Philippi 4:8 - Dakota Wowapi Wakan Kin

⁸ Unkan ehake mihunkawanji, taku wicakapi kin, taku yuonihanpi kin, taku owotanna kin, taku wakan kin, taku waśte dapica kin, taku waśte eyapi kin, wowaśte qa wowitan yuke cinhan, hena awacin po.

Philippi 4:8 ပူးပေါင်းရင်းမြစ်များ

Mattheos 22:16

Qa iye waonspewicakiyapi kin Herodian hena om ekta yewicaśipi qa heyapi; Waonspekiye, iewicayaka sdonunyanpi, qa awicakehan Wakantanka tacanku kin onspeunyakiyapi ece, qa tuwedan koyakipe śni; wicaśta akantu ekta eyatonwe śni nakaeś.

Markos 6:20

Herod Johannes kokipa, wicaśta owotanna qa waśte sdonya, heon itonpa; qa oie naḣon eca taku ota ecen econ, qa iyuśkinyan naḣon ece.

Lukas 16:15

Unkan hewicakiya; Wicaśta kin wicitokam ihdaowotanpidan kin he niyepi; tuka Wakantanka nicante ozepi kin he sdonniyanpi ce: ecaeś wicaśta ekta taku takudapi ḣince cin hee Wakantanka waḣteda śni ece.

Lukas 2:25

Unkan iho, Jerusalem en wicaśta wan Simon eciyapi; he wicaśta owotanna qa cekiya ece kin heca, qa Israel Wokicanpte kin ape un; unkan Woniya Wakan kin kici un.

Lukas 23:50

Unkan iho, wicaśta wan Joseph eciyapi, wahokonwicakiya ece kin heca, wicaśta waśte qa owotanna;

Johannes 7:18

Tuwe iye en oie ic̣iye cinhan he iye towitan okide ece; tuka tuwe iś, tuwe uśi kin he towitan okicide kinhan, he iye wowicake, qa wicowicaśtaśni takudan en un śni.

Olianyanpi kin 10:22

Unkan iś heyapi; Kornelios akicita opawinge wicayuhe cin, wicaśta owotanna, qa Wakantanka kokipeyahan un he Juda oyate kin iyuḣpa oyakapi, hee maḣpiya ohnihde wakan wan okiye c̣a, tuwe nihuwe u wicaśi, qa iye ti kin ohna nioie kin naḣon kta, keya ce, eyapi.

Olianyanpi kin 22:12

Qa wicaśta wan, Ananias eciyapi, wicoope kin eciyatanhan owotanna, Juda oyate hen yakonpi kin owasin he oyakapi;

Olianyanpi kin 6:3

Heon hunkawanjin unniyanpi enitanhanpi wicaśta owotanna yawapi, qa Woniya Wakan wicoksape ko on ojupidan śakowin wicakaḣniga po, wicoḣan kin de yuhe wicunkiyapi kta.

Roma 13:13

Qa iyokipiya maunnipi kta, anpetu kin en iyececa. Hanyetu wacipi qa witkopi kin en unkopapi kte śni; wicawihomnipi qa wicinpi, wakinicapi qa winawizipi kin hena en ounpapi kte śni.

Roma 13:3

Wicaśtayatapi kin hena wicoḣan waśte kin en wakokipe wicakicagapi śni, tuka wicoḣan śice cin en. Hecen wicowaśake kin he koyakipe kte śni he. Taku waśte e econ wo, kinhan on niyatanpi kta ce.

Roma 14:18

Tuwe hena taku kin en Messiya wowidag ye cinhan, he Wakantanka iyokipi ye c̣a, wicaśta kin on waśte dakapi.

Roma 2:29

Tuka tuwe mahen tanhan hecece cin he Juda wicaśta kin hee, qa bakiḣdayapi kin he oowa kin en he śni, tuka wicanagi kin en un kin hee; he wowitan kin wicaśta akantu eciyatanhan śni, tuka Wakantanka eciyatanhan un.

I. Korinth 4:5

Hecen iyehantu śni kin itokam takudan yacopi śni po, Itancan kin he hi śni kin hehanyan; he iye kin taku otpaza en naḣmanpi qon aiyoyam ye kta, qa wicocante awacinpi kin yuatanin kta; unkan hehan otoiyohi Wakantanka eciyatanhan idowanpi kta.

II. Korinth 13:7

Taku śica takudan ecanonpi kte śni he Wakantanka icewakiya; unkiye unwaśtepi e unyaotaninpi kte cin hee śni, tuka waḣtepi śni kin iyeuncecapi kta eśta, niye taku waśte ecanonpi kte cin hee wacin.

II. Korinth 6:8

Wowitan qa wowiśtece kin ohna; waaiapi qa yaonihanpi kin ohna; wicahnayanpi kin iyececa, tuka wicakapi;

II. Korinth 8:18

Unkan he kici hunkawanjinkiciyapi wan, wotanin waśte on okodakiciye owasin en yatanpi kin hee ekta ye unśipi.

II. Korinth 8:21

Taku waśte ece unkihnipi kta, Itancan kin itokam, qa nakun wicaśta kin en.

Galatia 5:22

Tuka Woniya kin waskuyeca tawa kin he, wowaśtedake, wowiyuśkin, wookiye, wacintankapi, wicowaḣbayedan, wowaśte, wowacinye;

Ephesos 4:25

Heon etanhan, itonpi śni kin ayaśtanpi, qa otoiyohi wicaśta tokeca kici wowicake ece ohdaka po; otoiyohi huha yeciciyapi kin heon.

