Roma 12:3 - Dakota Wowapi Wakan Kin

³ Wowaonśida maqupi kin he eciyatanhan, tona niyepi ekta un kinotoiyohi hecen eciciyapi; Tuwedan token ihdukcan kte cin he isanpa ihdawa kte śni, tuka wacinksamya ihdukcan kta, Wakantanka otoiyohi wacinyanpi iyuta wicaqu kin he eciyatanhan.

Roma 12:3 ပူးပေါင်းရင်းမြစ်များ

Galatia 6:3

Tuwe taku śni un eśta, taku ic̣ida kinhan, he icihnayan.

I. Inyan 5:5

Nakun, tona aśkatudan yaunpi kin, hunkawicayapi kin anawicagoptan po: Han, owasin otoiyohi anakicigoptan po, qa wowaḣbadan koyaka po. Tona waḣanic̣idapi kin hena Wakantanka wicakipajin, tuka tona onśikiḣanpi kin hena wowaonśida wicaqu ece.

Roma 12:16

Otoiyohi okonwanjidan awakicicin po. Taku wankan un kin hena ekta ewacinpi śni po; tuka tona kun ihdawa kin hena en opa po. Wacinksapeic̣idapi śni po.

I. Inyan 5:8

Witkopi śni po, waktaya un po; Wakanśica tokaniyanpi kin he mnaja hoton ece kin iyecen omani un, tuwe yapote kte cin he akita ece.

I. Inyan 4:7

Tuka taku owasin ecadan owihanke kta. Heon etanhan wacinksapa po, qa wocekiye on waktaya un po.

Jakob 4:6

Tuka sanpa wowaonśida wicaqu ece; heon heya, Wakantanka waḣanic̣idapi kin wicakipajin, tuka tona onśikiḣanpi kin hena wowaonśida wicaqu ece.

I. Inyan 4:11

Tuwe ie cinhan Wakantanka oie kin iyecece kta; qa tuwe waokiya hecinhan wookihi Wakantanka qu kin he eciyatanhan kte; hecen taku owasin on Wakantanka yatanpi kta, Jesus Messiya eciyatanhan; iye qe woyatan qa wookihi owihanke wanin kiciun nunwe. Amen.

I. Korinth 7:17

Tuka otoiyohi token Wakantanka wicaqu qa Itancan kin otoiyohi wicakico kin he iyecen mani nunwe. Hecen okodakiciye owasin en econ wicawaśi ece.

Titos 2:12

Wakantanka aktapi śni, qa wicoicage cantiheyapi kin hena eḣpeunyanpi kta, qa nakaha wiconi kin en, wacinksamya, owotanna, wakanyan unnipi kta e onspeunkiyapi.

Titos 2:2

Wicaśta tankapi kin hena waktaya unpi kta, mdesahan wacin ksamya unpi kta, wacin rawacantkiyapi, wacintano en ecedan unpi kta.

II. Korinth 12:7

Unkan woyakapi tanka kin on etanhan waḣanmic̣ida kte śni heon taku pepe wan miceḣpi kin en maqupi, Satan taokiye wanji hee, śicay a makuwa kta heon, waḣanmic̣ida kte śni heon etanhan.

Roma 11:20

Han, hecetu; wicadapi śni kin heon hena yuksapi, qa niye wacinyanpi on ecen nayajin ece. Waḣanic̣ida śni qa kokipa wo.

Roma 1:5

Iye kin eciyatanhan wowaśte unkicupi, qa oyate owasin wacinyanpi kin anagoptanpi kte cin heon yewicaśipi wicoḣan kin he nakun, iye caje kin on:

I. Inyan 1:13

Heon etanhan, nitawacin nisehu kin opta ipiyagkiton po, waktaya un po, qa Jesus Messiya ihdutanin kinhan wowaśte nicaupi kte cin he ape yukan po, owihanke kin hehanyan.

