Roma 13:2 - Dakota Wowapi Wakan Kin

² Heon etanhan tuwe wicowaśake kin kipajin kinhan he Wakantanka toope kin kipajin, qa tona wawakipajin kin hena wicayacopi kta.

Roma 13:2 ပူးပေါင်းရင်းမြစ်များ

Mattheos 23:13

Tuka wowapi kagapi qa Pharisee kin, wananic̣iḣmanpi, woteḣi niciyankapi nunwe; wiwazica tipi tawapi ihangyayapi ece, qa wanniyakapi kta on wocekiye hanska ehapi ece; heon etanhan woyaco tanka iyahdeniciyapi kta.

Markos 12:40

Hena e wiwazica tipi kin temyapi, qa ihdutaninpi on wocekiye hanska eyapi ece: hena woyaco iyotan tanka yuhapi kta.

Lukas 20:47

Qa wiwazica tipi tawapi kin temyapi; qa ihdutaninpi kta on wocekiye hanska eyapi ece; hena iś iyotan woyaco tanka iyahdeic̣iyapi kta ce.

Roma 13:1

Wicanagi otoiyohi wicowaśake itancan kin hena ihukun iyeic̣iye kte. Wicowośake Wakantanka etanhan un kin hecedan yukan. Wicowaśake un kin hena Wakantanka kaga.

Roma 13:3

Wicaśtayatapi kin hena wicoḣan waśte kin en wakokipe wicakicagapi śni, tuka wicoḣan śice cin en. Hecen wicowaśake kin he koyakipe kte śni he. Taku waśte e econ wo, kinhan on niyatanpi kta ce.

Roma 13:5

Heon etanhan anagoptan yaunpi kta, wocanniye kin hecedan on etanhan śni, tuka nakun wiyukcanpi kin heon.

Roma 9:19

Hecen hemayakiye kta nace; Tokeca e nahanḣin wicaba he; tuwe e iye tawacin kin ecetuśniya he.

Titos 3:1

He kiksuyewicaya wo, taku itancanpi qa wicowaśake kin hena ihukun iyeic̣iyapi kta, wicaśtayatapi kin anawicagoptanpi kta, qa wicoḣan waśte owasin econpi kta, on wiyeya yukanpi kta.

Jakob 3:1

Mihunkawanji, wicota waonspekiya unpi śni po; woyaco iyotan tanka unkicupi kta e sdonyayapi.

I. Inyan 2:13

Itancan kin on etanhan, wicaśta akantu wakonzapi kin owasin anagoptan po; wicaśtayatapi kin he iyotan tanka;