Roma 2:1 - Dakota Wowapi Wakan Kin

¹ Heon etanhan wicaśta kin nituwe kaśta, wadaco kinhan iyaonpepica śni yaun kte śni. Taku on wicaśta tokeca daco kinhan he en niye nihdaco, wadaco tuka niś eya he kici taku okonwanjidan ecanon ece.

Roma 2:1 ပူးပေါင်းရင်းမြစ်များ

Lukas 12:14

Unkan heciya; Wicaśta kin, niwankam wiyukcan qa wapamni kte cin tuwe makaga he.

Lukas 19:22

Unkan heciya; Nii kin eciyatanhan ciyaco kta, ookiye winicaśtaśni; wicaśta maśake cin he sdonyaya; taku ewehnake śni kin he ece emdaku, qa wowaju śni kin hee mduksa ece.

Lukas 6:37

Wayacopi śni po, kinhan niyacopi kte śni: owawicakiyepi śni po, kinhan owaniciyepi kte śni: wicakicicajuju po, kinhan nicicajujupi kta:

Roma 14:22

Wowacinye duha he: Niś niye Wakantanka itokamya hduha wo. Tuwe taku iyowinkiye cin on ihdaco śni kinhan, he yuwaśtepi ece.

Roma 2:2

Tona wicoḣan hecen econpi kin hena Wakantanka wowicake eciyatanhan wicayaco kin he sdonunyanpi.

Roma 2:3

Qa wicaśta kin, niś tona heconpi kin wicadaco, qa iyecen ecanon kinhan, Wakantanka wicayaco kin he nayecipe kta kecanni he.

Roma 3:9

He etanhan tokeca kta; unkiye iyotan unwaśtepi he. Hiya, takuśnina on. Wanna Juda Helenes wicaśta ko, owasin woaḣtani ihukuya yukanpi kin he unyaotaninpi qon.

Roma 9:20

Hiya, wicaśta kin, niś nituwe he, hecen Wakantanka i en hiyeyaya he. Taku kagapi kin he tuwe kage cin, Tokeca hecen mayakaga he, eciye kta he.

I. Korinth 4:5

Hecen iyehantu śni kin itokam takudan yacopi śni po, Itancan kin he hi śni kin hehanyan; he iye kin taku otpaza en naḣmanpi qon aiyoyam ye kta, qa wicocante awacinpi kin yuatanin kta; unkan hehan otoiyohi Wakantanka eciyatanhan idowanpi kta.

I. Korinth 7:16

Winoḣinca, niś taku sdonyaya he, okinni nihihna niyakiye kta. Qa wicaśta kin, niś token sdonyakiya he, okinni nitawin niyakiye kta.

Jakob 2:20

Tuka, wicaśta wacinton śni kin, wacinyanpi wicoḣan codan kin he ṭa e sdonyaye kta he.

Jakob 4:11

Mihunkawanji, otoiyohi akiciiapi śni po. Tuwe hunkawanjitku aie c̣a hunkawanjitku hdaco kinhan, he woope kin aie c̣a woope kin yaco; tuka woope kin daco kinhan, woope kin ecen econpi kin henica śni, tuka wayaco kin henica.