage ciqon hen wowaonśida nina sam iyeya ihduota.

Roma 7:11

Woaḣtani woahope kin wowinyunyan, hecen mahnaye c̣a, on makte.

Roma 7:13

Hecen taku waśte kin he wiconṭe imicicaga he. Hiya hecetu śni. Tuka woaḣtani kin he woaḣtani hee e tanin kta, heon taku waśte on etanhan wiconṭe icaḣ miciciya; hecen woahope kin eciyatanhan woaḣtani kin iyotan śice kta.

Roma 7:17

Qa hecen tuwe hecon kin he miye śni, tuka woaḣtani miye mahen un kin hee.

Roma 7:9

Ehanna woope codan ni waun; tuka woahope kin he hi qehan, woaḣtani kini, qa miye maṭa.

I. Korinth 15:56

Wiconṭe icape kin he woaḣtani ee, qa woaḣtani wowaśake kin he woahope kin ee.