Philippi 4:11 - Dakota Wowapi Wakan Kin

¹¹ Taku imakakije cin he wake śni; taku en micihe cin hena on iyokipiya waun kta e onspemiciciya.

Philippi 4:11 ပူးပေါင်းရင်းမြစ်များ

Lukas 3:14

Unkan akicita kin iś eya wiwangapi qa heeiyapi; Qa unkiś token econkupi kta he. Unkan hewicakiya; Wicaśta kin tuwedan wakokipe kicagapi śni, qa tuwedan oitonśniyan taku iyaonpapi śni po; qa wokajuju nic̣upi kin he on cante waśte po.

II. Korinth 11:27

Mdowakiṭa qa nina ḣtawani kin on, ota kiktahan waun kin on, wotektewahda qa imapuza on, ijehan amakiḣan kin on, macuwita qa tancodan waun kin on;

II. Korinth 6:10

Iyokiśicapi iyeuncecapi, tuka ohmniyan wiunyuśkinpi; waḣpanicapi kin iyeuncecapi, tuka wicota watonka wicunkagapi; takudan yuhapi śni kin iyeuncecapi, tuka taku owasin untonpi.

II. Korinth 8:9

Jesus Messiya Itancan unkiyapi towaonśida kin he sdonyayapi, watonka tuka niyepi on waḣpaniic̣iya, hecen iye waḣpanica kin on winijicapi kta.

II. Korinth 9:8

Wakantanka wowaonśida owasin niyepi en niciyuotapi kta okihi; hecen taku owasin ota duhapi kin on wicoḣan wake kin wadupipike kta.

Philippi 3:8

Han, awicakehan taku owasin taku śni wadake, Jesus Messiya Itancan mitawa kin wosdonye oiyokipi kin on, iye on taku owasin toki eḣpewaya, qa hena tacesdi ece mdawa, Messiya iyowahi kte cin heon;

Hebrew 10:34

Miye makaśkapi kin icunhan onśimayakidapi, qa woyuha duhapi qon nicipi kin he on widuśkinpi, maḣpiya ekta woyuha iyotan waśte ohinniyan ye kte cin he duhapi sdonyakiyapi kin heon etanhan.