Roma 7:5 - Dakota Wowapi Wakan Kin

⁵ Wicaceḣpi kin en unyakonpi qehan, woaḣtani wocantiheye kin, woope kin eciyatanhan un kin, hena waskuyeca wiconṭe icaḣkiciciye kta e heon unhuhapi kin en oḣanyan.

Roma 7:5 ပူးပေါင်းရင်းမြစ်များ

Mattheos 15:19

Wicacante kin eciyatanhan wicotawacin śica hiyu ece; tinwicaktepi, wawiciḣaḣapi, wiinaḣmanpi, wamanonpi, woitonśni qa wicayaśicapi kin.

Johannes 3:6

Tuwe wicaceḣpi on tonpi kin he wicaceḣpi, qa tuwe Woniya kin eciyatanhan tonpi kin he woniya.

Roma 1:26

Heoa etanhan wocantiheye śice cin en Wakantanka awicay uśtan; hecen winoḣinca wicayuhapi kin hena e wicoḣan owotanna kin yutokecapi, qa owotanna śni econpi ece.

Roma 3:20

Heon etanhan iye itokam, woope wicoḣan kin on, wicaceḣpi takudan yaowotanpi kte śni; woope kin eciyatanhan woaḣtani sdonkiyapi ece.

Roma 4:15

Woope kin he wocanniye kaga; tukten woope wanica hecinhan hen woaḣtani nakun wanica.

Roma 5:20

Woaḣtani ihduota kte cin heon woope kin hi, tuka tukten woaḣtani yuota ikicage ciqon hen wowaonśida nina sam iyeya ihduota.

Roma 6:13

Qa nihuhapi kin hena wicoḣan śica en woaḣtani wowinyunye, kta e qupi śni po, tuka wicaṭe cin etanhan ni un kin iyecen Wakantanka ic̣ic̣u po, qa nihuhapi kin wicoowotanna en Wakantanka wowinyunye kiya po.

Roma 6:19

Wicaśta akantu kin iyecen iwaa ce, niceḣpipi waśake śni kin heon etanhan. Wicośice en nihuhapi kin aśapapi qa woaḣtani wowinyunniyanpi kta e iyowinyakiyapi qon, he iyecen nakaha wicayuecedan kin en nihuhapi kin wicoowotanna inidakapi kta e iyowinkiya po.

Roma 6:21

Hehan taku nakaha on iniśtecapi kin hena en taku waskueca duhapi qon he tukte e he; ena e ihanke kin he wiconṭe ee.

Roma 6:23

Woaḣtani wokajuju kin he wiconṭe ee; tuka Wakantanka taku ituwicakiḣan kin he, Jesus Messiya Itancan unkiyapi kin eciyatanhan, owiḣanke wanin wiconi kin hee.

Roma 7:23

Tuka mihuha kin en woope tokeca wan wanmdaka, he mitawacin toope kin kici kicize c̣a, woaḣtani woope mihuha kin en un kin he en wayaka amahda.

I. Korinth 15:56

Wiconṭe icape kin he woaḣtani ee, qa woaḣtani wowaśake kin he woahope kin ee.

II. Korinth 10:3

Wicaceḣpi kin en maunnipi eśta, wicaceḣpi eciyatanhan unkicizapi śni.

Galatia 3:10

Tona woope wicoḣan kin etanhanpi kin hena woyaco kin en unpi. Hecen wowapi en kagapi; Tona taku woope wowapi kin en kagapi kin owasin opeya unpi śni, qa ecen econpi śni kin hena otoiyohi wanna wicayacopi ce.

Galatia 5:24

Unkan tona Messiya tawa wicaye cin hena wicaceḣpi kin icipaweḣ okatanpi, qa wacinyuzapi cantiheyapi koya.

Ephesos 2:11

Hecen ehanna wicaceḣpi ekta Ikcewicaśia henicapi kin he kiksuya po, qa wicaceḣpi baḣdayapi eyapi, nape on econpi kin he bakiḣdayapi śni eniciyapi qon:

Ephesos 2:3

Hena om, unkiyepi owasin ehanna unnipi, unceḣpipi wacin yuze cin en, wicaceḣpi wicotawacin ko wacinpi kin ecetu unyanpi, qa unmanpi kin iyecen wocantiyahde cinca kin neuncapi.

Kolosse 3:5

Heon etanhan, nihuhapi makata un kin hena kikte po: wiinaḣmanpi, waaśapapi, wawihnupi, tawacinśicapi, waicucupiktecin, he wakagapi ohodapi kin hee.

Titos 3:3

Ehanna unkiś eya wacin untonpi śni, qa waanaungoptanpi śni, unhnayanpi, qa cantiheyapi śica ota, qa iyokipiic̣iyapi kin en wowidake unyakonpi, wocanniye, icekinpi ko en unnipi, waḣte śni unyakonpi, qa otoiyohi śiceunkicidakapi.

Jakob 1:15

Hehan wocantiheye śice cin icage cinhan woaḣtani kaga; qa woaḣtani yuśtanpi eca, wiconṭe icaḣya ece.

Jakob 4:1

Niyepi ekta wicokicize qa wakinicapi kin tokiyatanhan u he; cantiheyayapi śica nihuhapi en wakis un kin hena eciyatanhan śni he.

I. Johannes 3:4

Tuwe woaḣtani ecen kin he woope kin kicaksa ece; woaḣtani he woope kicaksapi kin hee.