Philippi 3:9 - Dakota Wowapi Wakan Kin

⁹ Qa he en waun kta, mitoowotanna wicoope kin eciyatanhan un kin he wahduhe śni, tuka taku Messiya wacinyanpi eciyatanhan un kin, Wakantanka toowotanna wacinyanpi kin on icage cin hee wacin.

Philippi 3:9 ပူးပေါင်းရင်းမြစ်များ

Mattheos 9:13

Tuka ya po, qa de taku kapi hecinhan sdonya po; Wowaonśida iyomakipi qa wośnapi wacin śni. Wicaśta owotanna wicakico wahi śni, tuka waḣtanipi sa iyopeiciyapi kta on wahi ce.

Roma 1:17

Heon etanhan Wakantanka owotanna oḣanye cin he wacinyanpi kin etanhan wacinyanpi ekta yuotaninpi; wowapi qon iyececa, Tuwe owotanna kin he wacinyanpi on ni kta ce.

Roma 10:10

Wicoowotanna kta e wicacante on wicadapi, qa wiconi kta e wicai kin on wohdakapi ece.

Roma 16:7

Andronikus Junia kici mitakuye, qa om makaśkapi qon hena napewicayuza po; yewicaśipi kin owicapeya yuonihanpi, qa mitokapa tanhan Messiya en un qon hena.

Roma 5:21

Hecen wiconṭe en woaḣtani ounye ciqon he iyecen wiconi owinanke wanica en wowaonśida ounye kta, Jesus Messiya Itancan unkiyapi kin eciyatanhan.

Roma 8:1

Heon etanhan, nakaha tona Jesus Messiya en un kin, hena wiconṭe iwicayacopi wanin unpi, wicaceḣpi eciyatanhan manipi śni tuka Woniya kin eciyatanhan.

Roma 8:3

Woope kin wicaceḣpi eciyatanhan waśake śni un qon he taku okihi śni kin hee Wakantanka econ, iye Cinhintku wicaceḣpi waḣtani ouncage kin en hiyuya, woaḣtani on, qa wicaceḣpi kin en woaḣtani yaco.

I. Korinth 1:30

Tuka iye eciyatanhan Jesus Messiya en unyakonpi; he unkiyepi on Wakantanka eciyatanhan woksape, qa woowotanna, qa woyuecedan, qa wokajuju ikicaga.

II. Korinth 5:17

Hecen tuwo Messiya en un kin he wanna wicaśta teca; taku tannike cin hena enakiyapi; iho, taku owasin teca icaga.

II. Korinth 5:21

Tuwe woaḣtani sdonkiye śni un qon he, unkiyepi on woaḣtani kagapi; hecen iye en Wakantanka toowotanna unkicagapi kta.

Galatia 2:16

Wicaśta kin woope wicoḣan kin eciyatanhan yaowotanpi śni ece, tuka Jesus Messiya wacinyanpi kin on, he sdonunyanpi kin heon unkiś eya Jesus Messiya wacinunyanpi, Messiya wicadapi kin on unyaowotanpi kta e heon, qa woope opapi kin on etanhan śni; woope wicoḣan kin eciyatanhan wicaceḣpi owasin tuwedan yaowotanpi kte śni.

Philippi 3:6

Ohodapi kin eciyatanhan okodakiciye kin śicaya wakuwa, qa woope woowotanna kin he eciyatanhan takudan iyaonpepica śni waun.

II. Timotheos 1:9

He iye ni unyanpi, qa wicakicopi wakan kin on unkicopi, unkoḣanpi kin eciyatanhan śni, tuka iye tawacin, qa towaonśida, maka icage cin itokam Jesus Messiya on unqupi qon he eciyatanhan:

Titos 3:5

Wicoḣan owotanna econkupi kin eciyatanhan śni, tuka iye towaonśida kin eciyatanhan niunyanpi; teca wicatonpi woyujaja kin on, qa Woniya Wakan wicayuteca kin heon etanhan;

Hebrew 6:18

Heon taku nom yutokecapica śni, en Wakantanka itonśni okihipica śni kin hena taku kin on etanhan, tona woape unkitokam ehdepi kin en onaunpapi kin wicakicanpte wan waśaka unhapi kta.

Jakob 3:2

Owasin taku ota on waunḣtanipi ece. Tuwe oie on waḣtani śni kinhan, he wicaśta yuśtanpi qa tancan ocowasin hdaśke kta okihi.

II. Inyan 1:1

Simon Inyan, Jesus Messiya tawowidake qa yeśi qon he, tona Wakantanka unkitawapi toowotanna kin on, qa Jesus Messiya Wanikiye cin eciyatanhan, unkiye unhapi kin iyecen wowacinye teḣika yuhapi kin hena wowapi wicakicaga.

I. Johannes 3:4

Tuwe woaḣtani ecen kin he woope kin kicaksa ece; woaḣtani he woope kicaksapi kin hee.