Philippi 4:7 - Dakota Wowapi Wakan Kin

⁷ Qa Wakantanka tawookiye okaḣniḣpica śni kin he nicantepi qa nitawacinpi kin Jesus Messiya en niyuhapi kte.

Philippi 4:7 ပူးပေါင်းရင်းမြစ်များ

Lukas 1:79

Hecen otpaza qa wiconṭe ohanzi kin ehna iyotankapi kin hena iyoyamwicaye kta; qa unsihapi kin wookiye canku kin ohna unkayapi kta ce, eya.

Lukas 2:14

Iyotan wankantu ekta Wakantanka wowitan yuha nunwe, maka akan wookiye qa wicaśta ekta wicokiciyuwaśte.

Johannes 14:27

Wokiyapi aiḣpeciyapi; wookiye mitawa cic̣upi: wicaśta akantu kicic̣upi he iyecen cicupi śni. Ihnuhan cante niśicapi qa kopehda yaunpi kinhan.

Johannes 16:33

Wookiye amayaduhapi kta heon etanhan hena heciciyapi. Oyate kin de en wokakije duhapi kta; tuka wiyuśkin po, miye oyate kin ohiwicawaya ce.

Roma 1:7

Tona Roma ekta un kin owasin, Wakantanka waśte wicakida, yaowotanpidan kte cin on wicakico kin hena, wowapi cicagapi. Wowaonśida, wookiye ku, Wakantanka ateunyanpi, qa Jesus Messiya Itancan kin etanhan, nicipi un nunwe.

Roma 14:17

Woyute qa woyatke kin Wakantanka tokiconze kin hee śni; tuka wicoowotanna wookiye qa Woniya Wakan kin en wowiyuśkin kin hena ee.

Roma 15:13

Hehan woape Wakantanka kin he wicayadapi kin eciyatanhan wowiyuśkin owasin wookiye ko on imna niyanpi nunwe, Woniya Wakan towasake kin eciyatanhan woape en nina inicagapi kte cin heon.

Roma 5:1

Hecen wacinyanpi on owotanna unyawapi kin, heon etanhan Wakantanka ekta wookiye unhapi, Jesus Messiya Itancan unkiyapi kin eciyatanhan.

Roma 8:6

Wicaceḣpi awacinpi kin he wiconṭe kin ee; tuka Woniya awacinpi kin he wiconi qa wookiyo kin hee.

II. Korinth 10:5

Wacinyuzapi kin kun eḣpeya, qa taku tehan wankantuya un Wakantanka sdonyapi kin en wankan iyeiciye cin hena owasin, qa wicotawacin iyuḣpa Messiya anagoptanpi kin en wayaka ai ece.

II. Korinth 13:11

Ehake, hunkawanjin ciyapi kin, wiyuśkin po; oihduśtan un po, cante wuśte po, okonwanjidan awacin po, wokiyapi kin en un po; qa wowaśte, wookiye ko Wakantanka kin nicipi un nunwe.

Galatia 5:22

Tuka Woniya kin waskuyeca tawa kin he, wowaśtedake, wowiyuśkin, wookiye, wacintankapi, wicowaḣbayedan, wowaśte, wowacinye;

Ephesos 3:19

Qa Messiya towaśte okaḣnihpica śni kin he sdonyayapi kte, hecen Wakantanka toojudan kin ocowasin ojuniyanpi kte.

Philippi 1:1

Palos qa Timotheos, Jesus Messiya taokiyewicaye cin, topa Philippi ekta Jesus Messiya en owotanna un kin hena, qa waawanhdake cin hunka wicayapi ko, wowapi unnicagapi:

Philippi 1:2

Wakantanka Ateunyanpi, qa Jesus Messiya Itancan unkiyapi kin etanhan, wowaonśida, wookiye ko niyepi kin en nicipi un nunwe.

Philippi 4:19

Taku inicakijapi kin owasin Wakantanka mitawa nic̣upi kta, iye woyuha wowitan kin en un kin hetanhan, Jesus Messiya eciyatanhan.

Philippi 4:21

Tona Messiya en owotanna un kin hena nape wicayuza po. Hunkawanjin kiciyapi om waun kin hena nape niyuzapi.

Philippi 4:9

Taku tona onnispepi, qa iyacupi, qa nayaḣonpi, qa miye en wandakapi kin hena econ po, qa Wookiyo Wakantanka kin niyepi kin en nicipi un nunwe.

Kolosse 3:15

Qa Wakantanka tawookiye kin nicantepi kin en waniconzapi nunwe, he en wicatancan wanjidan en nicopi kin pida un po.

II. Thessalonike 3:16

Qa ohinniyan, taku owasin on etanhan wookiye Itancan kin wookiye nic̣upi nunwe. Itancan kin niyepi owasin en nicipi un nunwe.

Hebrew 13:20

Unkan, Wookiye Wakantanka kin, Jesus Itancan unkiyapi, taḣinca awanwicahdake tana kin he, wiconṭe etanhan ake hiyuye ciqon he wicotakuye owihanke wanica we kin eciyatanhan,

Judas 1:1

Judas, Jesus Messiya tawowidake kin, qa Jakob sunkaku kin, tona Wakantanka Ateyapi kin en wicayuecepidan, qa Jesus Messiya en wicakpatanpi, qa wicakicopi kin hena wowapi wicakicaga.

Wayuotanin 1:4

Johannes, Asia ekta okodakiciye śakowinpi kin wowapi wicakicaga. Wowaonśida, wookiye ko, tuwe un, qa un qon, ukte cin hetanhan niyepi en nicipi un nunwe; qa Woniya śakowinpi oiyotanke tawa kin itokam unpi kin hena eciyatanhan;

Wayuotanin 2:17

Tuwe noge yukan hecinhan, taku Woniya kin okodakiciye kin ewicakiye cin he naḣon kta. Tuwe ohiye cinhan he manna kihnakapi qon he etanhan yunwakiye c̣a inyan ska wan waqu kta, inyan kin he en wicacaje teca wan kagapi kin he tuwedan sdonye śni, tuka tuwe icu kte cin hecedan.