Roma 11:2 - Dakota Wowapi Wakan Kin

² Wakantanka taoyate kin tona otokaheya tanhan sdonwicakiye ciqon hena eḣpewicakiye śni. Wowapi wakan Elijah on token eye cin sdonyayapi śni he; Wakantanka cekiye c̣a, Israel oyate kin cajeyata qa heya;

Roma 11:2 ပူးပေါင်းရင်းမြစ်များ

Markos 12:26

Unkan tona ṭapi kin hena piya icagapi kta, on Moses tawowapi kin en dawapi śni he; can opamna etanhan Wakantanka okiye c̣a heya; Abraham Wakantanka tawa, qa Isaak Wakantanka tawa, qa Jakob Wakantanka tawa kin he miye ce.

Lukas 4:1

Unkan Jesus Woniya Wakan kin ojudan, Jordan eciyatanhan hdi; qa Woniya kin makotahedan ekta iyayeya;

Johannes 4:11

Itancan, mini kin de temahentuya hiyeya qa takudan on edaku kte śni; tokiya tanhan mini wiconi kin duha he, winoḣinca kin eciya.

Olianyanpi kin 13:48

Unkan Ikcewicaśtakin, hena oie kin naḣonpi qehan, nina iyuśkinpi, qa Itancan oie kin yatanpi. Unkan tona owihanke wanin wiconi yuhapi kta e wicakaḣnigapi qon hena wicadapi.

Olianyanpi kin 15:18

Otokaheya tanhan Wakantanka taku icaḣye cin owasin sdonkiya.

Olianyanpi kin 3:17

Unkan nakaha mihunkawanji, iyukcan śni hecanonpi, qa wicaśta itancan wicaduhapi kin hena nakun, he sdonwaya.

Olianyanpi kin 7:40

Qa Aaron heciyapi; Taku wakan unkitokam yapi kte cin unkicaga po; Moses Egupta makoce kin etanhan unkaupi qon he tokiya iyaya sdonunyanpi śni ce.

Roma 6:16

Tuwe anayagoptanpi kta inidake nic̣iyapi kin he anayagoptanpi kin on wowidake niyanpi kin he sdonyayapi śni he; he woaḣtani wiconṭe aiyahdeye cin hee, qa iś waanagoptanpi kin on wicoowotanna kta.

Roma 9:23

Qa tona wowaonśida wakśica kin otokaheya tanhan wowitan on wiyeya ehnakapi qon, hena en iye towitan wowijice kin hduotanin kta.

Roma 9:6

Wakantanka oie kin ecetu śni aye cin he wake śni. Tona Israel etanhanpi kin hena owasin Israel hecapi śni.

I. Korinth 6:2

Tona wacinyan unpi kin hena wicoicage kin yacopi kta e sdonyayapi śni he. Unkan niyepi wicoicage kin dacopi kta hecinhan, taku iyotan cistinna kin hena iyukcan iyenicecapi śni he.

I. Korinth 8:3

Tuka tuwe Wakantanka waśte dake cinhan Wakantanka he iye sdonya.

Philippi 1:22

Wicaceḣpi kin en opeya wani kinhan, mioḣan waskuyeca kin hee, tuka unma tukte wacin nun tanin śni.

Hebrew 1:1

Ehanna, Wakantanka toktogye, otakiya wicaśta wokcan kin eciyatanhan hunkake wicunyanpi kin wowicakiyake ciqon, he, anpetu ehake kin dena icunhan, iye Cinhintku kin eciyatanhan wounkiyakapi;

I. Inyan 1:2

Wakantanka Ateyapi kin otokaheya tanhan sdonwicaye cin eciyatanhan, qa Woniya wicayuecedan kta on wicakaḣniga, anagoptanpi kta, qa Jesus we kin awicamnimni kta e on, hena wowapi wicakicaga: Wowaonśida en niunpi, qa wookiye niciyuotapi nunwe.