Philippi 4:1 - Dakota Wowapi Wakan Kin

¹ Heon etanhan mihunkawanji waśte cicidapi, qa cantocikpanipi kin, wowiyuskin mitawa qa wateśdake mitawa kin, Itancan kin en sutaya najin po, waśte cicidapi.

Philippi 4:1 ပူးပေါင်းရင်းမြစ်များ

Mattheos 10:22

Qa micaje on owasin śicenidapi kta; tuka tuwe owihanke kin hehanyan sutaya un kinhan he ni kta.

Johannes 8:31

Heon Juda oyate kin etanhan tona Jesus wicadapi kin hena hewicakiya; Mioie kin ohinniyan oyapapi kinhan, awicakehan waonspewicawakiye cin he niyepi kta;

Olianyanpi kin 11:23

He ekta i, unkan Wakantanka towaonśida kin wanyake c̣ehan iyuśkin, qa cante kin ocowasin on Itancan kin opapi kta e owasip iwahokonwicakiya.

Olianyanpi kin 14:22

Qa waonspewicakiyapi nagipi kin waśag wicakiyapi, qa wacinyanpi kin en kitanyan unpi kta e iwahokonwicakiyapi, qa wokakije ota iyoopteya Wakantanka tokiconze kin en unkipi kta ce.

Olianyanpi kin 2:42

Qa yewicaśipi kin taku onspewicakiyapi kin en katinyan opapi ece, qa om taku yuhapi, aguyapi kiyuśpapi qa wocekiye eyapi kin en ece unpi.

Roma 2:7

Tona wicoḣan waśte en ape yukanpi, qa wowitan, woyuonihan, qa ṭepica śni kin akitapi ece kin hena wiconi owihanke wanice kta:

I. Korinth 15:58

Hecen mihunkawanji waśte cicidapi kin, sutaya yahanpi, qa pahoho śni yaunpi nunwe; qa ohinniyan Itancan oḣan kin en aic̣iciya po, Itancan kin on ḣtayanipi kin he taku śni wanice kta sdonyayapi kin heon etanhan.

I. Korinth 16:13

Kiktahan un po, wowacinye en sutaya han po, wicaśta iyecen oḣanyan po, waśaka po.

II. Korinth 1:14

Onśpa sdonunyayapi, unkiyuśkinpi kin he niyepi, he iyecen wowitan nitawapi kin he unkiyepi, Jesus Itancan taanpetu kin en.

Galatia 5:1

Hecen tawaic̣iyapi kin on Messiya tawaic̣iye unyanpi kin he en ṭinsadan un po, qa ake wowidake yapi wanapin kin on iyaihdaśkapi śni po.

Philippi 1:27

Tuka Messiya tawootanin waśte kin eciyatanhan yanipi nunwe; hecen wanciyakapi wau kinhan, qa iś wau śni, unina tukte kaśta, nioḣanpi kin nawaḣon kta, wicotawacin wanjidan en sutaya yaunpi, qa wicanagi wanjidan yuha wotanin waśte kin wacinyan oyecipapi kin.

Philippi 1:8

Wakantanka sdonmayan, Jesus Messiya cante kin on owasin cantocikpanipi.

Philippi 2:16

Qa wiconi wicoie kin pazo yaunpi: Hecen Messiya anpetu tawa kin en taku on imawinkta kin he dee, taku śni on waimnanke śni, qa taku śni on ḣtawani śni kin hee.

Philippi 2:26

He niyepi owasin cantonikpanipi, qa iyokiśica un, wayazanke cin nayakiḣonpi kin neon.

Kolosse 4:12

Epaphras enitanhanpi kin, Messiya taokiye kin hee nape niyuzapi; he ohinniyan wocekiye en, niyepi on nina cekiya, Wakantanka tawacin kin owasin en, owotanna, qa ecedan nayajinpi kte cin heon.

I. Thessalonike 3:13

Qa heon wowakan en nicantepi kin iyaonpepica śni niciyusutapi kta, Wakantanka Ateunyanpi kin itokam, tohan Jesus Messiya Itancan unkiyapi kin tona wicayuwakan kin owasin om hi kinhan.

II. Thessalonike 2:15

Heon etanhan, hunkawanjinciyapi kin, sutaya najin po, qa woope oyakapi wicoie, qa wowapi unkitawapi kin eciyatanhan onspeniciyapi kin hena ṭinsaya yuha po.

II. Timotheos 2:1

He etanhan, micinkśi, Jesus Messiya towaonśida kin he en wakiśaka wo.

Hebrew 10:23

Qa mini ska kin on untancanpi kin unyujajapi; qa wacinunyanpi unhdaotaninpi kin he yuhohupi śni unhduhapi kta; tuwe wahounyanpi kin he wacinyepica:

Hebrew 3:14

Tokaheya wicaundapi kin he owihanketa sutaya unhapi kinhan, Messiya en ounpapi.

Hebrew 4:14

Heon Wawayuśna Itancan tanka wan, Jesus Wakantanka Cinhintku, maḣpiya kin ekta iyaye cin hee unhapi kin heon wounhdakapi kin he sutaya unhduzapi kta.

II. Inyan 3:17

Heon etanhan, waśtecicidapi kin, niś niyepi hena itokam sdonyayapi, heon ihnuhan wicaśta śica wohnaye kagapi kin nihnayanpi, qa sutaya nihdepi kin etanhan nihinḣpayapi kinhan.