Roma 4:1 - Dakota Wowapi Wakan Kin

¹ Heon, Abraham ate unyanpi kin, wicaceḣpi eciyatanhan taku iyeye ciqon tukte e he, unkeyapi kta he.

Roma 4:1 ပူးပေါင်းရင်းမြစ်များ

Mattheos 3:9

Qa, Abraham ateunyanpi ce, eyeciyapi kta awacinpi śni po; miye heciciyapi, Inyan kin dena etanhan Wakantanka Abraham cinca kicage kta okihi.

Lukas 3:8

Hecen iyopeiciyapi iyececa waskuyeca icaḣya po, qa, Abraham ateunyanpi ce, cante mahen ecinpi śni po; miye heciciyapi; Wakantanka inyan kin dena etanhan Abraham cinca kicage kta okihi.

Johannes 8:33

Hehan ayuptapi; Abraham towicoun kin unketanhanpi, qa tohinni tuwedan wowidag unyanpi śni; hecen, Niciyuśkapi kta ce, ehe cin he token heha he.

Johannes 8:53

Abraham ateunyanpi kin hee kaeś ṭe cin, niye e iniyotan he. Wokcanpi kin nakun heepi kaeś ṭapi; qa niye nituwe e nicic̣aga he, eyapi.

Johannes 8:56

Abraham ateyayapi qȯn mitaanpetu kin wanyake kta cin ḣinca; unkan he wanyake c̣a iyuśkin ce, eya.

Olianyanpi kin 13:26

Wicaśta hunkawanjin ciyapi kin, Abraham cinca wicaye cin, qa tona Wakantanka kokipapi kin, nis niyepi wiconi oie kin de oniciyakapi.

Roma 1:3

Iye Cinhintku Jesus Messiya Itancan unyanpi kin heon etanhan; he qe wicaceḣpi eciyatanhan Dawid cinca kin hetanhan icaga;

Roma 3:5

Tuka waunḣtanipi kin hena Wakantanka toowotanna yutanin kinhan token unkeyapi kta he; Wakantanka kakiświcaye cin he owotanna śni he; (wicaśta akantu kin iyecen iwaa;)

Roma 4:16

Heon etanhan, he wacinyanpi kin on, wowaonśida eciyatanhan kte cin heon, qa wahoyapi qon cincapi kin owasin en wicakiciyusutapi kta, tona woope eciy atanhan un kin heceedan śni, tuka tona Abraham, unkiye owasin ateunyanpi kin, wacinye ciqon en opapi kin hena koya.

Roma 6:1

Hecen taku unkeyapi kta he. Wowaonśida yuotapi kte cin heon wooḣtani en unkitanpi kta he.

Roma 7:7

Hecece cinhan token unkeyapi kta he: Woope kin he woaḣtani kin ee he: Hiya, hecetu śni; woope eciyatanhan śni unkanś, woaḣtani sdonwakiye kte śni tuka qon. Woope kin, Tokan tawa yacin kte śni ce, eye śni unkanś, wocantiheye śice cin sdonwaye kte śni tuka.

Roma 8:31

Heon etanhan hena taku kin en taku unkeyapi kta he. Wakantanka unkicipi un kinhan, tuwe kaśeunyanpi kta he.

II. Korinth 11:22

Hena Hebrew wicaśta kin hecapi he. Miś eya hemaca. Hena Israel etanhanpi he. Miś eya. Hena Abraham cinca he. Miś eya.

Hebrew 12:9

Unkan, wicaceḣpi eciyatanhan atewicunyanpi kin hena iyopeunkiyapi ece, unkan wicunhduonihanpi hecinhan, sam iyeya wicanagi Ateyapi kin he anaungoptanpi kte c̣a on unnipi kta.