Roma 15:3 - Dakota Wowapi Wakan Kin

³ Messiya iye kaeś iyokipi ic̣iye śni, tuka wowapi en kagapi qon iyecen, Tona aniiapi kin waaiapi kin he miye aiḣpemayanpi qon.

Roma 15:3 ပူးပေါင်းရင်းမြစ်များ

Mattheos 10:25

Tuka waonspekiyapi kin waonspekiya tawa kin iyececa, qa wowidake un kin yuhe cin iyececa hecinhan hecetu kta. Tipi tawa kin he Beelzebub eciyapi hecinhan, tiyohnake tawa kin iś nakun hewicakiyapi kte śni he.

Mattheos 26:39

Unkan hetanhan kitan ecinyan iyoopte iyaye c̣a makata eḣpeic̣iya, cekiye c̣a heya; Ate, okihipica kinhan, wiyatke kin de tokan imiciyaye kta; tuka miye wacin kin hee śni, niye token yacin kin hee ecetu kte.

Mattheos 26:42

Ake inonpa ekta iyaye c̣a cekiye c̣a heya; Ate, wiyatke kin de mdatke śni tokan imiciyaye kta okihipica śni kinhan, nitawacin ecen econpi nunwe.

Mattheos 27:44

Nakun wicaśta wamanon sa, kici icipaweḣ owicakatanpi kin hena iś eya iyecen i en hiyeyapi.

Johannes 15:10

Mitawoahope kin duhapi kinhan, mitowaśte kin he kici yaunpi kta; Ate tawoahope mduhe cin heon towaśte kin kici waun kin he iyececa.

Johannes 15:24

Wicoḣan tuwedan hecen econ śni iyecen ecawicawecon śni unkanś, woaḣtani nicapi kta tuka; tuka wanna Atewaye cin kici wanmayakapi, qa napin śice undakapi.

Johannes 4:34

Tuka Jesus hewicakiya; Tuwe u maśi kin he tawacin kin ecen ecamon kta, qa iye toḣan kin weciyuśtan kte cin he taku wate cin ee.

Johannes 5:30

Miye cinka taku ecamon owakitpani; taku mdaco kin hena taku nawaḣon kin heoiya tanhan; qa taku mdaco kin hena hecetu. Miye mitawacin he owakide śni, tuwe u maśi kin he tawacin owade.

Johannes 6:38

Maḣpiya eciyatanhan wahi kin, he mitawacin owape kte śni, tuwe u maśi kin he tawacin owecipe kta.

Johannes 8:29

Tuwe u maśi kin he mici un; Ate miśnana amahduśtan śni; taku iyokipi ecen ecamon ece, heon etanhan, eya.

II. Korinth 8:9

Jesus Messiya Itancan unkiyapi towaonśida kin he sdonyayapi, watonka tuka niyepi on waḣpaniic̣iya, hecen iye waḣpanica kin on winijicapi kta.

Philippi 2:5

Jesus Messiya token tawacin qon he iyecen wacin duzapi kta.

Philippi 2:8

Qa wicaśta ouncage kin en un qehan, ihduhukuya qa wiconṭe ekta aiyahdeya wanaḣon yanka, can susbeca en ṭe cin he ehan.