Philippi 4:9 - Dakota Wowapi Wakan Kin

⁹ Taku tona onnispepi, qa iyacupi, qa nayaḣonpi, qa miye en wandakapi kin hena econ po, qa Wookiyo Wakantanka kin niyepi kin en nicipi un nunwe.

Philippi 4:9 ပူးပေါင်းရင်းမြစ်များ

Mattheos 1:23

Iho, witanśna un wan ihduśake c̣a cinca ton kta; unkan Emmanuel eya caśtonpi kta; Wakantanka unkicipi un, eyapi kin he kapi.

Mattheos 28:20

Qa taku tona econciśipi kin owasin yuhapi kta e onspewicakiya po. Unkan iho, anpetu owasin cicipi waun, maka owihanke kin hehanyan. Amen.

Mattheos 7:21

Tona, Itancan, Itancan, emakiyapi kin owasin maḣpiya wokiconze kin en yapi kte śni; tuka tuwe Atewaya maḣpiya ekta un kin tawacin kin ecen econ kinhan hee en un kta.

Lukas 6:46

Unkan tukeca, Itancan, Itancan, emayakiyapi ece, qa taku epe cin ecen ecanonpi śni he.

Lukas 8:21

Unkan waayupte, c̣a hewicakiya; Wakantanka oie naḣonpi, qa ecen econpi kin dena ina qa mihunkawanji eepi ce, eya.

Johannes 13:17

Taku kin dena sdonyayapi hecinhan, ecen ecanonpi kinhan waśteya yaunpi kta.

Johannes 15:14

Taku econ ciśipi kin owasin ecen ecanonpi kinhan takuciyapi yaunpi.

Johannes 2:5

Unkan hunku kin wayutan wicakiyapi, He tokeḣin emciyapi owasin ecen ecom, ewicakiya

Olianyanpi kin 9:6

He cancan qa yuśinyaye ca; Itancan taku ecamon yacin he, eya. Unkan Itancan kin; Najin qa otonwe kin ekta ya wo, token ecanon kte cin oniciyakapi kta ce, eciya.

Roma 15:33

Wookiye Wakantanka kin niyepi owasin en nicipi un nunwe.

Roma 16:20

Unkan kohanna Wookiye Wakantanka kin niye nisihapi kin ihukuya Satan napan kta. Jesus Messiya Itancan unkiyapi towaonśida kin niyepi en nicipi un nunwe.

I. Korinth 10:31

Heon wayatapi qa wadatkanpi, qa taku kaśta ecanonpi kin owasin Wakanatanka yatanpi kta e on econ po.

I. Korinth 14:33

Wakantanka kin he oqoapi kin kage śni, tuka wookiye kin he tawa, oyate wakan okodakiciye kin owasin en un kin iyececa.

I. Korinth 4:16

Heon etanhan ceciciyapi ce, ecen omicipa po.

II. Korinth 13:11

Ehake, hunkawanjin ciyapi kin, wiyuśkin po; oihduśtan un po, cante wuśte po, okonwanjidan awacin po, wokiyapi kin en un po; qa wowaśte, wookiye ko Wakantanka kin nicipi un nunwe.

Philippi 3:17

Hunkawanjin ciyapi kin, omicipa po, qa tona hecen manipi kin nena iwanwicayaka po, waonspekiya unyaduhapi kin he iyececa.

Philippi 4:7

Qa Wakantanka tawookiye okaḣniḣpica śni kin he nicantepi qa nitawacinpi kin Jesus Messiya en niyuhapi kte.

I. Thessalonike 1:6

Wicokakije ota ehna, qa Woniya Wakan wowiyuśkin kin yuha wicoie kin iyacupi, hecen Itancan kin oyapapi, qa nakun unkiyepi.

I. Thessalonike 2:14

Mihunkawanji, niś niyepi kin Wakantanka taokodakiciye, Juda makoce kin ekta, Jesus Messiya en un kin hena owicayecipapi; niś niye takuwicayayapi kin eciyatanhan kakiśniyanpi kin, iś iye Juda oyate kin eciyatanhan kakiświcayapi qon iyececa:

I. Thessalonike 5:23

Qa wookiye Wakantanka kin niyepi ocowasin niyuecepidan nunwe; hecen ninagipi kin ocowasin, qa nitawacinpi, qa nitancanpi kin iyaonpepica śni niyuhapi kta, Jesus Messiya Itancan unkiyapi kin hi kte cin hehanyau.

II. Thessalonike 3:4

Itancan kin en niyepi on kaken awauncinpi, token econ unniśipi qon ecen ecanonpi, qa eeś nakun ecanonpi kta.

II. Timotheos 4:22

Jesus Messiya Itancan kin ninagi kici un nunwe. Wowaonśida nicipi un nunwe. Amen.

Jakob 1:22

Tuka wicoie kin ecen econ po, qa iye ic̣ihnayanpi, naḣonpi ecedan, unpi śni po.

II. Inyan 1:10

Heon etanhan, mihunkawanji, nicopi qa nicaḣnigapi kin aic̣iciya hdusuta po; hena hecen ecanonpi kinhan icimana nihinḣpayapi kte śni.

I. Johannes 3:22

Qa taku unkidapi kin owasin unkicupi ece, tawoahope kin unkiciyuhapi, qa taku iye iśta kin en iyokipi kin he econkupi, heon etanhan.