Roma 10:2 - Dakota Wowapi Wakan Kin

² Hena wicaweciyaotanin, Wakantanka wacin en yuzapi tuka he wosdonye eciyatanhan śni.

Roma 10:2 ပူးပေါင်းရင်းမြစ်များ

Johannes 16:2

Omniciye tipi kin etanhan tankan iyeniyanpi kta; nakun anpetu wan u kta, hehan tuwe kaśta niktepi kinhan, he Wakantanka iyokipiya kecin kta.

Olianyanpi kin 21:20

Unkan hena naḣonpi qehan, Itancan kin idowanpi qa Palos heciyapi, Cinye, Juda wicaśta kektopawinge ota wicadapi, qa owasin wicoope kin sutaya awakicinpi kin he wandaka.

Olianyanpi kin 21:28

Qa hotaninpi, Israel wicaśta kin, ounkiya po; wicaśta kin de oyate kin en, qa wicoope kin, qa nakun tipi kin de aie c̣a, owancaya hecen onspewicakiya; qa nakun Helenes wicaśta kin tipi wakan kin en awicahi, qa hecen tipi iyotan waśte kin de aśamya ce, eyapi.

Olianyanpi kin 22:22

Unkan wicoie kin de hehanyan naḣon yukanpi, hehan nina hotaninpi qa, Wicaśta kin de maka kin etanhan aya po, ni kta e iyecece śni ce, eyapi.

Olianyanpi kin 22:3

Unkan hecen eya; Juda wicaśta kin hemaca, Kilikia ekta Tarsos en matonpi, qa otonwe kin de en icaḣmayanpi, qa Gamaliel siha kin ekta, hunkake wicayapi wicoope yuhapi kin tanyan onspemakiyapi, qa Wakantanka on nina inawaḣni, niyepi kin owasin nakaha yaunpi kin iyececa.

Roma 10:1

Mihunkawanji, micante cantiheye c̣a taku Wakantanka icewnkiye cin, Israel oyate kin wicani kte cin hee.

Roma 10:3

Wakantanka toowotanna kin sdonyapi śni, qa iye wicoowotanna tawapi kin hdusutapi akitapi, qa Wakantanka toowotanna kin he ihukuya iyeic̣iyapi śni.

II. Korinth 4:4

Hena ekta wicoicage kin de taku wakan tawa kin tona wicadapi śni wicotawacin kin wacinton śni wicakaga; Messiya Wakantanka ouncage kin hee, tawootanin waśte wowitan iyoyanpa kin he iyoyamwicaye kte śni heon etanhan.

II. Korinth 4:6

Wakan tanka iyoyanpa kin otpaza etanhan yege śi qon he uneantepi kin iyoyamunyanpi, Jesus Messiya itohnako kin eciyatanhan, Wakantanka towitan wosdonye iyoyanpa kin unqupi kte cin heon.

II. Korinth 8:3

Okihipi kin iyacinyan, (miś mdaotanin,) qa okihipi kin kapeya, iye cinka wicaqu wacinpi.

Galatia 1:14

Qa mitaoyate kin en tona om akinimaskokeca kin hena ota Juda wicoḣan kin en kawicawape c̣a, mihunkakepi wohdakapi qon iyotan nina tewaḣinda.

Galatia 4:15

Hecen wowaśte duhapi qon tukte e he. Kaken ciyaotaninpi, okihipica unkanś niiśtapi kin yahduśdokapi qa mayaqupi kta wicayadapi kta tuka.

Philippi 1:9

Qa he de icewakiya, waśte yadakapi kin he wosdonye wiyukcanpi ko owasin en, sanpa qa sanpa tankaya aye kta:

Philippi 3:6

Ohodapi kin eciyatanhan okodakiciye kin śicaya wakuwa, qa woope woowotanna kin he eciyatanhan takudan iyaonpepica śni waun.

Kolosse 4:13

Qa he omdaka, niyepi on, tona Laodikia ekta un, qa tona Hierapolis ekta un kin, hena koya on nina ḣtaniiciya.