Titos 2:4

Hecen wikośka kin ksamwicayapi kta, wicaśta yuhapi cinca ko waśte wicakidapi kta;

I. Korinth 15:10

Tuka tomakece cin Wakantanka towaonśida kin on hemaceca. Qa iye towaonśida mici un kin he taku śni wanica, tuka hena owasin iyakapeya nina ḣtawani; qa he miye śni, Wakantanka towaonśida mici un kin hee.

Johannes 3:34

Wakantanka tuwe u śi kin he Wakantanka oie oyaka; Wakantanka Taniya kin iyuta qu śni, ocowasin qu.

Ephesos 4:16

Iye eciyatanhan tancan kin ocowasin wayupiya iciyakaśkapi, qa okihe kin owasin wawokiyapi on icicazontapi, huha kin otoiyohi iyacinyan icage cin he iyecen tancan kin icaḣyapi, wowaśtedake en icage kte cin heon.

Lukas 18:11

Unkan Pharisee kin iśnana najin, qa kaken wocekiye eya; Wakantanka, wicaśta tokeca iyemacece śni, wawicakipi sa, oḣan owotanpidan śni, wawiciḣaḣapi econpi sa, qa wamnaye cin dee kaeś iyemacece śni heon wopida eciciya.

Titos 2:6

Kośka kin iś nakun wacin ksapapi kte cin iwahokonwicakiya wo.

I. Timotheos 2:15

Tuka iś eya cinca tonpi kin en niyanpi kta, wacinyanpi, wacantkiyapi, wicoḣan waśte qa wacintankapi kin hduha yukanpi kinhan.

I. Timotheos 2:9

Qa winoḣinca kin iś eya iyecen wokoyake oiyokipi kin kic̣unpi kta, qa tawacin waśte, wacin tankapi koya; qa paha sonpi, mazaskazi, inyan okitanin kin, qa wokoyake taku ota iyopeyapi kin hena ko unpi kte śni;

I. Timotheos 1:14

Qa Itancan unkiyapi towaonśida kin he wacinyanpi qa wacantkiyapi Jesus Messiya en nina yuotapi.

Ephesos 3:4

He dawapi kin ehantanhan Messiya tawowiyukcan kin token imdukcan kin sdonyayapi kta.

II. Korinth 12:13

Taku e on okodakiciye tokeca kin ihukuya yaunpi he; taku nitawapi kin iwacu śni kin hee naceca. Heon wawaḣtani kin he micicajuju po.

I. Korinth 3:10

Wakantanka towaonśida maqupi kin eciyatanhan wicaśta ticaga ksape cin iyecen, taku ahehde kin ewahde, qa he akan wicaśta tokeca tipi kaga; tuka otoiyohi token ticage cin he on waktaya un kte.

Roma 11:25

Mihunkawanji, wowiyukcan kin de sdonye śni dukaupi kta wacin śni, okinni ksape nic̣idapi kta; Israel oyate kin apa iśta gonge aya, Ikcewicaśta kin ocowasin en hiyu kte cin hehanyan.

III. Johannes 1:9

Okodakiciye kin wowapi wicawecaga; tuka hena ehna Diotrephes itancan ic̣ida kin he iyowinunkiyapi śni.

Kolosse 2:13

Qa niyepi ehanna wayaḣtanipi, qa niceḣpi baniciḣdayapi śni kin en niṭapi qon, wanna wayaḣtanipi kin owasin nicicajujupi qa niniyanpi.

Kolosse 1:29

Heon miś eya ḣtawani, iye oḣan kin miye en waśagya oḣanye cin he eciyatanhan inawahni.

Ephesos 3:2

Niyepi on Wakantanka towaonśida wicoḣtani maqupi kin he nayaḣonpi hecinhan;

II. Korinth 10:13

Unkiye wiunhdutapi kin isanpa unkihdatanpi kte śni; tuka wicoḣan iyutapi Wakantanka unqupi kin he eciyatanhan, iyutapi kin niyepi kin iyahde niyanpi.

Philippi 2:13

Tuwe cinniciyapi, qa econniciyapi kin he Wakantanka ee, iye toiyokipi kin eciyatanhan niyepi kin en oḣanyan.