Roma 2:8 - Dakota Wowapi Wakan Kin

⁸ Tuka tona wakinin unpi, qa wowicake kin anagoptanpi śni, tuka woaḣtani awacinpi kin hena, wosihda, qa wocanniye,

Roma 2:8 ပူးပေါင်းရင်းမြစ်များ

Roma 1:18

Maḣpiya kin etanhan Wakantanka tocanniye kin yuotaninpi, woaktaśni owasin qa wicaśta woaḣtani econpi kin en, tona woaḣtani on wowicake kin anaptapi kin hena en.

Roma 10:16

Tuka owasin wotanin waśte kin anagoptanpi śni. Isaya heye ciqon; Itancan, tuwe unkoyakapi kin wicada he.

Roma 15:18

Wicoie wicoḣan ko on Ikcewicaśta anagoptanpi kta e, miye eciyatanhan śni, Messiya taku econ qon hena cajemdate kte śni:

Roma 6:17

Tuka Wakantanka wopida kiciun nunwe, woaḣtani inidnkapi tuka qon; tuka woonspe ecedan en yeniyanpi qon he cante eciyatanhan oyapapi.

Roma 9:22

Hecen Wakantanka wocanniye kin hdutanin kta cin, qa towaśake kin sdonye unkiyapi kta e on wocanniye wakśica wicotakuni śni kicagapi qon hena wawacinkta yuza tanka on wicakuwa kinhan;

I. Korinth 11:16

Tuka tuwe waakinin un kinhan, wicoḣan kin de iyececa takudan unhapi śni, qa nakun Wakantanka taokodakiciye kin.

II. Korinth 12:20

Ekta ciupi kinhan, niyepi token wacin kin hececa iyeciyapi kte śni, qa miye nakun token yacinpi śni kin hecen iyemayayapi kta kowakipa. Wakinicapi kin, winawizipi, canniyekici yapi, wicokicize, waaiapi, waajijipi, waḣanicidapi qa owodutaton kin henakiya en un kta kowakipa.

Galatia 5:20

Wakagapi kin ohodapi, wapiyapi, śice kicidapi, wakinicapi, wawihnupi, wacantahdepi, wicokicize, wawakipajinpi, yuomdecapi,

Philippi 1:17

Qa unmapi kin iś waśtekidapi kin on etanhan, wotanin waśte mdusuta kta e on emahdepi kin sdonyapi.

Philippi 2:3

Waakinicapi qa ihdatanpi kin on takudan ecanonpi kte śni, tuka waḣbayedan yaunpi, qa otoiyohi niye isanpa tokan waśte yecidakapi kta.

II. Thessalonike 1:8

Peta ide kin en, tona Wakantanka sdonyapi śni, qa Jesus Messiya Itancan unkiyapi tawotanin waśte anagoptanpi śni kin hena wośitkihda wicaqu kta;

Titos 3:9

Tuka witkoya wiwangapi, qa wicoicage oyakapi, qa wawakipajinpi, qa woope akinicapi kin hena okamnayan ya wo; hena takudan okihi śni qa ecinśniyan un.

Hebrew 10:27

Tuka woyaco inihanyan apepi kin he, qa wocanniye ide kin, tona tokayapi kin hena ihangwicaye kta.

Hebrew 11:8

Wacinyanpi kin eciyatanhan Abraham, makoce wan yuhe kte cin he ekta ye śipi qehan, anagoptan, qa tokiya ye kte cin tanyan sdonkiye śni iyaya.

Hebrew 5:9

Qa iye yuśtanpi kin heon tona anagoptanpi kin owasin owihanke wanin wiconi kin wicakicaga.

Jakob 3:14

Tuka winawizipi pa ḣinca, qa wakinicapi nicantepi kin en duhapi kinhan, ihnuhan widuśkinpi qa wowicake kin on iyatonpi śni kin.

Jakob 3:16

Tukten winawizipi qa wakinicapi yuke cinhan, wicotoketu tanin śni qa wicoḣan śica owasin hen un ece.

I. Inyan 3:1

He iyecen, winoḣincapi kin, nihihnapi wicihukun un po; hecen tona wicoie kin anagoptanpi śni kin hena, wicoie codan eśta, iye tawicupi oḣanpi kin on iyakapewicayapi kta;

I. Inyan 4:17

Wakantanka tiyohnaka tawa kin wicayukcanpi kte cin wanna iyehantu. Unkan he unkiyepi etanhan aye cinhan, tona Wakantanka tawootanin waśte wicadapi śni kin hena token owihankepi kta he.

Wayuotanin 14:10

He Wakantanka wocantiyahde miniśa tawa kin wocanteptanye miniyatke tawa kin en okaśtan kin hetanhan yatke kta, qa maḣpiya ohnihde owotanna un kin hena wicitokam, qa Amnos kin itokam, peta, caḣdi ko en kakiśyapi kta.

Wayuotanin 16:19

Qa otonwe tanka kin he yamni kiyuśpapi; qa otonwe Ikcewicaśta tawapi kin hena hinḣpayapi. Qa Babulon tanka kin he Wakantanka itokam kiksuyapi, wocanniye ohitike cin miniśa wiyatke kin qu kta heon.