Philippi 4:6 - Dakota Wowapi Wakan Kin

⁶ Takudan iyokiśinya awacinpi śni po, tuka taku yacinpi kin owasin on, wocekiye, wokidapi qa wopida eyapi ko on Wakantanka oyakidakapi kta.

Philippi 4:6 ပူးပေါင်းရင်းမြစ်များ

Mattheos 10:19

Unkan tohan hecen wicanic̣upi kinhan, taku, qa token ehapi kte cin, heon iyokiśinic̣iyapi śni po; wihiyayedan oape kin he en token ehapi kta he nic̣upi kta ce.

Mattheos 13:22

Unkan wapepeka ehna ojuipi icu qon, tuwe wicoie kin naḣon kin hee; tuka wiconi kin de awacinpi qa woyuha ota wohnaye kin hena wicoie kin kte ece, hecen waskuyeca takudan aicage śni.

Mattheos 6:34

Heon etanhan heyakecinhan on iyokiśinic̣iyapi śni po; heyakecinhan he taku tawa kin on iyokiśica ece e kta; anpetu eca taku śica tawa kin yukan ece e kta.

Mattheos 6:8

Niye hena iyenicecapi kte śni; hinaḣin yakidapi śni itokam, hena taku kin yacinpi, Niyatepi sdonya ece.

Lukas 10:41

Tuka Jesus waayupte c̣a heciya; Martha, Martha, taku ota yakicanda wacanni, qa on nagiyenic̣iya ece:

Lukas 12:22

Unkan waonspewicakiye cin hewicakiya; Hecen on heciciyapi ce, Yanipi kin on taku yatapi kte cin, qa iś tancan kin taku kodakapi kte cin, hena on nagiyeic̣iyapi sni po.

Lukas 12:29

Qa taku yatapi qa datkanpi kte cin he ihnihdnpi śni po; qa nakun waceṭunhdaya wacin yuzapi śni po.

Lukas 18:1

Unkan wicaśta kin ohinnian wocekiye eyapi kta, qa iyakicunnipi kte śni e on wiyacinpi wan owicakiyaka;

Lukas 18:7

Unkan Wakantanka tona wicakaḣnige, c̣a anpetu hanyetu ko cekiyapi kin, hena tehan towicakicic̣on śni qeyaś, ocim econ kte śni he.

I. Korinth 7:21

Wowidake un kin henica ecen nicopi kinhan he ekta ewacin śni wo; tuka tawa nic̣iye kta e oyakihi kinhan he en oyaḣan de kta.

I. Korinth 7:32

Tuka takudan icante śice śni yaunpi kta wacin. Tuwe tawicu ton śni kin he Itancan taku tawa kin awacin yanka, token Itancan iyokipi ye kta.

II. Korinth 1:11

Qa niś eya wocekiye on ounyakiyapi kta, hecen wicaśta ota etanhan, taku unqupi qon he on, unkiyepi on etanhan wicota wopida eyapi kta.

Ephesos 5:20

Qa ohinniyan, taku owasin on, Wakantanka Ateyapi kin wopida eciya po, Jesus Messiya Itancan unkiyapi caje kin on:

Ephesos 6:18

Wocekiye qa wokidapi owasin on Woniya kin en, ohinniyan tona owotanna un kin on cekiya po, qa heon woape owasin wokidapi ko yuha kiktahan un po:

Kolosse 3:15

Qa Wakantanka tawookiye kin nicantepi kin en waniconzapi nunwe, he en wicatancan wanjidan en nicopi kin pida un po.

Kolosse 3:17

Qa taku ecanonpi kinhan, wicoie qa wicoḣan kin unma tukte kaśta, Jesus Itancan kin caje on owasin econ po, qa on Wakantanka Ateyapi kin wopida eciya po.

Kolosse 4:2

Ohinniyan cekiya un po, qa he en wopida eya wakta po.

I. Timotheos 2:1

Heon, taku owasin itokam, wicaśta kin owasin on, wokidapi, wocekiye, waiciyapi wicoie, wopida ko eyapi kta wacin.

I. Timotheos 5:5

Tuwe awicakehan wiwazica un kin he iśnana eḣpeyapi un, Wakantanka wacinye c̣a ohinniyan, hanyetu anpetu ko, wocekiye eyapi, qa hoyekiyapi kin en un.

I. Inyan 4:7

Tuka taku owasin ecadan owihanke kta. Heon etanhan wacinksapa po, qa wocekiye on waktaya un po.

I. Inyan 5:7

Wacin akipam duzapi kin owasin iye en aiḣpeya po; iye qe awanicinpi ece.