Roma 2:3 - Dakota Wowapi Wakan Kin

³ Qa wicaśta kin, niś tona heconpi kin wicadaco, qa iyecen ecanon kinhan, Wakantanka wicayaco kin he nayecipe kta kecanni he.

Roma 2:3 ပူးပေါင်းရင်းမြစ်များ

Mattheos 23:33

Wamduśka henicapi, sinteḣda wicoicage, token wakanśica ti iwicayacopi kin nayecipapi kta he.

Mattheos 26:53

Nakaha Ate cewakiya owakihi śni kecanni he; qa hinnakaha maḣpiya ohnihde wicobe akenonpa sanpa maqu kta tuka.

Lukas 12:14

Unkan heciya; Wicaśta kin, niwankam wiyukcan qa wapamni kte cin tuwe makaga he.

Lukas 22:58

Unkan iecadan wanji tokeca wanyake c̣a heya; Niś eya henitannan ce. Unkan Inyan heya; Wicaśta, hematanhan śni ce.

Lukas 22:60

Unkan Inyan heya; Wicaśta, token ehe cin he sdonwaye śni ce. Unkan hecehnana, iahan icunhan, anpaohotonna kin hoton.

Roma 1:32

Hena Wakantanka toope kin sdonyapi; (tona hecen econpi kin hena wiconṭe iyahdeiqiyapi,) tuka iś iye hecen econpi qa tona heconpi kin hena on iyokipipi ece.

Roma 2:1

Heon etanhan wicaśta kin nituwe kaśta, wadaco kinhan iyaonpepica śni yaun kte śni. Taku on wicaśta tokeca daco kinhan he en niye nihdaco, wadaco tuka niś eya he kici taku okonwanjidan ecanon ece.

Roma 2:2

Tona wicoḣan hecen econpi kin hena Wakantanka wowicake eciyatanhan wicayaco kin he sdonunyanpi.

Roma 9:20

Hiya, wicaśta kin, niś nituwe he, hecen Wakantanka i en hiyeyaya he. Taku kagapi kin he tuwe kage cin, Tokeca hecen mayakaga he, eciye kta he.

I. Thessalonike 5:3

Tohan, Wokiyapi qa tanyan yukanpi ce, eyapi kinhan, hehan ihnuhanna wicotakuni śni en awicau kta, winoḣinca ciaca ton kte cin yazan hinhde cin he iyececa, qa najicapi kte śni.

Hebrew 12:25

Ihnuhan tuwe ie cin anayagoptanpi śni kinhan; tona tuwe maka akan ie ciqon he anagoptanpi śni qon hena najicapi śni hecinhan, sam iyeya unkiye naunjicapi kte śni, tuwe maḣpiya tanhan ie cin ihaunktapi śni kinhan.

Hebrew 2:3

Unkiye wiconi hinsko tanka kin unkaktapi śni kinhan, token naunpapi kta he. He tokaheya Itancan kin oyake c̣a, tona naḣonpi kin hena atayedan unkokiyakapi: