Roma 2:4 - Dakota Wowapi Wakan Kin

⁴ Qa iś iye towaśte wowijice kin ayakta śni he, wacintanka qa wawacinkta yuza tanka koya; qa Wakantanka towaśte kin nihduecetu kta aniye cin hee e sdonyaye śni he.

Roma 2:4 ပူးပေါင်းရင်းမြစ်များ

Roma 10:12

Juda qa Helenes oyate kin kici ocikpanipi wanica. Tuwe owasin en Itancan kin he tona hoyekiyapi kin hena owasin en wijinya un.

Roma 11:22

Wakantanka towaonśida tocantiyahde ko wanyaka po; tona hinḣpayapi qon hena en wocantiyahde, qa niye en wowaonśida kin, wowaonśida kin he en nayajin kinhan, tuka hecanon śni kinhan niś eya nicaksapi kta.

Roma 11:33

Wakantanka toksape qa wosdonye tawa wowijica ośbe kin he tanka ḣinca. Woyaco tawa kin okaḣniḣpica śni, qa tacanku kin iyeyepica śni.

Roma 3:25

He Wakantanka toka qehan ehde, wokajuju kta, iye we kin wacinyanpi kin eciyatanhan, iye toowotanna hduotanin kte, woaḣtani ehanna econpi qon hena kajujupi kin on etanhan.

Roma 6:1

Hecen taku unkeyapi kta he. Wowaonśida yuotapi kte cin heon wooḣtani en unkitanpi kta he.

Roma 6:15

Hecen tokeca kta; woope kin ihukuya unyakonpi śni, tuka wowaonśida ihukuya unyakonpi kin heon etanhan waunḣtanipi kta he. Hiya hecetu śni.

II. Korinth 8:2

Hena wokakije tanka en nina iyuśkinpi, qa iyotan waḣpanica unpi kin he etanhan taku ota iyokipiya wicaqupi.

Ephesos 1:18

Nitawacinpi iśta kin iyoyam niyanpi kta, hecen nicopi wowacinye kin he taku kin e sdonyayapi kta, qa tona owotanna un kin taku tawapi kte cin wowitan wijica kin he taku;

Ephesos 1:7

He on wopekitonpi kin unhapi, iye we kin on, woaḣtani kajujupi kin hee, iye towaonśida tanka kin eciyatanhan:

Ephesos 2:4

Tuka Wakantanka wowaonśida kin on wijica kin he towaśtedake tanka kin on waśte undakapi kin heon;

Ephesos 2:7

Hecen wiconi u kte cin en, Jesus Messiya on cantounhnakapi kin on, towaonśida woyuha wopteca śni kin hduotanin kta.

Ephesos 3:16

Hecen iye towitan woyuha kin eciyatanhan taku nic̣upi kta, iye Taniya kin eciyatanhan, wowadake on wicaśta mahen tanhan waśagniyanpi kta.

Ephesos 3:8

Miye tona owotanna un kin owasin en iyotan macistinna, tuka wowaonśida kin de maqupi, Ikcewicaśta kin ekta Messiya tawoyuha okaḣniḣpica śni kin he omdake kte cin hee:

Philippi 4:19

Taku inicakijapi kin owasin Wakantanka mitawa nic̣upi kta, iye woyuha wowitan kin en un kin hetanhan, Jesus Messiya eciyatanhan.

Kolosse 1:27

Ikcewicaśta kin ekta taku otanin śni kin de wowitan woyuha kin tinskokeca kin, he Wakantanka hena sdonye wicakiye kta, he niyepi kin en Messiya wowitan woape kin hee.

Kolosse 2:2

Hecen iye cantepi kin kicanptapi kta, qa wac̣antkiyapi kin on kicicazontapi, qa wosdonye tanyan okaḣnigapi kta wowijice kin owasin on, qa Wakantanka towiyukcan sdonyapi kte cin on, Ateyapi qa Messiya tawa kin hee.

I. Timotheos 1:16

Tuka heon etanhan onśimadapi, hecen miye en tokaheya Jesus Messiya wawacinkta yuza tanka owasin hdutanin kta, wicani kta e on wicadapi kte cin hena waonspewicawakiye kta e heon.

I. Timotheos 6:17

Tona maka kin den watonpike cin wahokonwicakiya wo, watankaic̣idapi kte śni, qa woyuha atakuni śni aya ece kin wacinyanpi kte śni, tuka Wakantanka ni un taku iyounkipipi kta e iyakic̣uya unqupi kin hee;

I. Inyan 3:20

Hena e ehanna waanagoptanpi śni, Wakantanka wawacinkta yuza tanka tehan awicape, Nowa taanpetu kin en, wita wata kagapi kin icunhan, he ohna tonana, wicanagi śahdoganna mini on nipi.

II. Inyan 1:11

Qa nakun heon Jesus Messiya Itancan qa Wanikiya unkitawapi tokiconze owihanke wanice cin en yaipi kte cin wijinya nic̣upi kta.

II. Inyan 3:15

Qa Itancan wawacinkta yuza tanka kin he wiconi kecankin po; Palos, hunkawaniinunyanpi waśte kin, iś eya woksape qupi kin eciyatanhan, wowapi nicagapi kin iyececa;

II. Inyan 3:3

Qa de tokaheya sdonya po, anpetu ehake kin en waiḣaḣapi, iye cantiheyapi śica eciyatanhan manipi kin heca hipi kta;

II. Inyan 3:9

Itancan kin taku wahowicaye cin yutehan śni, wicaśta wanjikśi yutehanpi eyapi kin iyececa; tuka unkiyepi on wawacinkta yuza tanka, tuwedan awihnuniic̣iye kte śni, tuka owasin woiyopeic̣iye en ihdoupi kta cin.

Wayuotanin 2:21

Unkan he wawiciḣaḣapi econ kin on iyopeic̣iye kta e anpetu waqu, tuka iyopeic̣iye śni.

Wayuotanin 3:20

Ito, tiyopa kin en nawajin qa wakabubu ece; tuwe miho kin naḣon, qa tiyopa hduḣdoke cinhan, he ekta tin hibu, qa kici wawate kta, qa iś eya mici wote kta.