Roma 4:3 - Dakota Wowapi Wakan Kin

³ Wowapi wakan kin token eya he. Abraham Wakantanka wacinyan, qa woowotanna kiciyawapi qon.

Roma 4:3 ပူးပေါင်းရင်းမြစ်များ

Mattheos 20:9

Unkan tona oape wanjidan ḣtanipi kin hena hipi, qa otoiyohi kaśpapidan wanji icupi.

Markos 12:10

Wowapi kin de dawapi śni he; Ticagapi inyan wan eḣpeyapi qon he oise en pa icaga ce.

Roma 10:11

Wowapi wakan kin he he ya, Tuwe he wacinye cinhan, he wiśtece kte śni ce.

Roma 11:2

Wakantanka taoyate kin tona otokaheya tanhan sdonwicakiye ciqon hena eḣpewicakiye śni. Wowapi wakan Elijah on token eye cin sdonyayapi śni he; Wakantanka cekiye c̣a, Israel oyate kin cajeyata qa heya;

Roma 4:11

Qa nahanḣin bakiḣdayapi śni un kin en icunhan, bakiḣdayapi kin he wowapetogten, wowacinye woowotanna ipuspe kin hee icu; hecen tona wacinyanpi kin owasin, bawicaḣdayapi śni eśta, he Ateyapi kta, qa nakun hena e wicoowotanna wicakiciyawapi kta.

Roma 4:5

Tuka tuwe oḣanye śni, qa tuwe tona waḣtanipi kin wicayaowotanna kin he wacinye cinhan, wacinyanpi kin he wicoowotanna kiciyawapi ece.

Roma 4:9

Unkan wowaśte kin de bakiḣdayapi kin ecedan en au he; qa iś bakiḣdayapi śni kin nakun en au he. Wacinyanpi kin he Abraham woowotanna on kiciyawapi ce, unkeyapi qon.

Roma 9:17

Wowapi wakan kin he Pharo heciya; He dee on etanhan icaḣciya, niye en mitowaśake kin wahduotanin kta, qa maka owancaya micaje kin oyakapi kte cin heon.

Jakob 2:23

Unkan hecen wowapi kin, Abraham Wakantanka wicada, unkan he woowotanna kiciyawapi, qa he Wakantanka takicuwa eciyapi ce, eyapi qon he yuecetupi.

Jakob 4:5

Wowapi wakan kin, Woniya en unyakonpi kin he winawizipi cantiheya ce, ituya eya idukcanpi he.