Ephesos 5:9

Woniya tawaskuyeca kin he wowaśte owasin, qa wicoowotanna, qa wowicake kin en un:

Ephesos 6:14

Heon wowicake ipiyag kitonpi ecen najin po, qa wicoowotanna maza maku akaḣpe kin koyaka po.

Philippi 3:1

Ehake mihunkawanji, Itancan kin en iyuśkin po. Taku kin dena on wowapi cicagapi kin he miye teḣike wadake śni, qa niyepi kin oh waśte.

Kolosse 4:5

Tona tankan unpi kin hena on ksamyahan mani po, qa anpetu kin opekiton po.

I. Thessalonike 4:12

Hecen tona tankan unpi kin hena itokam owotanna mayanipi kta, qa takudan icakije śni yaunpi kta.

I. Timotheos 2:2

Wicaśtayatapi kin hena on, qa tona itancan unpi kin owasin on, hecen woohodapi owasin qa wicoḣan owotanna kin en, owanjidan unkanpi qa wikope śni unnipi kta.

I. Timotheos 3:11

Nakun iś tawicupi kin waḣbapidan kta, waaie śni unpi kta, waktaya unpi kta, taku owasin on owotanpidan.

I. Timotheos 3:4

Iye tiyohnaka kin tanyan hduhe kta, qa wicowaḣbadan owasin on cinca kin anagoptan wicakiye kta.

I. Timotheos 4:12

Koniśka yaun kin heon tuwedan iwaḣtenida kte śni; tuka tona wicadapi kin hena waonspewicakiya wo, wicoie kin en, wicoḣan kin en, wacantkiyapi kin en, woksape kin en, wacinyanpi kin en, woyuecedan kin en.

I. Timotheos 5:10

Wicoḣan waśte on tanyan oyakapi, cinca icaḣwicakiya, oicimani kin wonwicaya, tona owotanna un siha wicakiyujaja, tona kakijapi kin owicakiya, qa wicoḣan waśte owasin amniheic̣iya en opa hecinhan.

I. Timotheos 5:2

Winoḣinca tankapi kin hena iś inawicayaye cin iyecen, qa tona aśkatudan unpi kin hena tawinoḣtinwicayaye cin iyececapi kta, woyuecedan owasin en.

Titos 1:8

Tuka oicimani kin onśiwicada kta, qa taku waśte kin waśtedake kta, wacin ksapa un kta, qa owotanna, wacantkiya, qa iyatahdeic̣iye śni un kta;

Titos 2:14

He unkiyepi on ic̣ic̣u, woaḣtani owasin etanhan opeunkitonpi kta, qa oyate tawawicaye kte cin wicoḣan waśte nina ḣin akitapi kte cin hena wicahduska kta e heon.

Titos 2:2

Wicaśta tankapi kin hena waktaya unpi kta, mdesahan wacin ksamya unpi kta, wacin rawacantkiyapi, wacintano en ecedan unpi kta.

Titos 2:7

Qa taku owasin on wicoḣan waśte kin en waonspekiya nihdutanin kta; woonspe kin en wayuśice śni, wacinksapa, owotanna;

Titos 3:14

Qa tona unkicicapi kin hena wicoḣan waśte aic̣iciya econpi kta, wicakijapi kin owicakiyapi kta, qa hecen waskuyeca icaḣye śni yukanpi kte śni.

Hebrew 11:2

He on hunka wicayapi kin yuonihanyan ihdaotaninpi qon.

Hebrew 13:18

Wocekiye unkekiciya po; wicanagi waśte unhapi unkecinpi, taku owasin en owotanna unkoḣanyanpi kta uncinpi.

Jakob 1:27

Wakantanka qa Ateyapi kin itokam woohodapi opapi ecedan qa aśape śni kin he dee; Wamdenica qa wiwazica kakijapi eca en wicahipi, qa wicoicage kin en taku iyaonpepica śni ihduhapi kin hee.

Jakob 3:17

Tuka woksape wankantanhan un kin he tokaheya ecedan, hehan wokiyapi kaga, waḣbadan, waanagoptan, wowaonśida qa waskuyeca waśte on ojudan, owotanna wiyukcan qa owotanna wohdaka ece.

I. Inyan 1:22

Woniya kin eciyatanhan wowicake anayagoptanpi kin heon nagi nihduskapi, hunkawanjinkiciyapi kin awicakehan waśtewicayadakapi kta, heon cante ecedan on otoiyohi nina waśtekicidaka po.

I. Inyan 2:12

Qa Ikcewicaśta ehna owotanna oḣanyan po; hecen śicaya econ keniciyapi keś, wiwicawangapi anpetu kin en, nioḣanpi waśte wanyakapi kte cin hena on Wakantanka yaonihanpi kta.

I. Inyan 4:8

Qa taku owasin isanpa niye iyakitedan nina cantekiciya po; wacantkiyapi kin he woaḣtani ota akaḣpe kta.

II. Inyan 3:1

Waśtecicidapi kin, de nakaha wowapi inonpa cicagapi; hena en nitawacinpi mdesahan kiksuyapi on iyocipaśtakapi.

I. Johannes 3:18

Micinca cikcistinpidan, wicoie qa wicaceji ecedan on wacanunkiyapi kte śni, tuka wicoḣan qa wowicake kin on.

I. Johannes 3:3

Unkan tuwe hecen wacinyan canteyuze cinhan ihduecedan ece, iye kin ecedan un kin iyecen.

I. Johannes 4:1

Waśtecicidapi kin, ihnuhan woniya owasin wicayadapi kinhan; tuka woniya kin wicayukcan po, Wakantanka etanhan unpi kinhan; wicaśta wokcan itonpiśni ota wanna wicoicage kin ehna iyayapi.