Roma 3:4 - Dakota Wowapi Wakan Kin

⁴ Hiya, hecetu śni; Wakantanka wowicake kta, qa wicaśta otoiyohi iton kte śni; wowapi en kagapi qon iyececa; Nioie kin on nindaowotanna kta, qa niyacopi kin en ohiyaye kta ce.

Roma 3:4 ပူးပေါင်းရင်းမြစ်များ

Mattheos 11:19

Wicaśta Cinhintku kin wota qa wayatkan hi; unkan heyapi; Iho, wicaśta wan wote sa qa miniśa yatkan ece, wamnayanpi qa waḣtanipi sa takodawicaya ece. Tuka woksape iye cinca kin on owotanna oyakapi ece.

Lukas 20:16

Ito ku kta, qa maḣkicanyanpi kin hena owinankewicaye, c̣a hastanhanka iyuwi maga kin he tokan wicaqu kta ce, eya. Unkan he naḣonpi qehan, Hecetu śni ce, eyapi.

Johannes 3:33

Taku yaotanin kin he tuwe wicada kinhan Wakantanka wicake cin he yutanin ece.

Roma 11:1

Heon hepa, Wakantanka taoyate kin eḣpewicakiya he. Hiya hecetu śni. Israel wica śta kin hemaca, Abraham cinca, qa Benjamin wicoun kin hematanhan.

Roma 11:11

Heon hepe; Hinḣpayapi kta on ḣicahanpi he. Hiya, hecetu śni; tuka ḣicahanpi kin on etanhan Ikcewicaśta kin wiconi iyowicahi, hena iś eya iyowicapaśtakapi kta e heon.

Roma 3:31

Hecen wacinyanpi kin on woope kin ecetu śni unyanpi he. Hiya, hecetu śni, tuka woope kin unyusutapi.

Roma 6:15

Hecen tokeca kta; woope kin ihukuya unyakonpi śni, tuka wowaonśida ihukuya unyakonpi kin heon etanhan waunḣtanipi kta he. Hiya hecetu śni.

Roma 6:2

Hiya hecetu śni. Tona woaḣtani ekta unṭapi kin, token he en nakun unnipi kta he.

Roma 7:13

Hecen taku waśte kin he wiconṭe imicicaga he. Hiya hecetu śni. Tuka woaḣtani kin he woaḣtani hee e tanin kta, heon taku waśte on etanhan wiconṭe icaḣ miciciya; hecen woahope kin eciyatanhan woaḣtani kin iyotan śice kta.

Roma 7:7

Hecece cinhan token unkeyapi kta he: Woope kin he woaḣtani kin ee he: Hiya, hecetu śni; woope eciyatanhan śni unkanś, woaḣtani sdonwakiye kte śni tuka qon. Woope kin, Tokan tawa yacin kte śni ce, eye śni unkanś, wocantiheye śice cin sdonwaye kte śni tuka.

Roma 9:14

Hecen token unkeyapi kta he. Wakantanka owotanna śni econ he. Hiya, hecetu śni.

I. Korinth 6:15

Nitancanpi kin hena Messiya huha kin ee sdonyayapi śni he. Hecen Messiya huha kin iwacu, qa witkowinna wan huha wakiye kta he. Hiya, hecetu śni.

II. Korinth 1:18

Wakantanka wacinyepica, wicoie unkeniciyapi qon he, han qa hiya, hee śni.

Galatia 2:17

Tuka Messiya on unyaowotanpi kta unkakitapi kin he icunhan, waḣtanipi sa heuncapi hecinhan, heon Messiya woaḣtani wowidake kin heca he. Hiya hecetu śni.

Galatia 2:21

Wakantanka towaonśida kin mdujuju śni; woope kin eciyatanhan wicoowotanna u kinnan, hehan Messiya ituya ṭa.

Galatia 6:14

Tuka takudan on imawinkta śni nunwe, Jesus Messiya Itancan unkiyapi ean susbeca tawa kin hecedan on, he on miye ekta wicoicage kin icipaweḣ okatanpi, qa wicoicage kin ekta icipaweḣ omakatanpi.

I. Timotheos 3:16

Unkan he taku aiepica śni, Wakantanka awacinpi kin he wowiyukcan tanka; Wakan tanka wicaceḣpi en ihdutanin qon, Woniya kin on yaowotanna kagapi, maḣpiya ohnihde kin wanyakapi, Ikcewicaśta kin ekta oyakapi, wicoicage kin en wicadapi, qa wowitan kin ekta wankan ehdakupi.

Titos 1:2

Qa owihanke wanin wiconi opapi kte cin, Wakantanka itonśni okitpani, in aka kagapi kin itokam iwahounyanpi qon he on;

Hebrew 6:18

Heon taku nom yutokecapica śni, en Wakantanka itonśni okihipica śni kin hena taku kin on etanhan, tona woape unkitokam ehdepi kin en onaunpapi kin wicakicanpte wan waśaka unhapi kta.

I. Johannes 5:10

Tuwe Wakantanka Cinhintku kin wicada kin he wayaotanin iye atayedan yuha un. Tuwe Wakantanka wicada śni kin he itonśni daka ece; wayaotanin kin on Wakantanka iye Cinhintku hdaotanin qon he wicada śni kin heon.

I. Johannes 5:20

Unkan Wakantanka Cinhintku kin he hi, qa wicoksape unqupi, on tuwe wicake cin iyeunkiyapi kta e sdonunyanpi; unkan tuwe wicake cin he en unyakonpi, iye Cinhintku Jesus Messiya hee. Wowicake Wakantanka qa owihanke wanin wiconi kin hee.

Wayuotanin 3:7

Unkan Philadelphia ekta okodakiciye ohnihde yuhapi kin he ecen wowapi kicaga wo; Tuwe wakan qa wicaka un, qa Dawid tiyopa iyuḣdoke kin yuhe c̣a, yuḣdoka eca tuwedan ecen iyeye śni, qa ecen icu eca tuwedan yuḣdoke śni ece kin hee hecen eya;