Roma 7:2 - Dakota Wowapi Wakan Kin

² Winoḣinca kin tuwe hihna ton kinhan, hihnaku ni un kin hehanyan, toope kin on kaśkapi; tuka hihnaku kin wanna ṭe cinhan hehan hihnaku toope kin etanhan kiyuśkapi.

Roma 7:2 ပူးပေါင်းရင်းမြစ်များ

Roma 7:3

Hecen hihnaku ni un kin icunhan, wicaśta tokeca hihnaye cinhan, wawiciḣaḣapi econ eciyapi kta; tuka hihnaku ṭe cinhan hehan woope qon etanhan kiyuśkapi qa wicaśta tokeca hihnayan eśta he wawiciḣaḣapi econ śni.

Roma 7:6

Tuka nakaha woope kin etanhan unkiyuśkapi, taku on unkaśkapi qon he ekta unṭapi kin; hecen oowa tanina kin en wowidag unyanpi kte śni, tuka woniya teca kin en.

I. Korinth 7:39

Winoḣinca kin tohanyan hihnaku ni un kin hetianyan wicoope kin on kaśkapi; tuka hihnaku kin ṭe cinhan hehan tawaic̣iya, tuwe tokeca cin kinhan he hihnaye kta okihi, Itancan kin en un kin hecedan.

I. Korinth 7:4

Winoḣinca kin iś iye tancan kin hduhe śni, tuka hihnaku kin he yuha, qa nakun wicaśta kin iś iye tancan kin hduhe śni, tuka tawicu kin he yuha.