Roma 7:7 - Dakota Wowapi Wakan Kin

⁷ Hecece cinhan token unkeyapi kta he: Woope kin he woaḣtani kin ee he: Hiya, hecetu śni; woope eciyatanhan śni unkanś, woaḣtani sdonwakiye kte śni tuka qon. Woope kin, Tokan tawa yacin kte śni ce, eye śni unkanś, wocantiheye śice cin sdonwaye kte śni tuka.

Roma 7:7 ပူးပေါင်းရင်းမြစ်များ

Mattheos 5:28

Tuka miś heciciyapi; Tuwe winoḣinca wan en etonwe c̣a cantiheye cinhan he wanna cante ekta kici Wawiciḣaḣapi econ.

Lukas 12:15

Unkan hewicakiya; Iwanihdaka po, qa wakonpi kin kokipa po; wicaśta nipi kin he taku iyakic̣uya tonpi kin he en un śni ece.

Lukas 20:16

Ito ku kta, qa maḣkicanyanpi kin hena owinankewicaye, c̣a hastanhanka iyuwi maga kin he tokan wicaqu kta ce, eya. Unkan he naḣonpi qehan, Hecetu śni ce, eyapi.

Olianyanpi kin 20:33

Tuwe mazaska, qa mazaskazi, qa wokoyake tawa kin wakon śni.

Roma 13:9

He decetu; Wawiciḣaḣapi ecanon kte śni; Tin wicayakte kte śni; Wamayanon kte śni; Tuwedan en oitonśniyan wodake kte śni; Taku tokan tawapi kin yacin kte śni; qa woahope tokeca yuke cinhan wicoie kin de en yuwitayapi; Wicaśta tokeca niye inihdacin waśte yadake kta ce.

Roma 3:20

Heon etanhan iye itokam, woope wicoḣan kin on, wicaceḣpi takudan yaowotanpi kte śni; woope kin eciyatanhan woaḣtani sdonkiyapi ece.

Roma 3:5

Tuka waunḣtanipi kin hena Wakantanka toowotanna yutanin kinhan token unkeyapi kta he; Wakantanka kakiświcaye cin he owotanna śni he; (wicaśta akantu kin iyecen iwaa;)

Roma 4:1

Heon, Abraham ate unyanpi kin, wicaceḣpi eciyatanhan taku iyeye ciqon tukte e he, unkeyapi kta he.

Roma 4:15

Woope kin he wocanniye kaga; tukten woope wanica hecinhan hen woaḣtani nakun wanica.

Roma 5:20

Woaḣtani ihduota kte cin heon woope kin hi, tuka tukten woaḣtani yuota ikicage ciqon hen wowaonśida nina sam iyeya ihduota.

Roma 6:15

Hecen tokeca kta; woope kin ihukuya unyakonpi śni, tuka wowaonśida ihukuya unyakonpi kin heon etanhan waunḣtanipi kta he. Hiya hecetu śni.

Roma 7:11

Woaḣtani woahope kin wowinyunyan, hecen mahnaye c̣a, on makte.

Roma 7:13

Hecen taku waśte kin he wiconṭe imicicaga he. Hiya hecetu śni. Tuka woaḣtani kin he woaḣtani hee e tanin kta, heon taku waśte on etanhan wiconṭe icaḣ miciciya; hecen woahope kin eciyatanhan woaḣtani kin iyotan śice kta.

Roma 7:5

Wicaceḣpi kin en unyakonpi qehan, woaḣtani wocantiheye kin, woope kin eciyatanhan un kin, hena waskuyeca wiconṭe icaḣkiciciye kta e heon unhuhapi kin en oḣanyan.

Roma 7:8

Hehan woaḣtani woahope kin wowinyunye c̣a, miye mahen wocantiheye śice cin owasin micaga. Woope codan woaḣtani ṭa wanka.

I. Korinth 15:56

Wiconṭe icape kin he woaḣtani ee, qa woaḣtani wowaśake kin he woahope kin ee.

Ephesos 5:3

Tuka wiinaḣmanpi, qa waaśapapi, qa waicucupikte cin, niyepi ekta caje yatapi śni nunwe, tuka tona owotanna un taku iyokipi wicaye cin hena.

Kolosse 3:5

Heon etanhan, nihuhapi makata un kin hena kikte po: wiinaḣmanpi, waaśapapi, wawihnupi, tawacinśicapi, waicucupiktecin, he wakagapi ohodapi kin hee.

I. Thessalonike 4:5

Qa wicotawacin śica cantiheyapi kin he en unpi kte śni; Ikcewicaśta Wakantanka sdonyapi śni kin hena iyececapi.

Hebrew 7:19

Woope kin he takudan yuśtan śni, tuka wowacinye iyotan waśte kin he en au; qa heon Wakantanka kin en ikiyedan unkupi.