Philippi 4:5 - Dakota Wowapi Wakan Kin

⁵ Niwaḣbapidan kin he wicaśta owasin sdonyapi kta. Itancan kin kiyadan un.

Philippi 4:5 ပူးပေါင်းရင်းမြစ်များ

Mattheos 6:25

Heon etanhan heciciyapi; Yanipi kin on nagiyeic̣iyapi śni po, taku yatapi kta, qa taku datkanpi kta; qa nakun nitancanpi on taku kodakapi kta: Wiconi kin he woyute isanpa śni he; qa wicatancan kin iś wokoyake isanpa yawapi śni he.

Mattheos 6:34

Heon etanhan heyakecinhan on iyokiśinic̣iyapi śni po; heyakecinhan he taku tawa kin on iyokiśica ece e kta; anpetu eca taku śica tawa kin yukan ece e kta.

Lukas 21:34

Unkan itonic̣ipa po; okinni tukten wotapi, qa witkopi, qa wiconi kin de awacinpi kin, hena on nicantepi kin niyuśakapi kta naceca; qa hecen sdonyakiyapi śni ecen anpetu kin he nihiyohipi kte.

I. Korinth 16:22

Tuwe Jesus Messiya Itancan kin waśtedake śni kinhan, he anathema maran-atha un nunwe.

I. Korinth 6:7

Hecen taku iyayecionpapi kin he śicaya ecanonpi ece. Tokeca e śicaya ecaniconpi kin ayatpaspapi śni he. Tokeca taku nicipi kinhan wacin tanka yec̣unpi śni he.

I. Korinth 8:13

Heon etanhan woyute kin mihunkawanji waḣtaniye cinhan, ohinniyan tado wate śni waun kta, okinni mihunkawanji waḣtaniwaye kta.

I. Korinth 9:25

Tuwe kaśta kici econ kte cinhan taku owasin iyatahde ic̣iye śni un. Hena wateśdake atakuni kte śni kin yekiyapi kta, tuka unkiye wateśdake ohinniyan un kte cin he unkakitapi.

II. Korinth 10:1

Palos he miye, Messiya waḣbayedan qa wacintanka heon ceciciyapi ce, niyepi ekta onśiḣanyan waun, tuka en waun śni ehantanhan, niyepi on wadimataka;

II. Thessalonike 2:2

Ihnuhan wicanagi qa wicoie qa wowapi unnicagapi kin on ihnuhanna nitawacinpi ekta nihuhuzapi qa ininihanpi kin, Messiya taanpetu kin kiyadan u kin hececa.

Titos 3:2

Tuwedan yaśicapi kte śni, qa wicakizapi kte śni, tuka waḣbayedan unpi, qa wicaśta owasin on wacin tankapi kta.

Hebrew 10:25

Qa wanjikji econpi kin iyecen mniunkiciyapi ece kin he unkayuśtanpi kte śni; tuka wahokonuhkiciciyapi kta; qa anpetu kin he kiyadan u wandakapi kinhan, sanpa nina ecanonpi kta.

Hebrew 10:37

Wanna aśkadan tuwe u kte cin he hi kta, qa yutehan kte śni.

I. Inyan 1:11

Messiya Taniya iyepi en un kin, tohantuqa anpetu kin tukte e ka e iwangapi, Messiya kakije kte c̣a wowitan ihakam un kte cin henaitokamoyake ciqon he ehan.

I. Inyan 4:7

Tuka taku owasin ecadan owihanke kta. Heon etanhan wacinksapa po, qa wocekiye on waktaya un po.

Wayuotanin 22:20

Tuwe hena yaotanin kin he kaken eya, Iho, kohanna wau kta ce. Amen. Itancan Jesus hecen yau nunwe.

Wayuotanin 22:7

Iho ecadan wau kta. Tuwe wowapi kin de wowiyukcan oie kin tanyan yuhe cinhan he yawaśtepi ce.