Roma 2:9 - Dakota Wowapi Wakan Kin

⁹ Wośitkihda, qa wokakije, wicaśta otoiyohi taku śica econ kin wicanagi kin kiciun kta, Juda wicaśta kin he tokaheya, qa hehan Helenes hee kta.

Roma 2:9 ပူးပေါင်းရင်းမြစ်များ

Mattheos 16:26

Wicaśta wan maka kin ecowasin kamna, qa nagi kin toki eḣpeye cinhan he taku okihi kta he; qa wicaśta nagi kin taku iyepekiye kta he.

Lukas 24:47

Qa hecen iye caje kin on ihduecetupi qa woaḣtani kajujupi kin, oyate kin owasin en oyakapi kta, Jerusalem en tokaheya kta.

Olianyanpi kin 11:18

Hena oie kin naḣonpi unkan inina yukanpi qa Wakantanka yatanpi qa heyapi; Awicakehan Ikcewicaśta on nipi kta e ihduecetupi kin Wakantanka wicaqu ce.

Olianyanpi kin 13:26

Wicaśta hunkawanjin ciyapi kin, Abraham cinca wicaye cin, qa tona Wakantanka kokipapi kin, nis niyepi wiconi oie kin de oniciyakapi.

Olianyanpi kin 20:21

Wakantanka ekta ihduecetupi, qa Jesus Messiya Itancan unkiyapi wacinyanpi kin hena, Juda Helenes oyate ko en mdaotanin ece.

Olianyanpi kin 26:20

Tuka tokaheya Damaskos en yakonpi, qa Jerusalem, qa Juda makoce kin owancaya, qa nakun Ikcewicaśta kin, ihduecetupi, qa Wakantanka ekta ihduhomnipi kta, qa ihduecetupi wicoḣan kin econpi kta hena hecen owicawakiyaka ece.

Olianyanpi kin 28:17

Unkan anpetu yamni iyohakam, Palos Juda wicaśta tokapapi kin wicakico. Qa en mniciyapi hehan hewicakiyo, Wicaśta hunkawanjinciyapi, atewicunyanpi oyate qa wicoḣan kin en taku śica takudan ecamon śni eśta, Jerusalem ekta makaśkapi ecen Roma oyate napepi kin en iyemayanpi.

Olianyanpi kin 28:28

Hecen on he sdonya po, Wakantanka wiconi tawa kin Ikcewicaśta kin wicaqupi, unkan hena iś naḣonpi kta ce.

Olianyanpi kin 3:26

Wakantanka iye Cinhintku Jesus najinkiye c̣a niyawśśtepi kta e on niyepi tokaheya en u śi, otoiyohi wayaḣtanipi kin etanhan ihduhomni niyanpi kta e heon.

Roma 1:16

Messiya tawootanin waśte kin on imaśtece śni; he niwicaye kte cin on Wakantanka to waśake kin hee, tona wicadapi kin hena en, Juda wicaśta kin he tokaheya, qa hehan Helenes wicaśta kin hena.

Roma 10:12

Juda qa Helenes oyate kin kici ocikpanipi wanica. Tuwe owasin en Itancan kin he tona hoyekiyapi kin hena owasin en wijinya un.

Roma 2:10

Tuka wowitan, woyuonihan, wookiye ko, tona waśteya oḣanye cin hena kiciun kta, Juda wicaśta kin he tokaheya, qa hehan Helenes hee kta.

Roma 8:35

Tuwe Messiya towaśte kin etanhan unyuśpapi kta he. Wicokakije, wośitkihda, wicokicize, wicaakiḣan, tancowicakadan, wokokipe, qa maza sagye okihi kta he.

Roma 9:24

He wicakico kin hena unkiyepi, Juda oyate etanhanpi kin hecedan śni, tuka nakun Ikcewicaśta etanhanpi.

Galatia 3:28

He en Juda qa Helenes wicaśta ko wanica; wowidake un tawaic̣iya ko wanica; wica winyan ko wanica; tuka Jesus Messiya ekta owasin okonniwanjipidan.

Kolosse 3:11

He en, Helenes, qa Juda wicaśta wanica; bakiḣdayapi qa bakiḣdayapi śni kin wanica; Ikcewicaśta qa Skuthes wicaśta kin wanica; wowidake un kin heca qa tawaiciyapi kin wanica, tuka Messiya he ocowasin, qa owasin en un.

II. Thessalonike 1:6

Tona kakiśniyanpi kin hena itkom Wakantanka wokakije wicaqu kte cin he owotanna.

I. Inyan 4:17

Wakantanka tiyohnaka tawa kin wicayukcanpi kte cin wanna iyehantu. Unkan he unkiyepi etanhan aye cinhan, tona Wakantanka tawootanin waśte wicadapi śni kin hena token owihankepi kta he.