Philippi 4:3 - Dakota Wowapi Wakan Kin

³ Qa mitawaśi wicake cin ceciciya ce, winoḣinca tona wotanin waśte kin en mici oḣanye cin hena owicakiya wo, qa Klement, qa mitawaśi unmapi, cajepi kin wiconi wowapi kin en un kin hena koya.

Philippi 4:3 ပူးပေါင်းရင်းမြစ်များ

Lukas 10:20

Tuka wakan śice cin hena ananigoptanpi kin heon wiyuśkinpi śni po; tuka maḣpiya ekta caje oniwapi kin hee on wiyuśkin po, eya.

Roma 12:1

Heon mihunkawanji, Wakantanka wacantohnake cin on etanhan eciciyapi ce, nitancanpi kin wośnapi ni un, wakan, qa taku Wakantanka iyokipi kin, hena hecen yaqupi kta, he wawoyakiyapi kte cin hecetu ḣinca.

Roma 16:12

Truphena Truphosa kici Itancan kin on ḣtanipi kin hena napewicayuza po. Persis waśte dakapi kin Itancan kin on nina ḣtani kin he napeyuza po.

Roma 16:9

Urbane Messiya en unkitawaśipi kin, qa Stacus waśte wakidake cin, hena napewicayuza po.

Philippi 1:12

Mihunkawanji, taku token ecamiconpi kin he on wotanin waśte kin sanpa otanin aye cin he sdonyayapi kta wacin.

Philippi 1:16

Hena e waakinicapi kin on, wowicake eciyatanhan śni Messiya kin oyakapi, qa makaśkapi kin en wokakije kokijuya aupi kta kecinpi;

Philippi 1:27

Tuka Messiya tawootanin waśte kin eciyatanhan yanipi nunwe; hecen wanciyakapi wau kinhan, qa iś wau śni, unina tukte kaśta, nioḣanpi kin nawaḣon kta, wicotawacin wanjidan en sutaya yaunpi, qa wicanagi wanjidan yuha wotanin waśte kin wacinyan oyecipapi kin.

Philippi 1:5

Anpetu tokaheya kin ehantanhan, han, qa dehanyan, wotanin waśte kin en kodayeciyapi kin heon.

Philippi 1:7

Hecen niyepi owasin wacin en ciyuzapi kte cin he hecetu, cante en mayaduzapi kin heon; makaśkapi kin, ga wotanin waśte omdake c̣a mdasuta kin he en, qa nakun wowaśte mitawa kin en niyepi owasin oyapapi ece.

Philippi 4:2

Yuodiyas eewakiye c̣a, Suntuce cewakiya, Itancan kin en okonwanjidan awacinpi kta.

Kolosse 1:7

Epaphras unkitawaśipi waśte, qa niyepi on Messiya taokiye wicake cin he hena hecen onspeniciyapi;

Wayuotanin 13:8

Unkan tona maka akan unpi cajepi kin wiconi wowapi Amnos, maka kagapi kin hehantanhan wośnapi qon, he tawa kin en ewapi śni kin hena owasin wamanica kin ohodapi.

Wayuotanin 17:8

Wamanica wandake cin he un qon, qa un śni kin; qa wośbe cetete wanica etanhan hiyu kta, qa wicotakuni śni ekta hde kta. Qa tona maka akan unpi, maka kagapi kin ehantanhan, cajepi kin wiconi wowapi kin en owapi śni, hena wamanica kin wanyakapi kinhan yuśinyayapi kta, he un qon, qa un śni, qa hinaḣin un kin heon etanhan.

Wayuotanin 20:12

Qa wicaṭe ciqon, cistinpidan tankinkinyanpi ko, hena Wakantanka itokam najinpi, wanmdaka. Unkan wowapi kin yumdayapi; qa wowapi tokeca wan yumdayapi, wiconi wowapi kin hee: Qa wicaṭe ciqon token wowapi kin en kagapi kin he iyecen wicayacopi, iye wicoḣan kin eciyatanhan.

Wayuotanin 20:15

Unkan tuwe wiconi wowapi kin en owapi iyeyapi śni kin he peta mde kin en iyoḣpeyapi ece.

Wayuotanin 21:27

Qa taku wiśamye aśamye cin he en i kte śni, qa taku śicaya econ, qa itonśni kin; tuka tona cajepi kin wiconi wowapi Amnos tawa kin en owicawapi kin henanapidan.

Wayuotanin 3:5

Tuwe ohiye cinhan he wokoyake ska koyake kta, qa iye caje kin wiconi wowapi kin etanhan wapejuju kte śni, tuka he caje kin Ate itokam, qa ohnihde wicaye cin hena wicitokam omdake kta.