Roma 3:2 - Dakota Wowapi Wakan Kin

² Taku owasin on iyotan, tuka tokaheya Wakantanka oie kin wicaqupi qon he.

Roma 3:2 ပူးပေါင်းရင်းမြစ်များ

Johannes 5:39

Wowapi wakan kin en akita po; heciyatanhan wiconi owihanke wanica duhapi kecannipi; unkan omayake cin hena ee.

Olianyanpi kin 7:38

Qa ḣewoskan makoce kin ekta okodakiciye kin kici un qon hee, Sina paha kin etu, maḣpiya ohnihde kin okiye c̣a nakun hunkake wicunyanpi kin; qa be wiconi oie kin unqupi kta e icu.

Roma 1:2

Ehanna wowapi wakan kin en wicaśta wokcan oyakapi qon hee;

Roma 2:18

Qa iye tawacin kin sdonyaya, qa taku tona waśte kin idukcan, woope kin tanyan onnispe nakaeś;

Roma 3:1

Hecen Juda wicaśta kin token iyotan un he, qa bakiḣdayapi kin he taku okihi he.

Roma 3:3

Qa wanjikji wicadapi śni eśta, hecen tokeca kta he. Hena wicadapi śni kin he Wakantanka wacinyanpi kin ecetu śni ye kta he.

Roma 9:4

Hena Israel wicaśta kin hecapi, qa atayedan cinkśi wicaye cin hena ecpi, qa wowitan, qa wicotakuye, qa woope wicaqupi kin, qa wawokiyapi kin, qa wahoyapi kin hena tawapi.

I. Korinth 9:17

Qa he iyokipiya ecamon kinhan on iyunwin mduhe kta, tuka iyomakipi śni esta taku econmakiyapi wan maqupi.

II. Korinth 5:19

Hecen Wakantanka Messiya on, wicoicage kin, iye kici, okiciciye wicaye c̣a, waḣtanipi kin wicakiciyawa śni; qa wookiye wicoie kin he yuhe unkiyapi.

Galatia 2:7

Tuka hececa eśta, tohan bakiḣdayapi śni wotanin waśte kin he maqupi e wanyakapi qehan, bakiḣdayapi wotanin waśte Inyan qupi qon he iyececa;

I. Timotheos 6:20

Timotheos, taku yuheciciye cin hena tanyan yuha wo, qa ikcekceya ecinśniyan wakinicapi kin he nakicipa wo, wosdonye woitonśni akinicapi kin he nakun.

Hebrew 5:12

Hinnakaha waonspekiya henicapi kta, tuka nahaḣin tuwe Wakantanka oie oowa tokaheya kin hena akta onspeniciyapi kta e iyenihantupi, qa tona asanpi ece cinpi, qa waconica yun okihipi śni kin hee en iyoniptapi.

I. Inyan 4:11

Tuwe ie cinhan Wakantanka oie kin iyecece kta; qa tuwe waokiya hecinhan wookihi Wakantanka qu kin he eciyatanhan kte; hecen taku owasin on Wakantanka yatanpi kta, Jesus Messiya eciyatanhan; iye qe woyatan qa wookihi owihanke wanin kiciun nunwe. Amen.

Wayuotanin 19:10

Unkan hehan he siha hdepi kin en makata eḣpemic̣iye c̣a ohowada kta; tuka iye hemakiya, Ihnuhan hecanon kin, miś cici ookiye waun, qa nihunkawanji Jesus yaotanin yuhapi kin hemaca; Wakantanka ohoda wo. Jesus yaotanin kin he wokcanpi woniya kin hee.

Wayuotanin 22:6

Hehan hecen emakiya, Wicoie kin dena wacinyepica qa wicakapi. Qa Itancan Wakantanka wicaśta wokcan wakan tawapi kin hee, taku ecadan u kte cin hena taokiye kin owicakiyake kta e on ohnihde tawa kin u śi.