Roma 6:3 - Dakota Wowapi Wakan Kin

³ Tona Jesus Messiya en baptem wicaqupi kin hena iye ṭe cin en baptem wicaqupi kin he sdonyayapi śni he.

Roma 6:3 ပူးပေါင်းရင်းမြစ်များ

Mattheos 28:19

Heon etanhan ya po, oyate kin owasin waonspewicakiya po, qa Ateyapi, Cinhintkuyapi, qa Woniya Wakan kin caje on baptem wicaqu po;

Olianyanpi kin 19:5

He naḣonpi, unkan Jesus Itancan caje kin on baptem wicaqupi.

Olianyanpi kin 2:38

Hehan Inyan hewicakiya; Ihduecetu po, qa woaḣtani nicicajujupi kta e on Jesus Messiya caje kin on baptem nic̣upi kta; kinhan Woniya Wakan ituniciḣanpi kin he iyacupi kta.

Olianyanpi kin 8:16

He nahaḣin tuwedan ahinhe śni, Jesus Itancan caje kin on baptem wicaqupi kin hecedan.

Roma 6:16

Tuwe anayagoptanpi kta inidake nic̣iyapi kin he anayagoptanpi kin on wowidake niyanpi kin he sdonyayapi śni he; he woaḣtani wiconṭe aiyahdeye cin hee, qa iś waanagoptanpi kin on wicoowotanna kta.

Roma 6:8

Hecen Messiya kici unṭapi hecinhan, kici unnipi kta e wacinunyanpi.

Roma 7:1

Mihunkawanji, (tona woope sdonyapi kin hena owicawakiya); woope kin wicaśta kin wowidag ya, toḣanyan ni un kin hehanyan, he sdonyayapi śni he.

I. Korinth 10:2

Qa owasin maḣpiya śapa qa miniwanca kin en Moses baptem wicaqu.

I. Korinth 12:13

Woniya wanjidan on, unkiye owasin wicatancan wanjidan kta e baptem unqupi, Juda qa Helenes oyate, wowidake un kin, tona tawa ic̣iyapi kin hena koya; qa owasin Woniya wanjidan kin he en wayatke unkiyapi.

I. Korinth 15:29

Wicaṭe cin ecaca piya ikicagapi kte śni hecinhan, tona wicaṭe cin on baptem wicaqupi kin hena taku tokonpi kta he; qa tokeca e wicaṭe cin on baptem wicaqupi he.

I. Korinth 3:16

Wakantanka tipi tawa kin he niyepi, qa Wakantanka Taniya kin onitipi kin he sdonyakiyapi śni he.

I. Korinth 5:6

Iniwinktapi kin he waśte śni. Taku on napoḣyapi kin waniqadan aguyapi ocowasin napoḣya ece e sdonyayapi śni he.

I. Korinth 6:19

Tokeca, nitancanpi kin hena Woniya Wakan Wakantanka nic̣upi, qa niyepi en un kin he tipi tawa kin hee, qa hecen tawa nihdawapi śni e sdonyayapi śni he.

I. Korinth 6:9

Tona owotanna śni un kin hena Wakantanka tokiconze kin tawapi kte śni e sdonyayapi śni he. Ic̣ihnayanpi śni po: wiinaḣmanpi, qa wakagapi ohodapi sa, qa wawiciḣaḣapi econpi sa, qa winyan ic̣idapi kin, qa iwicahu sa.

I. Korinth 9:13

Tona tipi wakan kin en kicanyanpi kin hena tipi wakan kin etanhan nipi ece sdonyayapi śni he; qa tona wahna wośnapi kin ekta oḣanyanpi kin hena wośnapi kin etanhan wotapi ece.

I. Korinth 9:24

He de sdonyayapi śni he; Tona oinyanke kin en inyankapi kin hena owasin inyankapi, tuka wicaśta wanjidan oqipe kin yekiya ece: Niś yeyakiyapi kta e iyecen inyanka po.

II. Korinth 13:5

Niś niyepi ihdukcan po, wacinyanpi kin en yaunpi hecinhan; tanyan wihduta po. Eḣpeniyanpi śni kinhan, Jesus Messiya niyepi kin mahen un, he sdonyakiyapi śni he.

Galatia 3:27

Tona Messiya caje on baptem nic̣upi kin hena Messiya kodakapi.

Jakob 4:4

Wiinayaḣmanpi qa wawiciḣaḣapi ecanonpi kin, wicoicage kin de waśtedapi kin he Wakantanka śicedaka e sdonyayapi śni he. Heon tuwe wicoicage kin de wotakuye wacin kinhan, he Wakantanka tokaya.

I. Inyan 3:21

Qa wiyacinpi kin he iyececa, baptem nakaha niunyanpi ece; wicaceḣpi aśape cin yutokan iyeyapi kin hee śni, tuka Wakantanka ekta wawiyukcan waśte waayupte cin hee, Jesus Messiya ihduekicetu kin heon etanhan;