Roma 10:3 - Dakota Wowapi Wakan Kin

³ Wakantanka toowotanna kin sdonyapi śni, qa iye wicoowotanna tawapi kin hdusutapi akitapi, qa Wakantanka toowotanna kin he ihukuya iyeic̣iyapi śni.

Roma 10:3 ပူးပေါင်းရင်းမြစ်များ

Lukas 10:29

Tuka iye ihdaowotanna wacin, qa Jesus heciya; Unkan mikiyedan un kin he tuwe he.

Lukas 16:15

Unkan hewicakiya; Wicaśta kin wicitokam ihdaowotanpidan kin he niyepi; tuka Wakantanka nicante ozepi kin he sdonniyanpi ce: ecaeś wicaśta ekta taku takudapi ḣince cin hee Wakantanka waḣteda śni ece.

Roma 1:17

Heon etanhan Wakantanka owotanna oḣanye cin he wacinyanpi kin etanhan wacinyanpi ekta yuotaninpi; wowapi qon iyececa, Tuwe owotanna kin he wacinyanpi on ni kta ce.

Roma 10:2

Hena wicaweciyaotanin, Wakantanka wacin en yuzapi tuka he wosdonye eciyatanhan śni.

Roma 10:20

Tuka Isaya nina waditake c̣a heya; Tona omadepi śni qon hena e iyemayanpi, qa tona amakitapi śni qon hena en mihdutanin ce.

Roma 11:7

Hecen toketu kta he; Israel taku akite ciqon he iyeye śni, tuka tuna wicakahnigapi kin hena e iyeyapi, qa unmapi kin iśta gonge wicayapi.

Roma 3:22

Wakantanka toowotanna kin, Jesus Messiya wacinyanpi kin eciyatanhan u kin hee, tona wicadapi kin owasin en, qa owasin akan un, qa owasin akiyececapi.

Roma 3:26

Wakantanka tehan ape un kin en, nakaha iye toowotanna kin hdutanin kta e heon; hecen iye kin owotanna un kta, qa nakun tuwe Jesus wacinye cinhan, he yaowotan kta.

Roma 5:19

Wicaśta wanjidan waanagoptan śni un qon he etanhan wicota waḣtani sa wicakagapi kin, he iyecen wanji waanagoptan un kin eciyatanhan wicota owotanna wicakagapi kta.

II. Korinth 5:21

Tuwe woaḣtani sdonkiye śni un qon he, unkiyepi on woaḣtani kagapi; hecen iye en Wakantanka toowotanna unkicagapi kta.

Philippi 3:9

Qa he en waun kta, mitoowotanna wicoope kin eciyatanhan un kin he wahduhe śni, tuka taku Messiya wacinyanpi eciyatanhan un kin, Wakantanka toowotanna wacinyanpi kin on icage cin hee wacin.

II. Inyan 1:1

Simon Inyan, Jesus Messiya tawowidake qa yeśi qon he, tona Wakantanka unkitawapi toowotanna kin on, qa Jesus Messiya Wanikiye cin eciyatanhan, unkiye unhapi kin iyecen wowacinye teḣika yuhapi kin hena wowapi wicakicaga.