Roma 5:2 - Dakota Wowapi Wakan Kin

² Qa he iye eciyatanhan en unhiyupi, wowaonśida en ahan naunjinpi kin en, wacinyanpi kin on etanhan, qa Wakantanka towitan kin ape unkiyuśkinpi ece.

Roma 5:2 ပူးပေါင်းရင်းမြစ်များ

Mattheos 25:21

Unkan yuhe cin heciya; Han, wowidake waśte qa wacinyepica; taku tonana on wacinyepica yaun, taku ota yuheciciye kta; niyuha towiyuśkin kin en opa wo.

Johannes 10:7

Hehan ake Jesus hewicakiya; Wowicake, wowicake on heciciyapi, Taḣinca tipi tiyopa kin he miye ce.

Johannes 10:9

Tiyopa kin he miye; tuwe miye eciyatanhan ti iyoḣpaye cinhan ni kta; qa mahen ye c̣a tankata inanpa eca wato tanyan iyeye kta.

Johannes 14:6

Unkan Jesus heciya; Canku, qa wowicake, wiconi ko he miye; tuwedan Ateyapi kin en u śni, miye eciyatanhan ecedan en u ece.

Johannes 5:24

Wowicake, wowicake eciyatanhan heciciyapi, Tuwe mioie kin anagoptan, qa u maśi kin he awacin kinhan, owihanke wanin wiconi yuhe kta; qa woyaco en i kte śni, wanna wiconṭe etanhan wiconi ekta e i.

Olianyanpi kin 14:27

Hen hdipi qa okodakiciye kin mniciye wicaśipi, qa Wakantanka token econ wicakiye cin hena owasin owicakiyakapi, qa wacinyanpi tiyopa wan Ikcewicaśta kin wicakiyuḣdoke cin he nakun.

Roma 11:20

Han, hecetu; wicadapi śni kin heon hena yuksapi, qa niye wacinyanpi on ecen nayajin ece. Waḣanic̣ida śni qa kokipa wo.

Roma 12:12

Woape en wiyuśkinpi; kakijapi kin en icunhan wacintankapi; qa wocekiye eya yukan po.

Roma 14:4

Nituwe he wicaśta tokeca taokiye kin daco he; he iye yu he cin en najin kta qa iś hinhpaye kta. Qa he ecen najin kiyapi kta, Wakantanka najin kiye kta okihi.

Roma 15:13

Hehan woape Wakantanka kin he wicayadapi kin eciyatanhan wowiyuśkin owasin wookiye ko on imna niyanpi nunwe, Woniya Wakan towasake kin eciyatanhan woape en nina inicagapi kte cin heon.

Roma 2:7

Tona wicoḣan waśte en ape yukanpi, qa wowitan, woyuonihan, qa ṭepica śni kin akitapi ece kin hena wiconi owihanke wanice kta:

Roma 3:23

Owasin ḣin waḣtanipi, qa Wakantanka towitan kin iyohi śni unpi.

Roma 5:5

Qa woape kin he iśten wicaye śni, Woniya Wakan unqupi kin he eciyatanhan, Wakantanka towaśte uncantepi kin en unkokicicaśtanpi kin he etanhan.

Roma 8:1

Heon etanhan, nakaha tona Jesus Messiya en un kin, hena wiconṭe iwicayacopi wanin unpi, wicaceḣpi eciyatanhan manipi śni tuka Woniya kin eciyatanhan.

Roma 8:24

Woape kin on niunyanpi; tuka woape wanyakapi kin he woape kin ee śni, tuwe taku wanyake cinhan tokeca e nahaḣin ape yanka he.

I. Korinth 15:1

Tuka, mihunkawanji, wotanin waśte unkoniciyakapi, qa iyacupi qon en ayahanpi kin he sdonye ciciyapi.

II. Korinth 3:18

Tuka unkiye owasin itohnake kin en takudan unkaḣpapi śni, ihdiyomdasin en wawanyakapi kin iyecen Itancan towitan kin wauunyakapi, qa iye ouncage kin iyecen unkagapi, wowitan sanpa wowitan kin en, Itancan Taniya kin on etanhan iyececa.

II. Korinth 4:17

Unkakijapi cistinna, qa ptecedan kin he wowitan ota ḣinca, ota ḣinca, owihanke wanin tke ḣinca unkicagapi kta.

Ephesos 2:18

He eciyatanhan Woniya wanjidan on, napin Ateunyanpi kin ekta kiyedan ipi kin he unhapi.

Ephesos 3:12

Iye wacinunyanpi kin eciyatanhan, kokipeśniyan ekta unkipi, qa waditagya unkiapi ece.

Ephesos 6:13

Heon etanhan Wakantanka tawipe kin ocowasin icu po, hecen anpetu śice cin en najin oyakihipi kta, qa taku owasin hduśtan nayajinpi kta.

II. Thessalonike 2:16

Qa Jesus Messiya Itancan unkiyapi kin hee, qa Wakantanka Ateunyanpi kin iye waśte undakapi, qa wicimdeza owihanke wanice cin wowaonśida eciyatanhan woape waśte ko unqupi kin,

Hebrew 3:6

Tuka Messiya, iye ti kin ocowasin ohna, Cinhintkuyapi kin iyececa; tipi tawa kin he unkiyepi, waditagya wounhdakapi, qa wowiyuskinyan wacinunyanpi kin he owihanketa ṭinsa unhapi kinhan.

Hebrew 6:18

Heon taku nom yutokecapica śni, en Wakantanka itonśni okihipica śni kin hena taku kin on etanhan, tona woape unkitokam ehdepi kin en onaunpapi kin wicakicanpte wan waśaka unhapi kta.

I. Inyan 3:18

Messiya iś eya wancadan woaḣtani on kakija, owotanna un kin owotanpidan śni kin hena on, Wakantanka ekta unkaupi kta e heon, wicaceḣpi kic̣un ktepi, tuka Woniya kin on kiniyanpi.

Wayuotanin 21:11

Wakantanka wowitan tawa kin yuha, qa wiyatpa kin he inyan teḣika iyececa, inyan wan acaḣśdaya iyececa:

Wayuotanin 21:23

Qa otonwe kin he anpetu wi, hanyetu wi ko en iyoyanpapi kta cinpi śni; Wakantanka wowitan tawa kin iyoyanpa, qa Amnos kin he petijanjan kin hee.

Wayuotanin 21:3

Unkan maḣpiya kin eciyatanhan wicaho wan tanka nawaḣon, kaken eya, Wanyaka wo, Wakantanka wakeya tawa kin wicaśta kin ehna han, qa iye hena om ti kta, qa hena e oyate tawawicaye kta, qa Wakantanka ḣince cin hena om un kta, qa Wakantanka tawapi kta.

Wayuotanin 3:21

Tuwe ohiye cinhan he oiyotanke mitawa kin akan mici iyotanke wakiye kta, miye ohiwaye c̣a Ate oiyotanke tawa kin akan weci imdotanke cin he iyecen.